ជិត៤ឆ្នាំ ករណីគាស់ផ្នូររំលោភយកដីពុំទាន់ទទួលបានយុត្តិធម៌ឲ្យ ,ជនជាតិព្នង

លើកលែងទោសស្ត្រីហ្វីពីនដែលមកស៊ីឈ្នួលពរពោះនៅស្រុកខ្មែរ!

ទេសរដ្ឋមន្ដ្រី ឱម យ៉ិនទៀង៖ ACU មានសិទ្ធិមិនឆ្លើយតបថា «គួរស៉ើបអង្កេត ឬមិនស៉ើបអង្កេតលើករណីណាមួយ»

ជើងហោះហើរក្នុងស្រុកដំបូង នៅព្រលានយន្តហោះតារាសាគរ ដែលរងការដាក់ទណ្ឌកម្មពីអាមេរិក

ក្រៅពីជាប់គុក២ឆ្នាំផាក៤លានរៀល លោក ស៊ុន ចន្ធី ប្រធានគណបក្សកម្លាំងជាតិ បាត់សិទ្ធនយោបាយមួយអាយូស!

មេធាវីនិងសកម្មជនសិទ្ធមនុស្សចោទនីតិវិធីបំបែកសំណុំរឿងរបស់លាការលើអ្នកជាប់ចោទរឿងតំបន់ត្រីកោណថាបំណងអូសបន្លាយពេល

បែកធ្លាយរឿងលោកអភិបាលរងខេត្តកំពង់ស្ពឺនិងបក្ខពួកបោកស៊ីលុយអ្នកវិនិយោគចិន!

ជាច្រើនទៀត

ចំនួនអ្នកទស្សនា

ថ្ងៃនេះ 2522 នាក់

ម្សិលមិញ 6046 នាក់

សរុប 15871318 នាក់

ថៃដេញមន្ត្រីពន្ធដា៤នាក់ពីការងារបន្ទាប់ពីអង្គភាពប្រឆាំងអំពើពុករលួថៃរកឃើញលុយមិនប្រក្រតីក្នុងធនាគា

25-December-2024 / ព័ត៌មានអន្តរជាតិ

ប្រទេសថៃ៖ ព័ត៌មាន AFP នៅថ្ងៃពុធ ទី៦ ខែធ្នូ ឆ្នាំ២០២៣នានផ្សាយថា អាជ្ញាធរថៃនាថ្ងៃពុធនេះបានឱ្យដឹងថា មន្ត្រីថ្នែកពន្ធដាថៃ៤នាក់ត្រូវបានបណ្តេញចេញពីការងារ បន្ទាប់ពីលុយដល់ទៅជាង២ពាន់លានបាតឬស្មើនឹង៥៧លានដុល្លារអាមេរិកត្រូវបានរកឃើញនៅក្នុងគណនីធនាគាររបស់ពួកគេ។ a pic thai1

លុយប្រហែល៥៧លានដុល្លារអាមេរិកខាងលើ ត្រូវបានរកឃើញនៅក្នុងគណនីច្រើនផ្សេងគ្នា កាន់កាប់ដោយស្ត្រីចំនួន៣នាក់និងបុរសម្នាក់ ដែលធ្វើការនៅនាយកដ្ឋានពន្ធដារ ក្នុងខេត្ត Samut Prakhan ក្បែរទីក្រុងបាងកក។ គណៈកម្មការជាតិប្រយុទ្ធប្រឆាំងអំពើពុករលួយនៃប្រទេសថៃ ហៅកាត់ថា NACC បានសម្រេចបញ្ជូនសំណុំរឿងនេះទៅកាន់ ការិយាល័យអគ្គរាជអាជ្ញា ហើយក៏បានស្នើឱ្យតុលាការព្រហ្មទណ្ឌសម្រាប់បទល្មើសពុករលួយបើកការស៉ើបអង្កេតជាផ្លូវការផងដែរ។

អ្នកនាំពាក្យ NACC បាននិយាយថា ក្រុមបុគ្គល៤នាក់នោះ ហាក់ «មានលុយច្រើនខុសប្រក្រតី» ខណៈទ្រព្យសម្បត្តិដែលត្រូវបានប្រកាសរបស់ពួកគេ ដែលរួមមានទាំងប្រាក់នៅក្នុងធនាគារ គឺមិនសមាមាត្រគ្នាជាមួយ ប្រាក់ចំណូលរដ្ឋាភិបាលរបស់ពួកគេឡើយ ហើយទាំង៤នាក់ សុទ្ធតែមិនអាចពន្យល់បកស្រាយអំពីប្រភពនៃលុយទាំងនោះ។ បុគ្គលដែលជាបុរសតែម្នាក់ ឈ្មោះ Danai Damrongchaiyothin មានលុយ១.១ពាន់លានបាត (៣១លានដុល្លារអាមេរិក) នៅក្នុងគណនីសរុបចំនួន៧ ខណៈស្ត្រីម្នាក់ ក្នុងចំណោមស្ត្រីទាំង៣នាក់ មានជាង៥០០លានបាត (១៤លានដុល្លារ) នៅក្នុងគណនីចំនួន៥។ប្រាក់ខែចាប់ផ្តើមដំបូងនៃមន្ត្រីពន្ធដារនៅក្នុងប្រទេសថៃ គឺក្រោម៤៥០ដុល្លារក្នុងមួយខែ។ យោងតាមសេចក្តីថ្លែងការណ៍របស់ NACC បុគ្គលទាំង៤នាក់ខាងលើ ត្រូវបានបណ្តេញចេញពីការងារមន្ត្រីរាជការរបស់ពួកគេហើយ ប៉ុន្តែមិនមានការបញ្ជាក់ច្បាស់ថា តើពួកគេត្រូវបានចោទប្រកាន់ឬចាប់ខ្លួនដែរឬយ៉ាងណានោះទេ។

ដោយឡែកមានការស៊ើបអង្កេតលើខ្សែអាត់សំឡេង របស់មន្ត្រីម្នាក់ដែលទាមទារសំណូក ១០ លានបាតពីអ្នករត់ពន្ធសាច់ជ្រូកកំពុងដំណើរការ ដើម្បីកំណត់អត្តសញ្ញាណ មន្ត្រីដែលកំពុងសាកសួរ។ សូមបញ្ជាក់ថាសារព័ត៌មាន Bangkok Post របស់ថៃ ចេញផ្សាយកាលពីថ្ងៃទី៥ ខែធ្នូ ឆ្នាំ២០២៣ បានឱ្យដឹងថា លោក Thamanat Prompow រដ្ឋមន្ត្រីក្រសួងកសិកម្ម និងសហករណ៍ របស់ប្រទេសថៃកាលពីថ្ងៃចន្ទទី៤ធ្នូ បានប្រាប់អ្នកយកព័ត៌មាននៅសណ្ឋាគារ Nattapon Grand ក្នុងខេត្ត Nong Bua Lam Phu ក្នុងការឆ្លើយតបទៅនឹងសំណួរ អំពីការផ្សព្វផ្សាយខ្សែអាត់សំឡេង ដែលបង្ហាញពីមន្ត្រីម្នាក់កំពុងចរចា ជាមួយអ្នករត់ពន្ធសាច់ជ្រូក។

នៅក្នុងសំឡេងបែកធ្លាយនោះ អ្នករត់ពន្ធត្រូវបានគេឮថា កំពុងស្វែងរកជំនួយពីមន្ត្រីដើម្បីទម្លាក់ ការចោទប្រកាន់ព្រហ្មទណ្ឌ ជាថ្នូរនឹងប្រាក់ចំនួន ១០ លានបាត។លោក Capt Thamanat បាននិយាយថា ភ្នាក់ងារពាក់ព័ន្ធកំពុងស៊ើបអង្កេត ដើម្បីបញ្ជាក់ពីអត្តសញ្ញាណជនល្មើស។ដោយឡែក សកម្មជនគឺលោក Thaikorn Polsuwan កាលពីថ្ងៃទី ២៩ ខែវិច្ឆិកា បានដាក់លិខិតប្តឹងទៅ Sakdinai Numnu សមាជិកសភាគណបក្ស Move Forward សម្រាប់ខេត្តត្រាត និងជាប្រធានគណៈកម្មាធិការសភាកសិកម្ម និងសហករណ៍ ដើម្បីស្វែងរកការស៊ើបអង្កេតលើភាពមិនប្រក្រតី នៃការបោះចោលសាច់ជ្រូកខុសច្បាប់ចំនួន ៤.៥០០ តោន ៕ a pic thai