គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 10178 នាក់

ម្សិលមិញ 9639 នាក់

សរុប 20700349 នាក់

OCCRP៖ លោកលី យ៉ុងផាត់មានទំនាក់ទំនងរកស៊ីជាមួយឧក្រិដ្ឋជនចិនដ៏ធំ២រូប

21-September-2026 / សេដ្ឋកិច្ច

គម្រោងរាយការណ៍អំពីឧក្រិដ្ឋកម្ម និងអំពើពុករលួយ (OCCRP) បានចេញផ្សាយនូវអត្ថបទស្រាវជ្រាវមួយនៅថ្ងៃសុក្រទី២៧កញ្ញា ដោយបង្ហាញនូវភស្តុតាងមួយចំនួន ដែលលោក លី យ៉ុងផាត់ មានទំនាក់ទំនងរកស៊ីជាមួយឧក្រិដ្ឋជនចិនដ៏ធំ២រូប។ ការលាតត្រដាងនេះធ្វើឡើងបន្ទាប់ពីលោក លី យ៉ុងផាត់ ទើបទទួលរងទណ្ឌកម្មបង្កកទ្រព្យសម្បត្តិពីក្រសួងសេដ្ឋកិច្ចអាមេរិកកាលពីពាក់កណ្តាលខែកញ្ញា។ a lyong phat

បើតាមគម្រោងរាយការណ៍អំពីឧក្រិដ្ឋកម្មនិងអំពើពុករលួយ លោក លី យ៉ុងផាត់ មានទំនាក់ទំនងរស់ស៊ី ឧក្រិដ្ឋជនចិនចំនួន២រូប មានឈ្មោះ Su Yongcan និង Su Zhongjian។ ពួកគេទាំងបីរូបមានក្រុមហ៊ុនរកស៊ីអចលនទ្រព្យមួយឈ្មោះ Xin Yong An Property ដែលបង្កើតឡើងនៅឆ្នាំ២០១៩ ដោយមានអាសយដ្ឋាននៅក្នុងទីស្នាក់កណ្តាលរបស់ក្រុមហ៊ុន L.Y.P Group លោក លី យ៉ុងផាត់។ នេះបើតាមរបាយការណ៍ និងថារចនាសម្ព័ន្ធរបស់ក្រុមហ៊ុននេះ លោក លី យ៉ុងផាត់ មានតួនាទីជាប្រធានក្រុមប្រឹក្សាភិបាល ខណៈជនជាតិចិនទាំងពីររូប គឺជាសហនាយកក្រុមហ៊ុន។

OCCRP បានលាតត្រលាងថា ជនជាតិចិនទាំងពីររូប គឺជាឧក្រិដ្ឋជនដែលពាក់ព័ន្ធនឹងការលាងលុយកខ្វក់ និងបទល្មើសឆបោកតាមប្រព័ន្ធអនឡាញ។ ពោល បុគ្គលឈ្មោះ Su Yongcan គឺជាឧក្រិដ្ឋជនដែលសិង្ហបុរី និងចិន បានចេញដីកាចាប់ខ្លួន ពីបទជាប់ពាក់ព័ន្ធក្នុងសំណុំរឿងលាងលុយកខ្វក់ចំនួន ២.២ពាន់លានដុល្លារ។ សូមបញ្ជាក់បន្តិចថា បុគ្គល Su Yongcan មានដើមកំណើតពីប្រទេសចិន ប៉ុន្តែមានសញ្ជាតិកម្ពុជា។

រីឯបុគ្គល Su Zhongjian គឺជានាយកក្រុមហ៊ុនសណ្ឋាគារមួយឈ្មោះ K.B នៅខេត្តព្រះសីហនុ។ សណ្ឋាគារនេះ ធ្លាប់ត្រូវបានចក្រភពអង់គ្លេសដាក់ទណ្ឌកម្មកាលពីចុងឆ្នាំ២០២៣ ដោយសារពាក់ព័ន្ធក្នុងបទល្មើសឆបោកដ៏ធំ។យ៉ាងណាមិញ ក្នុងសារឆ្លើយតបទៅកាន់OCCRP លោក លី យ៉ុងផាត់ បានអះអាងថាខ្លួនមានទំនាក់ទំនងតិចតួចបំផុតជាមួយ Su Yongcan និង Su Zhongjian។ ពោលទំនាក់ទំនងនោះ គឺជារកស៊ីទិញដីសម្រាប់គោលបំណងអភិវឌ្ឍន៍ខុនដូ។ ក៏ប៉ុន្តែអាជីវកម្មនោះមិនបានដំណើរការឡើយដោយស្ថានភាពទីផ្សារមានភាពយ៉ាប់យឺន។

អ្នកជំនាញផ្នែកឧក្រិដ្ឋកម្មឆ្លងដែននៅវិទ្យាស្ថានសន្តិភាពសហរដ្ឋអាមេរិក លោក Jake Sims បានប្រាប់OCCRP ថា ការលាតត្រដាងនេះគឺជាការពង្រឹងភស្តុតាងបន្ថែម ក្រោយពេលលោក លី យ៉ុងផាត់ ត្រូវក្រសួងសេដ្ឋកិច្ចអាមេរិក ដាក់ទណ្ឌកម្ម។គួររំលឹកថា នៅថ្ងៃទី១២កញ្ញា ក្រសួងសេដ្ឋកិច្ចអាមេរិកបានប្រកាសពីការបង្កកទ្រព្យសម្បត្តិលើក្រុមហ៊ុនលោក លី យ៉ុងផាត់ ចំនួន៥។ ក្នុងនោះមាន L.Y.P. Group Co. LTD រមណីយដ្ឋានអូស្មាច់ សណ្ឋាគារ ហ្គាឌិនស៊ីធី រមណីយដ្ឋានកោះកុង និងសណ្ឋាគារភ្នំពេញ ក្រោយរកឃើញមានជាប់ពាក់ព័ន្ធនឹងប្រតិបត្តិការជួញដូរមនុស្ស និងបោកប្រាស់តាមប្រព័ន្ធអនឡាញ។ ក៏ប៉ុន្តែក្រសួងការបរទេសកម្ពុជា បានប្រតិកម្មភា្លមៗថា វាជាការសម្រេចដោយអយុត្តិធម៌ និងមានចរិកនយោបាយ។ រីឯលោក លី យ៉ុងផាត់ ថាលោកសោកស្តាយចំពោះសេចក្តីសម្រេចរបស់ក្រសួងសេដ្ឋកិច្ចអាមេរិក៕(អត្ថបទវិទ្យបារាំងអន្តរជាតិ)