កូនស្រីអ្នកឧកញ៉ា គិត ម៉េង បញ្ចប់ការសិក្សាថ្នាក់វិទ្យាល័យ ពីសាលាបុត្រសម្ព័ន្ធក្រុមហ៊ុនឪពុករបស់ខ្លួន

ភ្នំពេញ៖កញ្ញា គិត ស៊ូណាវីន ទេវី កូនស្រី អ្នកឧកញ៉ា គិត ម៉េង ប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់ គ្រុប (Royal Group) ជាមួយភរិយាអ្នកញ៉ាម៉ៅចំណានបានបញ្ចប់ការសិក្សាថ្នាក់វិទ្យាល័យពីសាលា Southbridge International School Cambodia ដែលជាបុត្រសម្ព័ន្ធរបស់ក្រុមហ៊ុន Royal Group។ 

អ្នកឧកញ៉ា គិត ម៉េង បានបង្ហោះសារលើបណ្តាញសង្គម នៅថ្ងៃទី៩ ខែមិថុនា បែបនេះថា៖ “«កូនស្រីរបស់ប៉ា អនាគតរបស់កូនគឺពោរពេញដោយកាលានុវត្តភាព។ ទោះកូនទៅទីណា កូនធ្វើអ្វី ឬមានអ្វីកើតទ្បើងចំពោះកូន ចូរកូនចាំថាគ្រួសារយើងនឹងនៅតែគាំទ្រ លើកទឹកចិត្ត និងជឿជាក់លើកូនជានិច្ច។ អបអរសាទរការបញ្ចប់ការសិក្សាថ្នាក់វិទ្យាល័យរបស់កូនស្រី ស៊ូណាវីន។ ទំព័រជីវិតរបស់កូនទើបតែចាប់ផ្តើមប៉ុណ្ណោះ ហើយមិនថាកូនទៅឆ្ងាយប៉ុនណា ឬពេលវេលាកន្លងផុតទៅរយៈពេលប៉ុន្មាននោះទេ កូននឹងនៅតែជាក្មេងស្រីតូច ដែលកាន់ដៃប៉ា ហើយស្ថិតក្នុងដួងចិត្តរបស់ប៉ាជារៀងរហូត”។

សូមបញ្ជាក់ថាកញ្ញា គិត ស៊ូណាវិនដែលមានអាយុប្រមាណ១៧ឆ្នាំ ជា​កូនទី​​បី​ក្នុង​ចំណោម​កូន​ប្រុស​ស្រី​ទាំង​ ៤ នាក់​របស់​អ្នក​ឧកញ៉ា(ស្រីពីរប្រុសពីរ)។  អ្នក​ឧកញ៉ា​គិតម៉េងមើល​ឃើញបុគ្គលិកលក្ខណៈដ៏​គួរឱ្យស្រឡាញ់របស់កូនស្រី​មួយ​នេះ ដែល​​មាន​ការ​ចូលចិត្តពីមនុស្សនៅជុំវិញខ្លួន​ និង​តែង​មាន​ទំនាក់ទំនង​យ៉ាងជិតស្និទ្ធ​ជាមួយបងប្អូន។