ចូលឆ្នាំ​ចិន​វៀតណាម​២​ថ្ងៃ​ស្លាប់​ជិត​២០​នាក់​ដោយសារ​ចរាចរណ៍​

​ភ្នំពេញៈ រយៈពេល ២​ថ្ងៃ គឺ​ពី​ថ្ងៃទី​៣១ ខែមករា ដល់​ថ្ងៃទី​១ ខែកុម្ភៈ ឆ្នាំ​២០២២ ដែលជា​ថ្ងៃ​សែន និង​ថ្ងៃ​ចូលឆ្នាំ​ចិន​វៀតណាម​មាន គ្រោះថ្នាក់​ចរាចរណ៍ បាន​បណ្តាល​ឲ្យ មនុស្ស​ជិត ១៥ នាក់ ស្លាប់ និង​របួសធ្ងន់​ស្រាល ជាង ៤០ នាក់ ។​ 

​របាយការណ៍​របស់ អគ្គស្នងការដ្ឋាន នគរបាលជាតិ បាន​ឲ្យ​ដឹងថាៈ គ្រោះថ្នាក់​ចរាចរណ៍ នៅ​ថ្ងៃទី​៣១ ខែមករា ដែលជា​ថ្ងៃ​សែន ចូលឆ្នាំ​ចិន គឺ​បានកើត ឡើង​ចំនួន ៩ លើក ស្លាប់ ៦​នាក់ និង​របួស ១៥​នាក់ ក្នុងនោះ​ធ្ងន់ ១១​នាក់ និង​ស្រាល ៤​នាក់ ។ ចំណែក គ្រោះថ្នាក់​ចរាចរណ៍ នៅ​ថ្ងៃទី​១ ខែកុម្ភៈ ដែលជា​ថ្ងៃ​ចូលឆ្នាំ​ចិន គ្រោះថ្នាក់​ចរាចរណ៍ កើតឡើង ចំនួន ១៨ លើក ស្លាប់ ១០ នាក់ និង​របួស ២៦ នាក់ ក្នុងនោះ​ធ្ងន់ ១៨​នាក់ និង ស្រាល ៨​នាក់​។​

​