អតិថិជនទិញតូបផ្សារអូរឬស្សឹថ្មីតវ៉ាសុំនាយករដ្ឋមន្ត្រីជួយរឿងក្រុមហ៊ុន ជឺស៊ី អូរឫស្សី ឯ.កលក់តូបខ្យល់
03-April-2024 / ព័ត៌មានជាតិ
ភ្នំពេញ៖ អតិថិជនក្រុមហ៊ុន ជឺស៊ី អូរឫស្សី ឯ.ក ប្រមាណ ៧០នាក់ បានរងគ្រោះតាមរយៈការចាញ់បោកលក់(លក់តូបខ្យល់) ទិញតូបក្នុងគម្រោង កើតទុក្ខមិនសុខចិត្តដាក់ពាក្យស្នើសុំអត្តរាគមន៍ទៅសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាយោងតាមលិខិតពាក្យសុំអន្តរាគមន៍របស់ប្រជាពលរដ្ឋ ចុះនៅថ្ងៃទី១៤ ខែមិថុនា ឆ្នាំ២០២៣ ។ 
អតិថិជនដែលរងគ្រោះ បានឲ្យដឹងថា កាលពីអំឡុងឆ្នាំ ២០២១ និង ២០២២ ពួកគាត់បានទិញតូបពីក្រុមហ៊ុន ជីស៊ី អូរឫស្សី ឯ.ក ដែលមានទីតាំងនៅមហាវិថីសហពន្ធ័រុស្ស៊ី ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ មកដល់ ពេលនេះយើងខ្ញុំម្នាក់ៗ មានអ្នកខ្លះបានបង់ប្រាក់រហូតដល់ទៅជាង ៨០% នៃថ្លៃទិញលក់សរុបទៅហើយ ប៉ុន្តែរហូតមកដល់ឆ្នាំ ២០២៣ នេះយើងខ្ញុំបាន សង្កេតឃើញថា៖
១- ភាគីផ្សារគ្មានការចាប់ផ្តើមសាងសង់នូវគម្រោងក្រុមហ៊ុនផ្សា ជីស៊ី អូរឬស្សី ឯ.ក ( ដូចការប្រកាស ផ្សព្វផ្សាយបើកគម្រោងនៅគ្រាចាប់ផ្តើមលក់តូបនៃគម្រោងផ្សារជូនយើងខ្ញុំនោះឡើយ។ ពេលដែលអតិថិជនសួរនាំ ភ្នាក់ងារលក់របស់ក្រុមហ៊ុនមិនបានជូនដំណឹងអំពីកាលបរិច្ឆេទលម្អិតនៃការសាងសង់ផ្សាររបស់ខ្លួននោះទេ មានតែ បង្ខំទារប្រាក់ថ្លៃតូបពីអតិថិជនតែប៉ុណ្ណោះ ។ក្រោមស្ថានភាពមិនប្រក្រតី អតិថិជនបានធ្វើការជូនដំណឹងអំពីការផ្អាកបង់ប្រាក់មួយចំនួន ដោយស្នើសុំឲ្យ ភាគីផ្សារ ផ្តល់ព័ត៌មានជាក់លាក់អំពីគម្រោងសាងសង់របស់ខ្លួនមកអតិថិជន ប៉ុន្តែភាគីផ្សារមិនអាចអនុវត្តបានដោយ ព្យាយាមពន្យារពេលនិងគេចវេសរហូត ដែលធ្វើឲ្យយើងខ្ញុំបាត់បង់ទំនុកចិត្ត ។
២- តាមរយៈភស្តុតាងថ្មីដែលក្រុមហ៊ុនបានបង្ហាញ ច្បាប់សាងសង់ទើបអនុញ្ញាតឱ្យសាងសង់ ថ្ងៃទី១៧ ខែកុម្ភៈ ឆ្នាំ២០២៣ នេះទេ គឺមានលក្ខណៈមិនប្រក្រតីមួយចំនួនដូចជា គ្មានប្លង់ស្ថាបត្យកម្ម ឬ ឯកសារភ្ជាប់អ្វីទាំង អស់ក្រៅអំពីពាក្យសុំ ។ ចំណុចសំខាន់បំផុតនោះ ទីតាំងដែលក្រុមហ៊ុនបានសុំច្បាប់អនុញ្ញាតសាងសង់គឺមិនមែនជា ទីតាំងរបស់ខ្លូនដែលបានចុះកិច្ចសន្យាលក់មកឲ្យយើងខ្ញុំឡើយ ។ ករណីទាំងនេះ សបញ្ជាក់ឲ្យឃើញថា ក្រុមហ៊ុន ជីស៊ី អូរឬស្សី បានធ្វើការផ្សព្វផ្សាយលក់គម្រោងផ្សារខ្យល់ ដែលគ្មានភាពច្បាស់លាស់ និងមិនពិតប្រាកដមកឲ្យ អតិថិជន ដែលជាការបោកប្រាស់ទំនុកចិត្តយ៉ាងពិតប្រាកដ ។
៣- តាមរយៈឯកសារក្រុមហ៊ុនទើបតែបង្ហាញឱ្យមើលពីឯកសារផ្លូវច្បាប់ផ្សេងៗដែលក្រុមហ៊ុនមាន តាម រយៈការតវ៉ាទទូចសុំយ៉ាងខ្លាំង ទើបក្រុមហ៊ុនបង្ហាញ ពីភាពមិនប្រក្រតីជាច្រើន ដែលក្រុមហ៊ុនមិនដែលបង្ហាញ មាន ដូចជាប្លង់ដី មាននៅជំពាក់ធនាគារ ជាង ៤លានដុល្លា ,លិខិតផ្ទេរសិទ្ធិ មិនមានបញ្ជាក់ពីថ្ងៃខែឈ្មោះ និងការប្រថាប់ ត្រាទទួលស្គាល់ជាលិខិតយថាភូត ពេញលេញ នៅឡើយ ,ឈ្មោះអ្នកទទួលប្រាក់ផ្សេង អ្នកទទួលខុសត្រូវជាអគ្គ នាយកប្រតិបត្តិផ្សេង ជាពិសេសនៅពេលដែលធ្វើលិខិតផ្សេងៗ មិនឃើញមានហត្ថលេខាអគ្គនាយកអ្នកដែលទទួល ខុសត្រូវច្បាស់លាស់នោះទេ ថែមទាំងគ្មានប្រថាប់ត្រាក្រុមហ៊ុនត្រឹមត្រូវថែមទៀត។ប្រជាពលរដ្ឋរងគ្រោះបានឲ្យដឹងទៀតថា ជាទូទៅ គឺមានតែប្រធានផ្នែក លក់ អ្នកលក់ និង គណនេយ្យករជាអ្នកចុះហត្ថលេខា តែនៅពេលដែលមានបញ្ហាយើងខ្ញុំទៅជួបពួកគាត់ គាត់បែរជាមិន ទទួលខុសត្រូវលើលិខិតគាត់បានចុះហត្ថលេខាទេ។
តាមរយៈពាក្យស្នើរសុំលិខិតសាងសង់ទើបតែចុះហត្ថលេខានៅថ្ងៃទី៣០ ខែមករា ឆ្នាំ២០២៣ នេះទេ ហើយក្រុមហ៊ុនក៏មិនបានភ្ជាប់ជាមួយប្លង់សាងសង់អាគាផ្សារមកជាមួយនឹងលិខិត អនុញ្ញាតសាងសង់ដែរ។ តែជាក់ស្ដែងជាការប្រកាសរបស់ក្រុមហ៊ុនតាមរយៈទីប្រឹក្សាផ្នែកលក់ថា ក្រុមហ៊ុនបានដាក់ ស្នើរសុំតាំងពីឆ្នាំ២០២១។នេះជាករណីមិនប្រក្រតី និងកុហក់បោកប្រាស់សេចក្តីទុកចិត្តរបស់ក្រុមហ៊ុនធ្វើអោយ ភ្ញៀវបាត់បង់ទំនុកចិត្តទាមទារសុំដកលុយដើមទាំងអស់មកវិញ។
៤- ក្នុងនាមក្រុមហ៊ុន ជីស៊ី អូឬស្សី ជាក្រុមហ៊ុនឯកត្តជនទទួលខុសត្រូវមានកម្រិតក្រុមហ៊ុនមិនបាន បង្ហាញពីតម្លាភាពគណនេយ្យឱ្យអតិថិជនបានដឹងទេ ដែលជាហេតុធ្វើឱ្យអតិថិជនមានការព្រួយបារម្ភជាខ្លាំង ក្នុង ករណីដែលក្រុមហ៊ុនប្រកាសក្ស័យធន និងអតិថិជនមិនទទួលបានសំណងអ្វីទាំងអស់ពីក្រុមហ៊ុន។៥- ភាគីខាងផ្សារបានសន្យាថាបើគ្មានការសាងសង់ត្រឹមខែមីនា ឆ្នាំ២០២៣ ក្រុមហ៊ុននឹង បង្វិលសង ប្រាក់ទាំងអស់ជូនអតិថិជនវិញ ដោយមានលិខិតជាលាយល័ក្ខអក្សរត្រឹមត្រូវ ដែលទទួលស្គាល់ដោយក្រុមហ៊ុន ច្បាស់លាស់ តែរហូតដល់ថ្ងៃនៃកិច្ចសន្យាបង្វិលប្រាក់សងមកវិញ នៅមិនទាន់ឃើញមានសំណងណាមួយបានចាប់ ផ្ដើមសងនៅឡើយ រហូតមកដល់បច្ចុប្បន្ន ហើយក្រុមហ៊ុនបែរជាមិនទទួលស្គាល់លើកិច្ចសន្យាដែលរៀបចំឡើងខ្លួន ឯង ដោយមិនព្រមសងប្រាក់មកវិញទេ ជាហេតុនេះហើយទើបធ្វើឲ្យអតិថិជនកាន់តែបាត់បង់ទំនុកចិត្ត លែងមាន ជំនឿលើក្រុមហ៊ុនបន្តទៀត។ដោយអស់ទំនុកចិត្តលើគម្រោងអភិវឌ្ឍន៍ផ្សា ជឺស៊ី អូរឬស្សី នេះ ប្រជាពលសុំមិនបន្តបង់ប្រាក់ នឹង ទាមទារប្រាក់ដែលបានបង់រួច និងសំណងខូចខាតទាំងអស់ត្រលប់មកវិញ និងសូមសម្តេចពុក ជួយអន្តរាគមន៏ និងដោះស្រាយបញ្ហាខាងលើដល់កូនចៅជាជនរងគ្រោះដោយក្តីមេត្តា និងអនុគ្រោះ៕ 
