យុវជនជនជាតិចារ៉ាយដែលមិនល្បីឈ្មោះបានទៅដល់ខេត្តកំណើតរបស់ខ្លួនហើយបន្ទាប់ពីប្រើពេល១២ថ្ងៃចេញពីភ្នំពេញ

រតនៈគីរី៖យុវជន រម៉ាស់ ឃ្វេនដែល ធ្វើដំណើរថ្មើរជើងក្នុងគោលបំណងដើម្បីផ្សព្វផ្សាយតំបន់ទេសចរណ៍ ពីរាជធានីភ្នំពេញបានមកដល់ខេត្តរតនគិរី ហើយនារសៀលថ្ងៃទី៧តុលាដោយប្រើរយៈពេល១២ថ្ងៃលើចម្ងាយផ្លូវជាង៥០០គីឡូម៉ែត្រ។ 

លោកឌុច ចាន់តូ អភិបាលខេត្តស្តីទី និងអាជ្ញាធរខេត្ត ក្រុង ស្រុក ថ្នាក់ដឹកនាំឃុំសង្កាត់ មន្ទីរជំនាញ និងប្រជាពលរដ្ឋជាច្រើនបានទទួលស្វាគមន៍ ព្រមទាំងសាទរជាមួយយុវជន និងបាននាំយកនូវថវិការលើកទឹកចិត្តមួយចំនួនដល់យុវជន រម៉ាស់ ឃ្វេន ដែលមានឆន្ទៈធ្វើដំណើរដោយថ្មើរជើងពីរាជធានីភ្នំពេញមកកាន់ទឹកដីឦសានខេត្តរតនគិរី ក្នុងគោលបំណងផ្សព្វផ្សាយពីតំបន់ទេសចរណ៍ក្នុងខេត្តរតនគិរីផងដែរ។ លោកខៀវកញ៉ារីទ្ធតំណាងរាស្ត្រនិងជាសមាជិកឧត្តមក្រុមប្រឹក្សាព្រះមហាក្សត្រក៏បានប្រកាសជួយ២លានរៀលផងដែរដោយឲ្យុវជនរូបនេះទៅយកពេលណាក៏បាន។ជាទិសដៅបន្ទាប់គឺយុវជនខាងលើ នឹងធ្វើដំណើរបន្តឆ្ពោះទៅកាន់ស្រុកអូរយ៉ាដាវ ខេត្តរតនគិរី ដែលជាស្រុកកំណើតរបស់ខ្លួន ដែលមានចំងាយជាង ៦០ គ.ម ពីក្រុងបានលុង។