វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 417 នាក់
ម្សិលមិញ 5020 នាក់
សរុប 14115864 នាក់
ក្រុងព្រះសីហនុ៖ មានករណីផ្ទុះអាវុធមួយបានកើតឡើងយ៉ាងតិច៥គ្រាប់នៅវេលាម៉ោងជាង ៩យប់ថ្ងៃទី១២កុម្ភៈឆ្នាំ២០២២ នៅម្តុំខាងក្រោយកាស៊ីណូខ្សាច់សរ ស្ថិតក្នុងភូមិ៤ សង្កាត់៤ ក្រុង/ខេត្តព្រះសីហនុបណ្ដាលឱ្យមនុស្សម្នាក់ស្លាប់ក្នុងរថយន្ត ។
ករណីផ្ទុះអាវុធនៅកណ្ដាលក្រុងសម្លាប់មនុស្សនេះបើតាមការឲ្យដឹងពីអ្នកនៅកន្លែងកើតហេតុវាជាករណីយ៍បង្កឡើងរវាងជនជាតិចិន និងជនជាតិចិនគ្នាឯងបង្កឲ្យមានគ្រោះថ្នាក់រហូតបាត់បង់ជីវិតមនុស្សម្នាក់នៅនឹងកន្លែង ។ សមត្ថកិច្ចនគរបាលខេត្តព្រះសីហនុ បានឱ្យដឹងថា៖ ជនសង្ស័យបានបើករថយន្តម៉ាក Prius ពណ៌ស ស្លាកលេខ ភ្នំពេញ 2M-5992 បុកជាមួយរថយន្តជនរងគ្រោះម៉ាក អូឌី ពាក់ស្លាកលេខ ភ្នំពេញ 2AX-1232 ហើយបានបាញ់មកលើជនរងគ្រោះចំនួន៥គ្រាប់ បណ្តាលឲ្យស្លាប់ភ្លាមៗ ក្នុងរថយន្ត។ បន្ទាប់ពីធ្វើសកម្មភាពហើយនោះ ជនល្មើសបានបោះកាំភ្លើងខ្លីមួយដើម ម៉ាក ZORAKI រួចរត់គេចខ្លួនបាត់។
មិនទាន់ដឹងពីអត្តសញ្ញាណនិងមូលហេតុជនជាតិចិនបើកឡានបុកគ្នាបាញ់គ្នាងាប់នោះទេតែលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុបានបញ្ជាក់នៅព្រឹកថ្ងៃទី ១៣ ខែកុម្ភះឆ្នាំ ២០២២ ប្រាប់កាសែតថាកម្លាំងសមត្ថកិច្ចកំពុងធ្វើការស៊ើបអង្កេតស្រាវជ្រាវក្នុងករណីផ្ទុះអាវុធបណ្ដាលឲ្យមានមនុស្សស្លាប់នេះផងដែរ។មានការកត់សម្គាល់ថាចិនៗនៅក្នុងខេត្តព្រះស៊ីហនុមិនដឹងថាជាធើស្អីខ្លះទេទើបបានជាវាមានអាវុធកាន់បាញ់គ្នាលេងចឹងនោះ!?៕