» អនុរដ្ឋលេខាធិការក្រសួងពត័មានប្រកាសថាព្រោះតែម៉ែធម៍បងធម៍គេបោកអស់៧ម៉ឺនដុល្លារ » សងនិងការធ្វើដិសណ្ឋារកិច្ចខ្ជីខ្ជារដោយមេដឹកនាំចិននាយករដ្ឋមន្ត្រីជប៉ុនប្រកាសពីកាតព្វកិច្ចជួយការពារតៃវ៉ាន់បើមានការវាយប្រហារ! » សម្តេចធិបតី ហ៊ុន ម៉ាណែត ចង់ឃើញកម្ពុជានាពេលខាងមុខមានផលិតផលខ្មែរតាមទីផ្សារក្នុងស្រុក ៨០ភាគរយ ផលិតផលនាំចូល២០ភាគរយ » គ្រាន់តែបើករថយន្តព័ទ្ធរង្វង់មូល ៤ទៅ៥ជុំក្នុងល្បឿនលឿនក៏ចាប់ខ្លួនបញ្ជូនទៅតុលាការដែរដោយចោទថា បង្កការភ័យខ្លាចដល់ប្រជាពលរដ្ឋ..! » កញ្ញាហុកសារីតាបវរកញ្ញាម្នាក់លើកទឹកចិត្តខ្លួនឯងរឿងមិនបានទទួលលុយពីការបោះឆ្នោតគាំទ្រ! » សេវាចុះហត្ថលេខាផ្ទេរកម្មសិទ្ធដីនៅឃុំកញ្ច្រៀច១ហិកតា១០០ដុល្លារ! » សមត្ថកិច្ច​កងរាជ​អាវុធ​ហត្ថ​ខេត្ត​ព្រះសីហនុ​ បានឃាត់ខ្លួន​ស្នងការរងនគរបាលខេត្តកំពតដោយសារគ្រឿងញៀន! » រឿងប្រដាប់!សង្ស័យថាមានទំនាក់ទំនងជាមួយប្រពន្ធប្ដីទ ប់កំហឹងមិនបានចា,ក់បុរសម្នាក់ស្លា ប់ ! » លោកត្រាំ សរសើរកិច្ចព្រមព្រៀងសន្តិភាពកម្ពុជា-ថៃ​ និងបន្តជម្រុញឲ្យជនភៀសសឹកខ្មែរ ២ម៉ឺននាក់បានវិលទៅ​លំនៅឋានវិញ! » ចោរលោភកាមលួចទូរសព្ទបានហើយ ទាឱ្យម្ចាស់ដោះសម្លៀកបំពាក់ជាថ្នូរនឹងការប្រគល់ឱ្យវិញ ជាប់ខ្នោះ! » សម្តេចធិបតី ហ៊ុន ម៉ាណែត៖ រដ្ឋសម្រេចផ្តល់ថវិកាដើម្បីធ្វើទំនើបកម្មវិស័យសុខាភិបាលជាអាទិភាពសម្រាប់សង្រ្គោះជីវិតមនុស្ស » មេអាមេរិកចិនរុស្ស៊ី ញញឹមចាប់ដៃគ្នាយ៉ាងស្និទ្ធស្នាល តែទទួលបានផលតិចតួច ដល់ពិភពលោក? » បន្ទាប់ពីកម្មកររោងចក្រ ខេមបូ យូនីសូល (Cambo Unisoll)ជិត២០០០នាក់ ធ្វើបាតុកម្ម២ថ្ងៃការចរចាបានសះជា » ប្រធានគណៈចលនាសាសនិកឥស្លាមខេត្តកំពង់ឆ្នាំងនាំយកអំណៅយជូនស្រីខ្មែរឥស្លាមក្រីក្រម្នាក់ ដែលបានសម្រាលកូនភ្លោះប្រុសពីរ » អង្គការឃ្លាំមើលសិទ្ធិមនុស្ស Human Rights Watchជម្រុញកម្ពុជាឲ្យស៊ើបអង្កេតរឿងឃាតកម្មលោកលឹមគឹមយ៉ា!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 20835 នាក់

ម្សិលមិញ 22729 នាក់

សរុប 21300376 នាក់

អាមេរិក​និង​តួ​គី​ទាស់​គ្នា​រឿង​ពា​ណិ​ជ្ចក​ម្ម​តែ​មិនអាច​ចោល​គ្នា​បានឡើយ​!


​វ៉ាស៊ីនតោន​៖ អនុ​ប្រធានាធិបតី អាមេរិក​លោក Mike Pence បាន​ព្រមាន​ប្រទេស​តួ​ក​គី មិនឱ្យ​សាកល្បង​ការសម្រេចចិត្ត របស់លោក​ប្រធានាធិបតី​អាមេរិក ដូ​ណា​ល់ ត្រាំ ស្តីពី​ករណី គ្រូ​គង្វាល​អាមេរិក​លោក Andrew Brunson ដែល​ត្រូវ​អាជ្ញាធរ​តួ​គី​ជាប់​ឃុំឃាំង​នោះទេ ។​a a  us turky 

​ទីភ្នាក់ងារសារព័ត៌មាន ចិន​ស៊ិន​ហួ នៅ​ថ្ងៃទី​១៦ ខែសីហា ឆ្នាំ​២០១៨​បាន​ដក​ស្តី​មក​ផ្សាយ​ថា​៖"​ប្រទេស​តួ​ក​គី​នឹងធ្វើ​បានល្អ​មិនត្រូវ​ធ្វើតេស្ត​" ការសម្រេច ចិត្ត​របស់លោក ត្រាំ ដើម្បី​ឱ្យឃើញ​ជនជាតិ​អាមេរិក ដែល​ជាប់គុក​ដោយ​ខុសច្បាប់​នៅ​បរទេស បាន​ត្រលប់​ទៅ​សហរដ្ឋអាមេរិក​វិញ​។​

​លោក Mike Pence និយាយថា លោក Brunson គ្មាន​ទោសកំហុស​ហើយ "​យុត្តិធម៌​ទាមទារ​ឱ្យ​គាត់​ត្រូវ បាន​ដោះលែង​" លោក Pence បានកត់សម្គាល់​ថា​លោក និង ត្រាំ បន្ត​រឹងមាំ​រហូតដល់​លោក Brunson ត្រូវបាន​ដោះលែង ហើយ​ត្រឡប់ ទៅ​សហរដ្ឋអាមេរិក​វិញ​៕

​ដោយឡែក​អ្នកនាំពាក្យ​ក្រសួងការបរទេស​អាមេរិក​លោកស្រី Heather Nauert បាន​ឲ្យ​ដឹងថា​ភាគី​អាមេរិក នឹង​ពិចារណា​លុបចោល ការដាក់ទណ្ឌកម្ម​លើ​រដ្ឋមន្ត្រី​តួ​ក​គី​ពីរ​នាក់ ប្រសិនបើ​ប្រទេសមួយ​នេះ ដោះលែង​គ្រូ​គង្វាល អាមេរិក​ម្នាក់​ដែល​ត្រូវបាន​ឃុំខ្លួន​។​

​ប្រឆាំង​ការកៀបសង្កត់​វិស័យសេដ្ឋកិច្ច​ពី​អាមេរិក​លោក​ប្រធានាធិបតី​តួ​គី​អ៊ែរ​ដូ​ហ្កា​ន​មិនបាន​ចុះ​ញ៉ម លោក​ដូ​ណា​ល់ ត្រាំ​ដែល​បានប្រកាស​ដំឡើង​ពន្ធ​ទ្វេដង​លើ​ផលិតផល​ដែកថែប និង​អាលុយមីញ៉ូម​តួ​ក​គី​នាំចូល​អាមេរិក​នោះឡើយ​។ គួរ​រម្លឹក​ជូន​ថា ការប្រកាស​ដំឡើង​ពន្ធ​លើ​ផលិតផល​ដែកថែប និង​អាលុយមីញ៉ូម​តួ​ក​គី​នាំចូល​អាមេរិក​ពី​សំណាក់​លោក​ដូ​ណា​ល់ ត្រាំ​បានធ្វើ​ឲ្យ​ប្រាក់​លីវ​តួ​ក​គី​បាត់បង់​តម្លៃ​ដល់​ទៅ ១៦% ទល់នឹង​ប្រាក់​ដុល្លារ​អាមេរិក​កាលពី​ថ្ងៃ​សុក្រ ទី​១០ សីហា​។​

​កាលពី​ថ្ងៃ ទី​១៤ សីហា លោក​អ៊ែរ​ដូ​ហ្កា​ន​បាន​អំពាវនាវ​ឲ្យ​ធ្វើពហិការ​ឧបករណ៍​អេឡិចត្រូនិក​អាមេរិក ហើយ​ក្នុង​ថ្ងៃ​ពុធ ទី​១៥ សីហា​នេះ រដ្ឋាភិបាល​ទីក្រុង​អង់កា​រ៉ា​ក៏បាន​សម្រេច​ដំឡើង​ពន្ធ​លើ​ផលិតផល​អាមេរិក​មួយចំនួន​ដែល​នាំចូល​តួ​ក​គី​។​

​សូមបញ្ជាក់ថា​៖​ផលិតផល​អាមេរិក​នាំចូល​តួ​ក​គី​ដែលជា​ផ្ទាំង​ស៊ី​ប​នៃ​ការដំឡើង​ពន្ធ​រួមមាន រថយន្ត​ត្រូវ​ដំឡើង​ពន្ធ​ឲ្យ​ដល់ ១២០% ភេសជ្ជៈ​មួយចំនួន​ដែលមាន​ជាតិ​ស្រវឹង​ត្រូវ​ដំឡើង​ពន្ធ​ឲ្យ​ដល់ ១៤០% ដំឡើង​ពន្ធ​បារី​ចំនួន ៦០% អង្ករ ឬ​ផលិតផល​ជា​គ្រឿងសំអាង​ជាដើម​។

​ទោះជា​យ៉ាងណា​បន្ទាប់ពី​ធ្លាក់​ថ្លៃ​ខ្លាំង​ទល់នឹង​ប្រាក់​ដុល្លារ​អាមេរិក​រយៈពេល​ប៉ុន្មាន​ថ្ងៃ​មក ប្រាក់​លីវ​តួ​ក​គី​ហាក់​ផ្តើម​មាន​លំនឹង​បន្តិច​។ ជាក់ស្តែង​នៅ​ថ្ងៃ​ពុធ ទី​១៥ សីហា ១​ដុល្លារ​អាមេរិក​ដូរ​បាន ៦​លីវ​តួ​ក​គី​។ យ៉ាងណាក៏ដោយ តម្លៃ​ប្រាក់​លីវ​តួ​ក​គី​នៅ​មិនទាន់​អាច​រកឃើញ​តម្លៃ​ដើម​របស់​វា​វិញ​បាន​នៅឡើយ​ទេ ហើយ​បើ​គិត​តាំងពី​ដើមឆ្នាំ ២០១៨ នេះ​មក ប្រាក់​លីវ​តួ​ក​គី​បាន​បាត់បង់​តម្លៃ​ដល់​ទៅ​ជាង ៤០% ទល់នឹង​ប្រាក់​ដុល្លារ​អាមេរិក និង​ប្រាក់​អឺរ៉ូ​។ រដ្ឋមន្ត្រីក្រសួង​ហិរញ្ញវត្ថុ​តួ​ក​គី​លោក Berat Albayrak ដែលជា​កូនប្រសារ​របស់លោក​អ៊ែរ​ដូ​ហ្កា​ន​បាន​បញ្ជាក់ថា តួ​ក​គី​នឹង​បន្ត​ការពារ​ប្រាក់​លីវ​របស់ខ្លួន ព្រមទាំង​ឆ្លៀត​បរិហារ​អាមេរិក​ដែល​បាន​វាយប្រហារ​រូបិយប័ណ្ណ​តួ​ក​គី​។​

​មានការ​កត់សម្គាល់ថា​៖​នៅក្នុង​សង្គ្រាម​ពាណិជ្ជកម្ម​រវាង​អាមេរិក និង​តួ​ក​គី​ពេលនេះ អាមេរិក​មានប្រៀប​ជាង​តួ​ក​គី ព្រោះ​គ្រាន់​តែត្រឹម​សារ​របស់លោក​ដូ​ណា​ល់ ត្រាំ​ប្រកាស​ដំឡើង​ពន្ធ​លើ​ផលិតផល​ដែកថែប និង​អាលុយមីញ៉ូម​តួ​ក​គី​នាំចូល​អាមេរិក​ភ្លាម ប្រាក់​លីវ​តួ​ក​គី​បាន​ធ្លាក់​ថ្លៃ​រហូត​បង្ក​ឲ្យ​មាន​ភាព​ភ័យ​ស្លន់ស្លោ​ឆ្លង​ចូលដល់​ផ្សារភាគហ៊ុន​នៅ​បរទេស​។ តែ​គេ​មិន​ភ្លេច​និយាយ​ទេ​ថា សង្គ្រាម​ពាណិជ្ជកម្ម​រវាង​វ៉ាស៊ីនតោន និង​អង់កា​រ៉ា​ពេលនេះ​មាន​បង្ក​យ៉ាងជ្រៅ​ដោយ​សង្គ្រាម​ការទូត ព្រោះ​ចូរ​កុំភ្លេចថា អ្វីៗ​បាន​ផ្តើមចេញពី​ការដែល​រដ្ឋអំណាច​តួ​ក​គី​បាន​ឃុំខ្លួន​គ្រូ​គង្វាល​ជនជាតិ​អាមេរិកាំង​លោក Andrew Brunson ក្នុង​ទឹកដី​តួ​ក​គី​។​

​លោក Brunson ត្រូវបាន​តួ​ក​គី​ចោទប្រកាន់​ពីបទ​ចារកម្ម និង​ធ្វើ​សកម្មភាព​ភេរវ​និយម​ក្នុង​ទឹកដី​តួ​ក​គី​។ បន្ទាប់ពី​បានដាក់​ក្នុង​ពន្ធនាគារ​ជាង ១​ឆ្នាំកន្លះ​មក លោក Brunson ត្រូវបាន​រដ្ឋអំណាច​តួ​ក​គី​យកទៅ​ឃុំ​ក្នុង​គេហដ្ឋាន​ដោយ​មានការ​យាមកាម​តឹងរឹង​នា​ខែកក្កដា​កន្លងទៅ​។ តែ​អាមេរិក​បន្ត​ទាមទារ​ដោះលែង​ជា​ស្ថាពរ​។ នេះ​ជា​រឿង​មួយ ចំណែក​រឿងរ៉ាវ​មួយទៀត គឺ​ទាក់ទង​នឹង​សត្រូវ​ប្រធានាធិបតី​តួ​គី​លោក​អ៊ែរ​ដូ​ហ្កា​ន​គឺ​លោក Gülen ដែល​កំពុង​រស់នៅ​លើទឹក​ដី​អាមេរិក​តាំងពី​ឆ្នាំ ១៩៩៩ ។

លោក Gülen ជនជាតិ​តួ​ក​គី​រូបនេះ​ត្រូវបាន​លោក​អ៊ែរ​ដូ​ហ្កា​ន​បាន​ចោទ​ពីបទ​នៅ​ពីក្រោយ​រដ្ឋប្រហារ​យោធា​ទម្លាក់​លោក​មិនបាន​សម្រេច​ក្នុង​ខែកក្កដា ឆ្នាំ ២០១៦​។​
​ទោះបីជា​កំពុង​ប្រឈមមុខ​ដាក់គ្នា​យ៉ាងណាក៏ដោយ ក៏​តួ​ក​គី និង​អាមេរិក​កំពុង​រក្សា​ទំនាក់ទំនង​រវាង​គ្នា​ជានិច្ច​។​ព្រោះ​ក្នុងនាម​ជា​ប្រទេស​សមាជិក​អង្គការ​អូតង់​ដូចគ្នា អាមេរិក និង​តួ​ក​គី​កំពុង​ត្រូវការ​គ្នា​ទៅវិញ ទៅមក ពិសេស​នៅក្នុង​យុទ្ធនាការ​ប្រយុទ្ធប្រឆាំង​នឹង​អង្គការ​រដ្ឋ​អ៊ីស្លាម​នៅ​ស៊ី​រី និង​អ៊ីរ៉ាក់​ដែល​អាមេរិក​មាន​មូលដ្ឋានទ័ព​លើទឹក​ដី​តួ​ក​គី​៕a a us turky 

 

​