វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6340 នាក់
ម្សិលមិញ 5304 នាក់
សរុប 14145866 នាក់
ខេត្តព្រះសីហនុ៖រកឃើញនិងឃាត់ខ្លួនបានហើយអ្នកផលិតរឿងខ្មោចនៅតាមផ្ទះនិងសណ្ឋាគារក្នុងខេត្តសីហនុយកទៅបង្ហោះ។សមត្ថកិច្ចខេត្តព្រះសីហនុបានឃាត់ខ្លួនជនជាតិចិន២នាក់នៅបន្ទប់ខុនដូមួយកន្លែង បន្ទាប់ពីស្រាវជ្រាវ និងឈានដល់ការចាប់ខ្លួននៅថ្ងៃទី១៤ ខែកុម្ភៈ ឆ្នាំ២០២៤ ។ ពួកគេរួមគំនិតគ្នាផលិតមាតិកាវីដេអូប្រឌិតរឿងក្លែងក្លាយ ដែលធ្វើឲ្យប៉ះពាល់ដល់កិត្តិយស និងសណ្ដាប់ធ្នាប់ នៅខេត្តព្រះសីហនុដើម្បីទាក់ទាញការចាប់អារម្មណ៍ នៅលើបណ្ដាញសង្គមនានា ពិសេសបណ្ដាញសង្គម TikTok រហូតមានអ្នកគាំទ្រ ឬចុចឡាយជាង៥លាននាក់។
វីដេអូដែលពួកគេផលិតនោះ ដូចជា ការប្រឌិតជាខ្មោចលងនៅតាមសណ្ឋាគារ កាស៉ីណូ ឬទីតាំងផ្សេងៗ នៅក្នុងមូលដ្ឋានខេត្តព្រះសីហនុ ទាំងមិនពិត ដែលធ្វើឲ្យមហាជនមានការភ័យខ្លាច និងយល់ច្រឡំ ពិសេសអ្នករស់នៅក្រៅប្រទេស ហើយមានបំណងមកលេងកម្សាន្ដនៅខេត្ដព្រះសីហនុ មិនហ៊ានមកលេង ។កម្លាំងសមត្ថកិច្ចជំនាញ ដកហូតបានស្រោមមុខខ្មោច និងសម្ភារៈបម្រើឲ្យការថតវីដេអូមួយចំនួនទៀតផងដែរ ៕