វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5275 នាក់
ម្សិលមិញ 3528 នាក់
សរុប 14191660 នាក់
ភ្នំពេញ៖ មួយរយៈនេះគេបានឃើញថា អង្គភាពគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្ក គ្រោះថ្នាក់ មានហានិភ័យខ្ពស់ដល់សុខភាព និងសុវត្ថិភាពសង្គម បើកប្រតិបត្តិការបង្ក្រាប ទៅលើផលិតផលក្លែងក្លាយ ជួបបញ្ហាជាមយយប្រជាពលរដ្ឋអ្នករកស៊ីរឿងចូលឆែកទីតាំងរកស៊ីរបស់គេរកមិនឃើញបទល្មើសបង្កឲ្យខូចកិត្តិយសកេរ្តិ៍ឈ្មោះក្រុមហ៊ុនគេ។
ជាក់ស្តែង នៅព្រឹកថ្ងៃទី២៨ ខែមេសា ឆ្នាំ២០២២ កម្លាំងចម្រុះរបស់គណៈកម្មាធិការប្រយុទ្ធប្រឆាំងផលិតផលក្លែងក្លាយ ដឹកនាំដោយ លោកវរសេនីយ៍ទោ ព្រំ ភីរះ និងសម្របសម្រួលនីតិវិធី ដោយ លោក សឿ ឡងឌី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះឆែកឆេរទីតាំងមួយរបស់ក្រុមហ៊ុន ខេប៊ីអេសខេ ត្រេឌីង ខមភេនី អាសយដ្ឋានទីតាំងសាខា ៖ #ក្បាលដីលេខ ១៣៤៣:១៣៣៧.៤៦០១ ផ្លូវ ១៩៤៦ ភូមិ បាយ៉ាប សង្កាត់ ភ្នំពេញថ្មី ខណ្ឌ សែនសុខ រាជធានីភ្នំពេញ។ជាលទ្ធផលរកមិនឃើញមានបទល្មើស។
ម្ចាសទីតាំងដែលសុំមិនបញ្ចេញឈ្មោះនិយាយថាអង្គភាពនេះមុននឹងស្នើសុំការឆែកឆេរ ចាំបាច់ត្រូវតែមានវិធានការក្នុងការស៊ើបអង្កេត ស្រាវជ្រាវ រកអោយឃើញពាក់ព័ន្ធនឹងបទល្មើស ដើម្បីស្នើសុំទៅតំណាងអយ្យការធ្វើការឆែកឆេរតាមនីតិវិធី។ ចុះប្រសិនបើ មន្ត្រីនគរបាលយុត្តិធម៌ សង្ស័យចុះឆែកឆេរៗ អាចរំខានការងាររកស៊ី រំខានអាជីវកម្ម ការប្រកបមុខរបបរបស់អាជីវករ ក្នុងនោះខាតពេលវេលាផង បាត់បង់កិត្តិយសផង ឈានដល់ខូចសណ្ដាប់ធ្នាប់សាធារណៈផងតើអ្នកណាទទយលខុសត្រូវ?។ ករណីមួយទៀត តំណាងអយ្យការ រាល់ការស្នើសុំរបស់មន្ត្រីនគរបាលយុត្តិធម៌ឆែកឆេរ គួរតែមានភស្តុតាង នៃបទល្មើស មានអ្វីខ្លះជាមូលដ្ឋាន ដែលជាដើមចមដើម្បីឈានទៅធ្វើការឆែកឆេរបាន មិនមែនសង្ស័យតាមរយៈការធ្វើរបាយការណ៍ទៅ ដោយមិនភ្ជាប់ទៅជាមួយនូវភស្តុតាង អោយបានគ្រប់គ្រាន់នោះឡើយ ៕