គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 11503 នាក់

ម្សិលមិញ 9639 នាក់

សរុប 20701674 នាក់

រដ្ឋាភិបាលកាណាដាព្រមានប្រជាពលរដ្ឋខ្លួនពីហានិភ័យអសកម្មសន្តិសុខនិងចាប់ជម្រឹតអនឡាញ

21-September-2026 / សន្តិសុខសង្គម

កាណាដា៖នៅលើគេហទំព័រផ្លូវការរបស់រដ្ឋាភិបាលកាណាដា ដែលគេធ្វើបច្ចុប្បន្នភាពចុងក្រោយនៅថ្ងៃទី៦ មីនា ឆ្នាំ២០២៥ គេឃើញកាណាដាបានអំពាវនាវឲ្យពលរដ្ឋខ្លួនប្រុងប្រយ័ត្នខ្ពស់ពេលមកកម្ពុជា ។នៅសារក្រើនរំលឹកដល់ពលរដ្ឋកាណាដាដែលចង់ធ្វើដំណើរទៅប្រទេសកម្ពុជា រដ្ឋាភិបាលកាណាដា បានលើកឡើងពី ចំណុចហានិភ័យសន្តិសុខ សណ្តាប់ធ្នាប់ជាច្រើនចំពោះភ្ញៀវទេសចរដែលបានមកទស្សនាប្រទេសកម្ពុជាដែល មានជាំអាទិ៍ការបោកប្រាស់សំដៅក្រុមទេសចរបរទេស ដែលអាចជាការឆបោកតាមអនឡាញ ឬការចាប់បង្ខំរបស់ឧក្រិដ្ឋជនដែលជំរុញឲ្យអ្នកទេសចរទៅម៉ាស៊ីន ATM ដើម្បីបង្ខំពួកគេឲ្យដកប្រាក់។ a cananda cambodia

អាជ្ញាធរកាណាដាក៏បានលើកឡើងពីករណីជនរងគ្រោះដែលត្រូវគេឆបោក និងជំរិតទារប្រាក់តាមច្រកព្រំដែន។ អ្នកមួយចំនួនបានរាយការណ៍ថា មន្ត្រីព្រំដែនបានសុំឲ្យពួកគេបង់ថ្លៃបន្ថែមដើម្បីអាចចូលប្រទេសកម្ពុជា។ រដ្ឋាភិបាលកាណាដាបានលើកពី ករណីឆបោក ការជំរិតទារប្រាក់ និងឧក្រិដ្ឋកម្មជាបណ្តាញ កើតមានឡើងច្រើន ជាពិសេសនៅក្រុងព្រះសីហនុ និងក្រុងប៉ោយប៉ែត។កាណាដាដែលប្រកាសថានឹងបើកស្ថានទូតនៅរាជធានីភ្នំពេញក៏បានលើកឡើងពីករណីរំលោភផ្លូវភេទដែលធ្លាប់កើតមានក្នុងប្រទេសកម្ពុជា ជាពិសេសលើស្ត្រីបរទេស។ តាមស្ត្រីរងគ្រោះ ករណីមួយចំនួនបានកើតឡើងនៅតាមផ្ទះសំណាក់ដែលសំបូរអតិថិជនជាយុវវ័យ។

សូមបញ្ជាក់ថាមួយរយៈកាលចុងក្រោយនេះ កម្ពុជា ឧស្សាហ៍ជួបរឿងអាស្រូវជុំវិញបញ្ហាឆបោកតាមប្រព័ន្ធអនឡាញ និងការជួញដូរមនុស្ស ជាពិសេសទៅលើជនបរទេស។ ប្រព័ន្ធផ្សព្វផ្សាយជប៉ុន Nikkei Asia កាលពីខែកញ្ញា ឆ្នាំ២០២៣ ធ្លាប់បានស្រង់សម្តីអ្នកជំនាញទេសចរណ៍ក្នុងតំបន់ថា អ្នកដំណើរជាច្រើនបានលុបចោលផែនការទៅទស្សនាប្រទេសក្នុងតំបន់អាស៊ីអាគ្នេយ៍ បន្ទាប់ពីមានការព្រមានពីប៉ូលិស អំពីការចាប់ជំរិត ឲ្យទៅធ្វើការនៅមជ្ឈមណ្ឌលឆបោកតាមប្រព័ន្ធអនឡាញ ឬហៅថា Scam។

ពាក់ព័ន្ធករណីខាងលើនេះក្រសួងការបរទេសកម្ពុជាតាមរយៈអ្នកនាំពាក្យលោក ជុំ សន្ទរី បញ្ជាក់ប្រាប់វិទ្យុបារាំងអន្តរជាតិ RFI នៅថ្ងៃទី១៦ មីនា ថា លោកនឹងបញ្ចូនករណីព្រមានពីហានិភ័យសន្តិសុខសង្គមដែលរដ្ឋាភិបាលកាណាដាបានលើកឡើងខាងលើនេះ ទៅកាន់នាយកដ្ឋានដែលពាក់ព័ន្ធ។សូមបញ្ជាក់ថាក្នុងឆ្នាំ២០២៤កន្លងទៅ ក្រសួងមហាផ្ទៃបានបន្តកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែនជាមួយបណ្តាប្រទេសជាសមាជិកនគរបាលអន្តរជាតិ និងដៃគូសហប្រតិបត្តិការទាំងក្នុង និងក្រៅតំបន់សរុបបានចំនួន ៦០៦ករណី។ នេះបើយោតាមរបាយការណ៍លទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងមហាផ្ទៃ។

លោក ទូច សុឃៈ អ្នកនាំពាក្យរងក្រសួងមហាផ្ទៃ បានឱ្យដឹងថា កម្ពុជាតែងតែចូលរួមយ៉ាងសកម្ម និងមានឆន្ទៈខ្ពស់ជានិច្ច ក្នុងកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែនគ្រប់ប្រភេទ និងបទល្មើសនានាទាំងក្នុងក្របខណ្ឌទ្វេភាគី ពហុភាគី និងក្នុងតំបន់ ដើម្បីរួមចំណែកដោះស្រាយបញ្ហារួម ទាំងកម្រិតការងារក្នុងដែនអធិបតេយ្យ និងតាមរយៈយន្តការជាអន្តរជាតិ។លោក ទូច សុឃៈ ក៏បានឱ្យដឹងដែរថា ឆ្នាំ២០២៤ កន្លងទៅ ក្រសួងក៏បានបញ្ជូនមន្ត្រីនគរបាលជាតិចំនួន ៩៥៦រូប ទៅចូលរួមវេទិកាតំបន់ និងអន្តរជាតិនានាចំនួន ២០៨លើក ដើម្បីលើកកម្ពស់សមត្ថភាព ជំនាញ និងការធ្វើការផ្លាស់ប្ដូរបទពិសោធន៍ជាមួយបណ្ដាប្រទេសជាសមាជិកនគរបាលអន្តរជាតិ និងដៃគូសហប្រតិបត្តិការ៕ a canada cambodia1 a onligne kid nap