រសើបរឿងចាស់២០០៣រដ្ឋមន្ត្រីអមនាយករដ្ឋមន្ត្រី សុំឱ្យឈប់ជេរគ្នារឿងMGI រវាងខ្មែរនិងថៃ?!
06-August-2026 / សិល្បះនិងប្លែកៗ
ភ្នំពេញ៖រដ្ឋមន្ត្រីប្រតិភូអមនាយករដ្ឋមន្ត្រី លោក តាន់ ហ្សង់ហ្វ្រង់ស័រ អំពាវនាវឱ្យប្រជាពលរដ្ឋខ្មែរ បញ្ឈប់ការជជែកវែកញែក ជេរគ្នាជាមួយភាគីថៃ ជុំវិញរឿងរ៉ាវប្រកួតបរវកញ្ញាអន្តរជាតិ( Miss Grand international )ដែលកំពុងតែមានភាពចម្រូងចម្រាសលើបណ្ដាញសង្គមចាប់តាំងពីដើមខែតុលា។
ឆ្លើយអ្នកសារព័ត៌មានដែលបានចោទសួរនៅក្នុងសន្និសីទសារព័ត៌មានថា នៅក្នុងជំនួបរវាងនាយករដ្ឋមន្ត្រីកម្ពុជា និងថៃ តើមានបានលើករឿងរ៉ាវចម្រូងចម្រាសពាក់ព័ន្ធនឹង Miss Grand ដែលកំពុងកក្រើកបណ្តាញសង្គមដែរឬទេ?
លោក តាន់ ហ្សង់ហ្វ្រង់ស័រ បានអះអាងថា នៅក្នុងជំនួបទ្វេភាគីរវាងនាយករដ្ឋមន្ត្រីកម្ពុជា និងថៃ ក្រៅកិច្ចប្រជុំកំពូលអាស៊ានដែលឡាវធ្វើជាម្ចាស់ផ្ទះ ថ្នាក់ដឹកនាំកម្ពុជា និងថៃមិនបានជជែកពិភាក្សាអំពីករណីវិវាទរឿងMGI នេះឡើយ។ សម្រាប់លោករដ្ឋមន្ត្រីប្រតិភូដែលាមឈ្មោះល្បីផ្តើមចេញពីអ្នកកាសែតឲ្យដឹងថា ថ្នាក់ដឹកនាំទាំងពីរមិនជជែកពិភាក្សាអំពីវិវាទនេះ តែមិនមែនមានន័យថា ថ្នាក់ដឹកនាំមិនដឹងពីរឿងជម្លោះក្រុមហ៊ុនឯកជន និងអ្នកគាំទ្រនេះឡើយ។
លោក តាន់ ហ្សង់ហ្វ្រង់ស័រ ៖ [ ខ្ញុំហ៊ានអះអាងនៅទីនេះថា ប្រមុខរដ្ឋាភិបាលទាំងពីរមិនបានយករឿងនេះមកជជែកនោះទេ តែមិនមែនបានន័យថាថ្នាក់ដឹកនាំទាំងពីរលោកមិនបានដឹងពីបញ្ហាដែលកំពុងផ្ទះនៅលើហ្វេសប៊ុកនោះទេ។ ]។
ទាក់ទងភាពជម្លើយរបស់ភាគីថៃលោករដ្ឋមន្ត្រីប្រតិភូអមនាយករដ្ឋមន្ត្រី បានអំពាវនាវឱ្យប្រើទឡ្ហីករណ៍ និងការពន្យល់បំភ្លឺបែបស្ងប់ស្ងាត់ ជាជាងការប្រើពាក្យសម្ដីអសុរស ជេរគ្នា នាំឱ្យរឿងរបស់ក្រុមហ៊ុនឯកជន នាំឱ្យបែកជាអូរហូរជាស្ទឹងយូរថ្ងៃតទៅទៀត បើភាគីណាមួយយករឿងជាតិនិយម មកជជែកកាន់តែជ្រៅ។ត្បិតប្រទេសទាំងពីរ ជាប្រទេសដែលមានភូមិផងរបងជាប់គ្នា ដែលត្រូវរួមរស់ជាមួយគ្នារហូតដល់ផែនដីរលាយ។
សូមបញ្ជាក់ថាប្រសិនបើគេចាំមិនភ្លេវទេព្រឹត្តិការណ៍ដុតស្ថានទូតថៃកាលពីឆ្នាំ២០០៣សម័យលោកថាក់ស៊ីននៅធ្វើជានាយករដ្ឋមន្ត្រីគឺផ្តើមេចេញពីតារ៉ាភាពយន្តថៃនាងកុកសុវណ្ណយិងហៅនាងផ្កាយព្រឹកបានប្រមាថប្រជាពលរដ្ឋកម្ពុជាថាប្លន់យកអង្គវត្ត។សម្តីហ្នុងត្រូវបានផ្សាយបន្តដោយវិទ្យសម្បុកឃ្មុំរបស់លោកម៉មសុណង់ដូនិងកាសែតរស្មីអង្គរ។ជាលទ្ធផលលោកម៉មសុណង់ដូនិងចាងហ្វាងកាសែតរស្មីងអង្គរត្រូវបានសមត្តកិច្ចចាប់ឃុំខ្លួន។ក្រោមលេសឆេះស្ថានទូតនាយករដ្ឋមន្ត្រីបានដក់លោកជាសុផារ៉ាចេញពីតំណែងអភិបាលរាជធានីនិងតំំណែងមេប៉េអឹមរាជធានីផងដែរ។ទើបស្ថានការណ៍បានធូស្រាលនិងមានការបើកព្រុំដែនថៃកម្ពុជាឡើងវិញ។
អតីត Miss Grand Cambodia ឆ្នាំ ២០២៣ កញ្ញា ភឹម ស្រីណូ ត្រូវបានអ្នកលេងបណ្ដាញសង្គមថៃតាមវាយប្រហារ ក្រោយនាងចេញមកនិយាយរឿងជម្លោះរបស់ MGC និង MGI ខណៈនោះក៏មានបវរកញ្ញាថៃឆ្នាំ ២០២០ រិះគន់នាងផងដែរ។ទោះបីយ៉ាងណារឿងចម្រូងចម្រាសរវាងស្ថាប័ន MGC និង MGI អំពីការដកសិទ្ធិធ្វើជាម្ចាស់ផ្ទះ និងការដកថយពីការប្រកួត Miss Grand International របស់បវរកញ្ញាកម្ពុជា ប៊ី សុធារី បានបង្កជាជម្លោះពាក្យសម្ដីជាច្រើនពីអ្នកលេងបណ្ដាញសង្គមថៃនិងខ្មែរនៅឡើយ។ ក្នុងនោះក៏មានតារា បវរកញ្ញា និងប្រជាពលរដ្ឋជាច្រើនគាំទ្រពីសកម្មភាពរបស់ស្ថាប័ន MGC ក្រោយធ្វើការបកស្រាយតាមរយៈសន្និសីទកាសែតស្វែងរកខុសត្រូវនឹងសេចក្ដីពិតជូនប្រទេសជាតិ ខណៈលោក ណាវ៉ាត់ ប្រធាន MGI និងបវរកញ្ញាថៃ នាង Malin បានលើករឿងរ៉ាវមួយចំនួនដែលមិនមែនជាការពិតទម្លាក់កំហុសមកលើកម្ពុជា។
ទន្ទឹមនឹងជម្លោះរវាងថៃនិងខ្មែរលើវិស័យបវរកញ្ញាលើកនេះ ស្រាប់តែអតីត Miss Grand Cambodia ឆ្នាំ ២០២៣ កញ្ញា ភឹម ស្រីណូ ចេញមុខការពារ និងនិយាយចំៗបកទៅឲ្យបវរកញ្ញាថៃ និងស្ថាប័នMGIវិញភ្លាមៗ ដោយមិនក្រែងចិត្តខ្លួនក៏ធ្លាប់បានទៅប្រកួតលើឆាកមួយនេះ។ ការចេញមុខមករបស់ ស្រីណូ បានធ្វើឲ្យប្រជាជនកម្ពុជាសម្ដែងការគាំទ្រ និងពេញចិត្តចំពោះការឈឺឆ្អាលសម្រាប់ប្រទេសជាតិយ៉ាងដូច្នេះ ហើយអតីតបវរកញ្ញារូបនេះក៏ត្រូវបានអ្នកលេងបណ្ដាញសង្គមថៃវាយប្រហារដូចគ្នា ខណៈក៏មាននាង Patcharaporn Chantarapadit Miss Grand Thailand ២០២០ រិះគន់ទៅកាន់ ស្រីណូ វិញដូចគ្នា។ អតីត Miss Grand Thailand ២០២០ រូបនេះ បានបង្ហោះសារឌឺដងផ្លែផ្កាព្រមទាំងវាយប្រហារកញ្ញា ភឹម ស្រីណូ និងអ្នកលេងបណ្ដាញសង្គមខ្មែរចំៗមិនញញើតដៃថែមទៀតផង។
គួររំលឹកថាកាលពីយប់ថ្ងៃទី៧ ខែតុលា ឆ្នាំ ២០២៤ ខាងស្ថាប័ន Miss Grand International របស់លោកណាវ៉ាតបានចេញសេចក្ដីប្រកាសដកសិទ្ធិធ្វើជាម្ចាស់ផ្ទះពីកម្ពុជារួមគ្នាជាមួយថៃ ក្រោមហេតុផលមិនធ្វើតាមស្តង់ដាកម្មវិធី។ជាការឆ្លើយតប ខាងស្ថាប័ន Miss Grand Cambodia ដែលទទួលបានសិទ្ធរៀបចំក្នុងឆ្នាំ២០២៤ក៏បានដកខ្លួនពីការប្រកួតភ្លាមៗដូចគ្នា ព្រមទាំងធ្វើសន្និសីទកាសែតបកស្រាយនៅពីក្រោយរឿងរ៉ាវទាំងអស់នោះផងដែរ៕
