វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2406 នាក់
ម្សិលមិញ 3250 នាក់
សរុប 16500830 នាក់
បារាំង៖អ្នកដែលស្គាល់មានការរន្ធត់ចិត្តនិងភ្ញាក់ផ្អើលពេលឃើញព័ត៌មានអតីតតារាសម្តែងរូបស្រស់ ទីម៉ា បានចែកឋានទាំងវ័យនៅក្មេងចោលស្វាមី និងកូនៗជាទីស្រឡាញ់របស់នាងយ៉ាងឆាប់រហស័ ។
ប្រភពពីអតីតតារាអ្នកនាង ទេព បទុមផល បានរៀបរាប់ថា « លឿនពេកហើយ(ទីម៉ា)អើយខមមិនលេងសើចជាមួយបងរាល់ថ្ងៃសោះ អាណិតណាស់អូនអើយ អូនស្អាត រួសរាយរាក់ទាក់ ស្លូតបូតសុភាពរាបសារ ក្រម៉ាច់ក្រម៉ើមបងសើចអូនរាល់ថ្ងៃ អីឡូវបងលែងបានឃើញអូនសម្ដែងលែងសើចអោយបងមើលទៀតហើយ សូមអោយវិញ្ញាណក្ខន្ធរបស់អូនបានទៅកាន់សុគតិភពកុំបីឃ្លៀងឃ្លាតឡើយណាអូនណា។ កើតជាតិណាៗសូមឲ្យអូនមានអាយុវែង RIP »។
សូមបញ្ជាក់ថា សព្វថ្ងៃអតីតតារាសម្តែងអ្នកនាងទិត្យា ទីម៉ា រស់នៅប្រទេសបារាំងហើយនាងស្លាប់ដោយសារជំងឺគាំងបេះដូងដោយគ្មាននរណាម្នាក់នឹកស្មានថានាងចាកចេញយ៉ាងលឿនដូច្នេះឡើយ។កាលពីរថ្ងៃមុន ទីម៉ា បានបង្ហោះរូបភាពយ៉ាងស្រស់ស្រាយនៅក្នុងបណ្តាញសង្គមដែលធ្វើឲ្យមិត្តភក្តិរបស់នាងរន្ធត់ចិត្ត និងចូលរួមសោកស្តាយគ្រប់គ្នា។
គួរបញ្ជាក់ថា ទីម៉ា គឺជាអតីតតារាសម្តែងដែលមានរូបសម្រស់ស្រស់ស្អាត និងមានប្រជាប្រិយភាពម្នាក់កាលពីជាង ១០ឆ្នាំមុន ប៉ុន្តែគួរឲ្យស្តាយនាងបានបញ្ចប់អាជីពនេះក្រោយបានចាកចេញទៅរស់នៅប្រទេសបារាំងជាមួយស្វាមី។ មានកូនទៅហើយក្តី តែ ទីម៉ា នៅតែរក្សាបានសម្រស់ផូរផង់ដដែល។