វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1597 នាក់
ម្សិលមិញ 6677 នាក់
សរុប 14149173 នាក់
ភ្នំពេញ ៖ក្នុងពេលដែលសេដ្ឋកិច្ចដុនដាបតារាសម្តែង អ្នកស្រី គង់ ប៊ុនសុនដែលកំពុងធ្លាក់ខ្លួនវេទនា បានអំពាវនាវឱ្យផលិតករ ក៏ដូចបណ្តាផលិតកម្មនានា មេត្តាហៅអ្នកស្រីថតផង ដើម្បីបានប្រាក់ចិញ្ចឹមជីវិត ។ជាស្ត្រីមេម៉ាយអស់រយៈពេលជាច្រើនឆ្នាំ អ្នកស្រី គង់ ប៊ុនសុនរស់នៅក្នុងផ្ទះជួល កំពុងតែមានភាពលំបាកយ៉ាងខ្លាំងក្នុងជីវភាពរស់នៅ ដោយអ្នកស្រីត្រូវពឹងតែទៅលើរបរលក់នំ និងការងារសិល្បៈតិចតួចតែប៉ុណ្ណោះ។ ដោយធ្លាប់ចូលរួមការសម្តែងនានាកន្លងមកនោះ អ្នកស្រី គង់ ប៊ុនសុន ក៏ធ្វើការអំពាវនាវដល់ផលិតករនានា ជួយហៅអ្នកស្រីថតផង ត្បិតមួយរយៈនេះការងារសិល្បៈរបស់អ្នកស្រីហាក់ស្ងប់ស្ងាត់ខ្លាំង។
តាមរយៈបណ្តាញសង្គមតារាសម្តែងអ្នកស្រី ប៊ុនសុន បានអំពាវនាវថា «សូមបងប្អូន មេត្តាជួយហៅខ្ញុំថតផង ដើម្បីបានថវិការចិញ្ចឹមជីវិត ព្រោះរាល់ថ្ងៃនេះ ខ្ញុំលក់នំមិនសូវដាច់ទេ ពេលខ្លះខ្ញុំបាំងឆ័ត្រអង្គុយលក់នំពេលមេឃកំពុងតែរលឹម។ ទាំងអស់នេះ ជារូបថតអនុស្សាវរីយ៍ដែលខ្ញុំបានចូលរួមសម្ដែងជាមួយតារាល្បីៗជាច្រើន និងបានចូលរួមសម្ដែងភាពយន្តជាច្រើនរឿង និងរឿងអប់រំខ្លីៗ»។
អ្នកស្រីបញ្ជាក់ថា «ខ្ញុំបានចូលរួមថតស្ពត ថតបទចម្រៀងជាមួយផលិតកម្មហង្សមាស, ថោន, សាន់ដេរ និងបានចូលរួមសម្ដែងក្នុងកម្មវិធីផ្សេងៗជាច្រើន។ លេខទូរស័ព្ទ 098 444 858 សូមអរគុណ»។
តារាសម្តែងជើងចាស់អ្នកស្រី គង់ ប៊ុនសុន គឺជាតារាសម្តែងម្នាក់ដែលតែងតែដើរតួជាម្ដាយអ្នកក្រ ក្នុងខ្សែភាពយន្ត ក៏ដូចជា វីដេអូខ្សែវីដេអូផ្សេងៗជាច្រើនទៀត ហើយបើយើងក្រឡេកទៅមើលពីជីវភាពរបស់អ្នកស្រីនៅខាងក្រៅឆាកវិញ គឺវាមិនខុសគ្នាពីក្នុងសាច់រឿងឡើយ ។សព្វថ្ងៃអ្នកស្រី គង់ ប៊ុនសុន ត្រូវឆ្លៀតលក់នំកាត់យប់ កាត់អធ្រាត្រ ដើម្បីដោះស្រាយជីវភាព និងបង់ថ្លៃផ្ទះដែលជួលគេ។ អ្នកស្រី គង់ ប៊ុនសុន ប្រកបរបរលក់នំនេះជាង១ឆ្នាំមកហើយ ដោយលក់នៅលើផ្លូវ២៧១ ក្រោយធនាគារ ANZ ។ ចំណែកថ្លៃផ្ទះជួល ស្ត្រីមេម៉ាយកូន៣ វ័យ៦៥រូបនេះ គាត់បានជួលគេក្នុង១ខែតម្លៃ៩០ដុល្លារ។ បើក្រឡេកមកមើលការងារសិល្បៈរបស់អ្នកស្រីវិញ តម្លៃខ្លួនអ្នកស្រីមិនបានថ្លៃឡើយ ពោលគឺក្នុង១ថ្ងៃទទួលបានត្រឹមតែ១៥ដុល្លារទៅ៥០ដុល្លារតែប៉ុណ្ណោះប្រសិនបើមានគេហៅថត៕