វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5309 នាក់
ម្សិលមិញ 6001 នាក់
សរុប 13878139 នាក់
បន្ទាយមានជ័យ៖ព្រះសង្ឃចៅអធិការវត្តភ្នំបាក់លើស្ថិតនៅសង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ព្រះនាម ព្រះគ្រូសោទរ ស្រិល វណ្ណាដែលរងការរិះគន់យ៉ាងព្រោងព្រាតបន្ទាប់ពីបែកធ្លាយវឃ្លិបវិដេអូសកម្មភាពអាវ៉ាសែកាលពីថ្ងៃទី៤មិនថុនាឆ្នាំ២០១៨ត្រូវបានចាប់ផ្សឹ្កហើយកាលពីព្រឹកថ្ងៃទី៥មិថុនាឆ្នាំ២០១៨។
ដំណោះស្រាយនេះបានធ្វើឡើងនៅក្នុងទីវត្តអារាមសមាធិផល(វត្តលោកយួន)ស្ថិតនៅសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ដែលមានគណកម្មការអាចារ្យ គណៈសង្ឃខេត្ត ក្រុងជាច្រើនអង្គនិង
ប្រធានមន្ទីរធម្មការនិងសាសនាចូលរួមដោះដោះស្រាយបញ្ហានេះ។
នារី ឈ្មោះ កែវ លីតា អាយុ ១៩ឆ្នាំ រស់នៅភូមិក្បាលស្ពាន សង្កាត់-ក្រុងប៉ោយប៉ែត ដែលជាតួអង្គស្រីក្នងឃ្លិបវិដេអូដែលមានវត្តមានពេលផ្សឹកលោកដែរបានរៀបរាប់ប្រាប់ថា៖ រវាងគ្រួសារនាង និងព្រះតេជគុណ ស្រិល វណ្ណា នេះ បានស្រលាញ់រាប់អានគ្នាជិតមួយឆ្នាំមកហើយ ។
ការស្រលាញ់រាប់អានគ្នានេះ ធ្វើឲ្យព្រះតេជគុណ ស្រិល វណ្ណា តែងនិមន្តចេញចូលផ្ទះនាងជាញឹកញាប់ រហូតដល់បង្កើតជាចំណងស្នេហ៍ជាមួយនាង តែមិនបានធ្វើអ្វីឲ្យលើសប្រពៃណីទេ ។ ក្រោយមកក៏ចេះតែបង្កើតឲ្យមានភាពស្និទ្ធស្នាលខ្លាំងឡើង និងមានអនុស្សាវរីយ៍ជាច្រើនក្នុងការលេងសើចនាំគ្នាថតរូបពេលចូលឆ្នាំទុកក្នុងទូរស័ព្ទជាច្រើន ដូចជារូបប្រឡែងគ្នាក្នុងកុដិ និងក្រឡុកខ្លាឃ្លោកជាដើម។
នាង លីតា បានរៀបរាប់ទៀតថា នៅថ្ងៃទី១៨-១៩ ខែឧសភាឆ្នាំ ២០១៨ មុននេះ ព្រះតេជគុណ ស្រិល វណ្ណា បាននិមន្តពីរាជធានីភ្នំពេញវិញឲ្យអង្គរក្ស របស់លោកជូនតាមរថយន្តទាំងយប់ចូលទៅសុំប៉ាម៉ាក់សម្រាកនៅផ្ទះនាងមួយយប់ ក្រុមគ្រួសារនាងក៏យល់ព្រម រួចលោកបានដេញអង្គរក្សឲ្យបើករថយន្តទៅដេកនៅផ្ទះគេចុះ។
នៅយប់នោះ ប្អូនប្រុសនាងម្នាក់ និង ម្តាយឪពុក គាត់ដេកនៅជាន់ក្រោម ឯព្រះតេជគុណ ស្រិល វណ្ណា សឹង នៅលើផ្ទះ គ្រាដែលនាងដេកក្នុងបន្ទប់លើផ្ទះដោយឡែកដែរនោះ ។ លុះនៅវេលាម៉ោងប្រមាណ២យប់ សង្ឃអង្គនេះបានចូលទៅបន្ទប់របស់នាង រួចចាប់រំលោភនាងបានសម្រេច ហើយលួងលោមថា នឹងសឹកចូលស្តីដណ្តឹងនាងរៀបការតាមច្បាប់ តែបានគំរាមមិនឲ្យប្រាប់រឿងនេះដល់ម្តាយឪពុកនាងដាច់ខាត បើពុំនោះសោតទេនាងនឹងស្លាប់ខាននៅស្រុក ខ្មែរ ទើបនាងមិនហ៊ានស្រែក ។
លុះពេលទៀបភ្លឺ សង្ឃអង្គនេះ បានចាកចេញពីផ្ទះនាងទាំង ស្ងាត់ៗ ដោយមិនឲ្យម្ចាស់ផ្ទះដឹងឡើយ ។ ចាប់ពីពេលនោះមកសង្ឃអង្គនេះបានបិទទូរស័ព្ទ និងបិទហ្វេសប៊ុកមិនដែលឃើញនៅក្នុងវត្តទេបានន័យថាចង់គេចពីមុខនាងជារៀងរហូត ។
នាងបន្តថា ដោយសារតែអង្គនេះគេចវេសមិនមកជួប គួបផ្សំគេប្រាប់ថា ទៅដឹកស្រីថ្មីដើរលេងទៀតធ្វើឲ្យនាងទ្រាំលែងបានក៏ដាច់ចិត្តបង្ហោះរូបភាពអាស្រូវទាំងឡាយក្នុងហ្វេសប៊ុកតែម្តងទៅដើម្បីឲ្យគាត់វិលមកដោះស្រាយគ្នាតាមសម្រួល ។ចំណែកចុងចោទព្រះតេជគុណ ស្រិល វណ្ណា វិញ មិនបានធ្វើអត្ថាធិប្បាយអ្វីក្រៅពីសម្រក់ទឹកភ្នែកហើយបដិសេធថា មិនបានប្រព្រឹត្តបែបនេះទេគឺជាការបង្ខូចកេរ្តិ៍ឈ្មោះព្រះអង្គតែប៉ុណ្ណោះ។សូមបញ្ចាក់ថា៖នៅលើបណ្តាញសង្គម Facebook ស្ត្រីម្នាក់ដែលមានអាខោនឈ្មោះ MoTa Gimmick បានបង្ហោះសារថា «ស្គាល់លោកម្នាក់នេះអត់ ខំគោរពជឿជាក់ តែទីបំផុតរត់តាមស្រី ដេកជាមួយស្រី ហើយកុហកថាទៅមើលជំងឺនៅសុរិន ប្រទេសថៃ » ។
ទោះបីសង្ឃអង្គនេះបដិសេធក៏ដោយ អាជ្ញាធរមានសមត្ថកិច្ចបានស្តាប់អង្គហេតុ និងអង្គច្បាប់តាមវិន័យសាសនា និងច្បាប់រដ្ឋ ដោយបានតម្រូវឲ្យសឹកជាគ្រហស្ថ រួចបានចាប់ដាក់ខ្នោះចាត់ការតាមច្បាប់ តាមពាក្យបណ្តឹងរបស់នារីរងគ្រោះនាព្រឹកនោះតែម្តង។តែបើតាមការសិក្សាវាមនិដេលទះដៃម្ខាងឭនោះទេព្រោះតាមរូបភាបបង្ហាញថាភាគិទាំងពីព្រមព្រៀងជាមួយគ្នាតើ៕