វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 366 នាក់
ម្សិលមិញ 3717 នាក់
សរុប 14148699 នាក់
ភ្នំពេញ ៖ តារាសម្តែងសាច់.សខ្ចីអ្នកមេម៉ាយ លី ម៉ារីណាវយ័៤២ឆ្នាំ នឹងចូលរោងការ ជាមួយ ស្វាមីដែលជាបុរសពោះម៉ាយមានតួនាទីជាអធិការខណ្ឌដូនពេញដើម្បី បញ្ចប់ឈ្មោះជាស្ត្រីមេម៉ាយនិងបុរសពោះម៉ាយហើយ ។សារពីតារាសម្តែងអ្នកនាង លី ម៉ារីណា នៅលើបណ្តាញសង្គមបានប្រាប់ឲ្យដឹងថា «មង្គលការរបស់នាងនឹងធ្វើឡើងនៅថ្ងៃទី១២ ខែមករា ឆ្នាំ២០២៤ នេះ ដែលពិធីនឹងរៀបចំនៅមជ្ឈមណ្ឌលសន្និបាត និងពិព័រណ៍អន្តរជាតិ OCIC» ។
លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ កន្លងមក លោកក៏ធ្លាប់ជាអ្នកសិល្បៈមួយរូបផងដែរ។លោកបានលែងលះភរិយាហើយបន្សល់កូនស្រីមយយដែរ។ បន្ទាប់ពីអ្នកទាំងពីរបានស្វែងយល់ចិត្តគ្នាជិត១ឆ្នាំ ពោលគឺក្រោយពីអ្នកនាងលីម៉ារីណាបានសម្រេចលែងលះជាផ្លូវការជាមួយស្វាមី ដែលជាអាណិកជនខ្មែររស់នៅអាមេរិកដោយមានកូនប្រុសមួយជាចំណងដៃ ។ប្រសិនមិនច្រឡំទេមង្គលការរបស់អ្នកនាងលីម៉ារីណានាពេលនេះ គឺជាលើកទី៣ហើយ ដែលនាងបានរៀបការ ខណៈពេលមង្គលការលើកទី២ របស់នាង បានធ្វើឡើងកាលពីថ្ងៃទី២៧ ខែឧសភា ឆ្នាំ២០១៣ ជាមួយលោក សាត ចាន់ថន ជាអាណិកជនខ្មែរមកពីអាមេរិក ហើយចំណងស្នេហ៍ឆ្លងទ្វីបរបស់នាងមួយនេះ បានដើរដល់ទីបញ្ចប់កាលពីអំឡុងខែកុម្ភៈ ឆ្នាំ២០២២ ។ ជីវិតស្នេហាលើកទី ១ ជាមួយលោក ទិត្យ ថាវរិទ្ធ អតីតអគ្គនាយករងទូរទស្សន៍បាយន័ ។
ក្រោយពីបែកបាក់ជាមួយនិងលោក សាត ចាន់ថនដែលមានទាំងការលួចយកគ្រឿអអង្ការនាងផង បានធ្វើឱ្យ លី ម៉ារីណា ខូចចិត្តជាខ្លាំង ។នាងបានប្រកាសជាសាធារណៈថា «អ្នកនាងបានសម្រេចលែងលះជាមួយស្វាមីដែលជាអាណិកជនខ្មែររស់នៅអាមេរិក ដែលមានឈ្មោះ សាត ចាន់ថត ដោយសារមូលហេតុរស់នៅមិនចុះសម្រុងនឹងគ្នា បន្ទាប់ពីរួមរស់ជាមួយគ្នាអស់រយៈពេលជាច្រើនឆ្នាំ ហើយទទួលបានកូនប្រុសមួយរូប»។ការសម្រេចរបស់ លីម៉ារីណា ក្នុងការយកលោកទៀងចន្ទ័សា ធ្វើជាស្វាមីស្អំបេះដូងបន្ទាប់ពីនៅទំនេរខ្លួន១ឆ្នាំ គឺដោយសារតែលោកមិនត្រឹមតែបង្ហាញការស្រលាញ់ និងយកចិត្តទុកដាក់តែចំពោះរូបនាងនោះទេ ប៉ុន្ដែលោកក៏ស្រលាញ់កូនប្រុស និងក្រុមគ្រួសាររបស់នាងដូចជាគ្រួសាររបស់លោកផងដែរ ។
គេឃើញនៅអំឡុងពេលរៀបចំពិធីខួបកំណើតរបស់ខ្លួន កាលពីពេលកន្លងទៅថ្មីៗនេះ អ្នកនាង លី ម៉ារីណា ក៏បានពោលពាក្យយ៉ាងចាក់ដោតទៅកាន់អនាគតស្វាមីរបស់នាងថា «អរគុណបងដែលផ្តល់ក្តីស្រលាញ់ឲ្យអូនយ៉ាងធំធេង បងបានរៀបចំចាត់ចែងកម្មវិធីថ្ងៃកំណើតជូនអូនយ៉ាងពិសេស អូនពិតជារំភើបចិត្តឥតគណនា កាដូដែលអូនទទួលបានពីបង គឺក្តីស្រឡាញ់ និងការយកចិត្តទុកដាក់មើលថែគ្រប់ពេលវេលា កាដូទាំងនេះមានតម្លៃបំផុតសម្រាប់អូនអរគុណបងគ្រប់យ៉ាង»។