អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

នគរបាលអន្តោប្រវេសន៍ប៉ុស្តិច្រកទ្វារព្រំដែនអន្តរជាតិប៉ោយប៉ែតរកចំណូលប្រចាំខែបានគ្រប់មុខ ?

លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!

ជាច្រើនទៀត

ចំនួនអ្នកទស្សនា

ថ្ងៃនេះ 2222 នាក់

ម្សិលមិញ 1811 នាក់

សរុប 15649223 នាក់

ឃាត់ខ្លួនលោក វ៉ា សារ៉ងចៅសង្កាត់ចោមចៅទី២ បញ្ជូនទៅតុលាការ ទាក់ទងការគំរាមកំហែងទារលុយចំនួន១លានរៀន ពីនារីជួញដូរគ្រឿងញៀន

07-November-2024 / សន្តិសុខសង្គម

ភ្នំពេញ៖ លោក វ៉ា សារ៉ង ចៅសង្កាត់ចោមចៅទី២ ខណ្ឌពោធិ៍សែនជ័យ ត្រូវបានកម្លាំងនគរបាល នៃស្នងការដ្ឋាននគរបាលរាជធានីភ្នំពេញ ឃាត់ខ្លួន បញ្ជូនទៅតុលាការនៅរសៀលថ្ងៃទី២៨ ខែវិច្ឆិកា ឆ្នាំ២០២៤នេះ។មូលហេតុគឺពាក់ពន្ធ័និង លោកចៅសង្កាត់រូបនេះ បានទូរសព្ទ័ទារលុយពីនារីជួញដូរគ្រឿងញៀនម្នាក់ចំនួន១លានរៀល។ នារីដែលជាអ្នកជួញដូរគ្រឿងញៀនឈ្មោះ ស៊ុយ ជីវ៉ា ហៅតុក ក៏ត្រូវបានចាប់បញ្ជូនទៅតុលាការផងដែរ។ a sangkat drug

លោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានីភ្នំពេញ បានឲ្យដឹងថា កាលពីរសៀលថ្ងៃទី៣០ ខែតុលា ឆ្នាំ២០២៤ លោក វ៉ា សារ៉ង ចៅសង្កាត់ចោមចៅ២ បានដឹកនាំកម្លាំងប្រជាការពារ និងប្រធានភូមិ ចុះរដ្ឋបាល ហើយបានឃាត់ខ្លួនមុខសញ្ញាជួញដូរគ្រឿងញៀនម្នាក់ឈ្មោះ នី គឹមអាន ដកហូតថ្នាំញៀនចំនួន៥៦កូនកញ្ចប់តូច រួមនិងអ្នកប្រើប្រាស់មួយចំនួនទៀត។ ក្រោយឃាត់បាន ក៏ប្រគល់ឲ្យនគរបាលប៉ុស្តិ៍ចាត់ការតាមនីតិវិធី ដោយឡែកឈ្មោះ ស៊ុយ ជីវ៉ា ហៅ កុត ភេទស្រី អាយុ១៧ឆ្នាំ បានពិនិត្យទឹកនោមគ្មានសារធាតុញៀន ក៏អនុញ្ញាតឲ្យត្រឡប់ទៅផ្ទះវិញ។

បន្ទាប់មកប្រហែលមួយ សប្តាហ៍ក្រោយ លោកចៅសង្កាត់បានទទួលព័ត៌មានថា ឈ្មោះ ស៊ុយ ជីវ៉ា ដែលត្រូវជាប្អូនថ្លៃរបស់ជនសង្ស័យ នី គឹមអាន ក៏ជាមុខសញ្ញាចែកចាយគ្រឿងញៀនដែរ ហើយក៏បានទាក់ទងតាមទូរស័ព្ទទៅឈ្មោះ ស៊ុយ ជីវ៉ា ដើម្បីទារប្រាក់១លានរៀល ថ្នូរនឹងការបញ្ចប់រឿង មិនស្រាវជ្រាវចាប់បន្តទៀត ហើយឈ្មោះ ស៊ុយ ជីវ៉ា ក៏បានថតសម្លេង រួចបាញ់ឲ្យអ្នកជិតខាង ហើយក៏ធ្លាយដល់អ្នកសារព័ត៌មាន យកទៅបង្ហោះតាម TikTok តែម្តង។

ក្រោយទទួលបានព័ត៌មាននេះ ក្រោមបញ្ជារបស់ឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តម ឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ, នៅថ្ងៃទី២៧ ខែវិច្ឆិកា ឆ្នាំ២០២៤ សមត្ថកិច្ចការិយាល័យ ប្រឆាំងគ្រឿងញៀន បានហៅភាគីពាក់ព័ន្ធ មានលោកចៅសង្កាត់ចោមចៅទី២ ឈ្មោះ វ៉ា សារ៉ង និងឈ្មោះ ស៊ុយ ជីវ៉ា ហៅ កុត ភេទស្រី អាយុ១៧ឆ្នាំ (អ្នកថតសម្លេង) ចូលមកបំភ្លឺ។

លោកចៅសង្កាត់ វ៉ា សារ៉ង បានបំភ្លឺថា គាត់បានដឹកនាំកម្លាំងប្រជាការពារ ចាប់ឃាត់មុខសញ្ញាចែកចាយ និងប្រើប្រាស់គ្រឿងញៀន ចំនួន២នាក់ មានស្រីម្នាក់ មានឈ្មោះ ស៊ុយ ជីវ៉ា អាយុ១៧ឆ្នាំ និងឈ្មោះ នី គឹមអាន ហៅ ផេវ ភេទប្រុស អាយុ៤២ឆ្នាំ ដោយចាប់យកវត្ថុតាងថ្នាំញៀនទឹកកក៥៦កញ្ចប់តូច កាលពីថ្ងៃទី៣០ ខែតុលា ឆ្នាំ២០២៤ រួចបញ្ជូនមកប៉ុស្តិ៍រដ្ឋបាលចោមចៅទី២ ហើយធ្វើតេស្តទឹកនោមលើអ្នកទាំងពីរ ជាលទ្ធផល ឈ្មោះ ស៊ុយ ជីវ៉ា ហៅកុត មិនមានសារធាតុញៀន ក៏អប់រំឲ្យទៅលំនៅដ្ឋានវិញ។

លោកចៅសង្កាត់ពិតជាទទួលស្គាល់ថា លោកបានខលទៅគំរាមកំហែងទារលុយចំនួន១លានរៀន ជាថ្នូរនឹងមិនតាមចាប់ខ្លួនឈ្មោះ ស៊ុយ ជីវ៉ា ហៅ កុត ដូចក្នុងសារសំលេងបង្ហោះក្នុង TickTok ប្រាកដមែន។ដោយឡែកឈ្មោះ ស៊ុយ ជីវ៉ា ហៅ កុត បានបំភ្លឺថា ខ្លួនពិតជាត្រូវបានចាប់ និងដោះលែងវិញ ដោយសារមិនពាក់ព័ន្ធនឹងបទល្មើសគ្រឿងញៀនកាលពីថ្ងៃទី៣០ ខែតុលា ឆ្នាំ២០២៤ ប្រាកដមែន។ លោកចៅសង្កាត់ចោមចៅទី២ឈ្មោះ រ៉ង ពិតជាបានខលមកគំរាមគំហែងទារប្រាក់ខ្លួនចំនួន១លានរៀលជាច្រើនលើកច្រើនសារ ហើយខ្លួនមានការភិតភ័យ ក៏លួចថតសម្លេងតារ៉ង រួចផ្ញើទៅអ្នកស្គាល់គ្នា ហើយគេក៏បង្ហោះក្នុងបណ្តាញសង្គមហ្វេសបុក និងTickTok។នាងបានសារភាពថា ធ្លាប់ធ្វើសកម្មភាពលក់ចែកចាយគ្រឿងញៀនបាន២ដងជាង១ឆ្នាំមុន តែបច្ចុប្បន្នបានឈប់ធ្វើសកម្មភាព និងមិនជាប់ពាក់ព័ន្ធនឹងឈ្មោះ ភេវ (នី គឹមអាន) នោះទេ។ a sangkat drug1