តារាសម្ដែងដ៏ល្បីលោក អ៊ុន សិទ្ធា ទទួលមរណភាព​ដោយសារជំងឺមហារីកសម្តេចតេជោចូលបុណ្យ៣០លាន

ភ្នំពេញ៖ ពិតជាសោកស្ដាយណាស់ សម្រាប់ក្រុម​គ្រួសារ ក៏ដូចជាមិត្តភក្តិក្នុងសង្គមសិល្បៈ​ដោយសារតែតារាសម្ដែងដ៏ល្បីលោក អ៊ុន សិទ្ធា មានទទួលមរណភាពទាំងវ័យក្មេងដោយសារជំងឺមហារីកដំណាក់កាលចុងក្រោយ នៅល្ងាចម៉ោងជាង៥ ថ្ងៃទី១៩ ខែវិច្ឆិកា ឆ្នាំ២០២៥នេះ​។​ខណៈបើតាមអ្នកស្រី ចន ច័ន្ទលក្ខិណា លោក​ទទួលមរណភាពដោយសារជំងឺដំបៅក្រពះ ពោះវៀនធ្ងន់ធ្ងរ និងមានទឹកដក់ក្នុងពោះ។ 

មរណភាពរបស់លោក អ៊ុន សិទ្ធា មិនមែនត្រឹមតែដំណឹងដ៏សោកសៅសម្រាប់អ្នករួមអាជីព និងក្រុមគ្រួសារប៉ុណ្ណោះទេ សូម្បីតែសាធារណជនដែលជាអ្នកគាំទ្រតារាប្រុសឆ្នើមរូបនេះ ក៏បង្ហាញក្តីសោកសង្រែងជាពន់ពេកផងដែរ ខណៈដែលពុំធ្លាប់លេចឭដំណឹងស្ថានភាពសុខភាពណាមួយរបស់លោកសោះ តែសុខៗស្រាប់តែបានទទួលដំណឹងស្លុតចិត្តភ្លាមៗនេះទៅវិញ។សម្តេចតេជោនិងសម្តេចកិត្តិព្រឹទ្ធបណ្ឌិតប៊ុនរ៉ានីបានចូលបុណ្យសពតារាសម្តែងក្នុងរឿងកូនប្រុសក្រោមពន្លឺចន្ទ័ដែលស្លាប់ដោយជម្ងឺចំនួន៣០លានរៀលតាមរយ:,លោកហ្វៃសំអាននិងអ្នកស្រីចនចន្ទលក្ខិណា។

សូមបញ្ជាក់ដែរថាបើតាមលោកអ៉ឹមជីវ៉ាឲ្យដឹងថា:រឿងមិនគួអោយជឿនោះគឺ អ៊ុន សុធា ៣នាក់ម្តាយឪពុកកូន ហៅគ្នាជុំទាល់តែបាន។លើកទី១ អ៊ឹម ជីវ៉ា : ទៅចូលរួមបុណ្យសពម្តាយ អ៊ុន សុធា ។លើកទី ២ : ជីវ៉ាមកចូលបុណ្យសពឪពុក លោក អ៊ុន សុធា ទៀត ! ។ តែឥឡូវនេះលើកទី៣ : មកបុណ្យសព លោក អ៊ុន សុធាផ្ទាល់ម្តង។

សូម្បីតែមិត្តសិ្នតស្នាលនឹងតារាប្រុសឆ្នើមរូបនេះ គឺលោក សឿន វីតា ក៏ពុំបានទទួលដំណឹងថាមិត្តខ្លួនធ្លាក់ខ្លួនឈឺរហូតដេកស្លាប់លើគ្រែពេទ្យនោះដែរ។ បើតាមសំណេររៀបរាប់របស់លោក សឿន វីតា បញ្ជាក់ថា លោក អ៊ុន សិទ្ធា ចូលសង្គ្រោះបន្ទាន់ និងសម្រាកពេទ្យ ៥ថ្ងៃ តែបែរជាលាក់បាំងមិនប្រាប់មិត្តសោះឡើយ។

លោក សេត គឹមសឿន អ្នកនាំពា្យសមាគមសិល្បករខ្មែរ បានប្រាប់ឲ្យដឹងថា តាមរយៈការសាកសួរអ្នកសិល្បៈដូចគ្នា តារាសម្ដែងលោក អ៊ុន សិទ្ធា ពិតជាបានស្លាប់កាលពីល្ងាចថ្ងៃទី១៩ ខែវិច្ឆិកា ឆ្នាំ២០២៥នេះ ប្រាកដមែនដោយសារជំងឺមហារីកដំណាក់កាលចុងក្រោយ។ លោកបន្តថា តាមការពិតលោក អ៊ុន សិទ្ធា មានជំងឺមហារីកជាយូរឆ្នាំមកហើយ ប៉ុន្តែលោកលាក់បាំងមិនឲ្យនណារដឹងនោះទេ ទើបពេលនេះ ឈានដល់ដំណាក់កាលចុងក្រោយទើបលោកទទួលមរណភាពតែម្ដង។

 បន្ទាប់ពីទទួលបានដំណឹងដ៏សោកសៅនេះភ្លាម អ្នកនាង នៅ សូនីតា អនុប្រធានសមាគមសិល្បករខ្មែរ បានដឹកនាំក្រុមការងារទៅកាន់គេហដ្ឋានរបស់លោក អ៊ុន សិទ្ធា ភ្លាមៗ ដើម្បីចាត់ចែងធ្វើបុណ្យតាមប្រពៃណីសាសនា ជាមួយក្រុមគ្រួសារនៃសព ដែលកំពុងជួបទុក្ខក្នុងគ្រាដ៏លំបាកនេះ។

សូមបញ្ជាក់ថា លោក អ៊ុន សិទ្ធា គឺជាតារាសម្ដែងដែលមានឈ្មោះបោះសំឡេងល្បីល្បាញ ក្នុងពិភពសិល្បៈអស់រយៈពេលជាយូរឆ្នាំមកហើយ ដោយបានបន្សល់ទុកនូវស្នាដៃជាខ្សែភាពយន្ត ចម្រៀងខារ៉ាអូខេ និងការងារសិល្បៈជាច្រើនរាប់មិនអស់។ ជាពិសេសលោកក៏ជាតួអង្គដ៏សំខាន់ក្នុងរឿង «កូនប្រុសកើតក្រោមពន្លឺព្រះចន្ទពេញបូរណ៌មី» ដែលជាភាពយន្តឆ្លុះបញ្ចាំងពីជីវិតតស៊ូរំដោះប្រទេសកម្ពុជា ជាប្រវត្តិសាស្ត្ររបស់សម្ដេចតេជោ ហ៊ុន សែន ផងដែរ។សពរបស់តារាសម្ដែងលោក អ៊ុន សិទ្ធា កំពុងតម្កល់ធ្វើបុណ្យតាមប្រពៃណីស្ថិតនៅផ្ទះលេខ១បេ ផ្លូវ១៤អឺ ភូមិប៉ប្រ៉ក់ខាងត្បូង សង្កាត់កាកាបទី១ ខណ្ឌពោធិ៍សែនជ័យ៕