វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1483 នាក់
ម្សិលមិញ 10264 នាក់
សរុប 14140665 នាក់
ភ្នំពេញ៖ កាលពីរសៀលថ្ងៃទី១២ ខែវិច្ឆិកាឆ្នាំ២០២១កន្លងមកនេះមានការភ្ញាក់ផ្អើលនិងបង្ហាញពីក្តីអាណិតអាសូរជាខ្លាំងពីសំណាក់ទស្សនិកជន ពិសេសអ្នកគាំទ្រវិស័យកញ្ញាឯកនៅកម្ពុជា ក្រោយពីពួកគាត់ទទួលបានដំណឹងដ៏រន្ធត់មួយ ថាអតីតបេក្ខភាពបវរកញ្ញាចូលដល់វគ្គ Top10 នៃកម្មវិធីMiss Universe Cambodia 2020 គឺកញ្ញា ប្រាសាទ ដាវិ បានជួបគ្រោះថ្នាក់ចរាចរណ៍កាលពីរសៀលថ្ងៃទី១២វិច្ឆិកា។
រថយន្តឈ្នួលមួយបានបុកពីក្រោយពេញទំហឹងមកលើកញ្ញាប្រាសាទដាវិដែលជាប្អូនស្រីអ្នកនាងប្រាសាទដាវីន ដែលកំពុងជិះម៉ូតូ បណ្តាលឱ្យមានរបួសដ៏ធ្ងន់ធ្ងរត្រូវបានបញ្ជូនទៅសង្គ្រោះនៅមន្ទីរពេទ្យជាបន្ទាន់។តារាកំប្លែងលោកស្រី ស៊ុន ណារីម៉ូនីកា ដែលត្រូវជាអ៊ំស្រី របស់តារាបង្ហាញម៉ូដរូបនេះបានឱ្យដឹងថារយៈពេល៣ថ្ងៃហើយដែលនាងនៅមិនទាន់បានដឹងខ្លួននៅឡើយទេ។
លោកស្រីថា នាងដាវិ កម្រើកដៃបានតិចៗ ប៉ុន្តែនៅតែមិនដឹងខ្លួន ដែលមុននេះនាងត្រូវបានប្តូរពីមន្ទីរពេទ្យរដ្ឋមកកាន់មន្ទីរពេទ្យឯកជន ។ លោកស្រីថា ក្រោយពីដឹងដំណឹងដំបូងគឺក្រុមគ្រួសារពិតជាមានការសោកស្តាយ និងថ្លែងនូវក្តីអាណិតរកគិតអ្វីមិនយល់ ហើយនៅតែរំពឹងថានាងអាចនឹងដឹងខ្លួនឡើងវិញ។ លោកស្រី ស៊ុន ណារីម៉ូនីកា ក៏ស្នើឱ្យអ្នកបើកបរនៅលើដងផ្លូវទាំងអស់បង្កើនការប្រុងប្រយ័ត្នខ្ពស់ ពិសេសអ្នកបើកបររថយន្តគ្រប់ប្រភេទត្រូវគោរពច្បាប់ចរាចរណ៍ កុំបើកបរក្នុងល្បឿនហួសកំណត់ និងត្រូវមានការយោគយល់អធ្យាស្រ័យផងដែរ។
បើតាមការរៀបរាប់អ្នកម្តាយរបស់ប្រាសាទ ដាវិន បានបញ្ជាក់ឱ្យដឹងនៅលើបណ្តាញសង្គម ដូច្នេះថា៖នាងខ្ញុំនិងគ្រួសារសូមសូមថ្លែងអំណគុណបងប្អូនញ្ញតិមិត្តជិតឆ្ងាយដែលបាន ឧបត្ថមជាថវិកាដល់ក្រុមគ្រួសាយើងខ្ញុំ និង សួរសុខទុក្ខ និងជូនពរកូនរបស់នាងខ្ញុំ នៅពេលនេះ កូននាងខ្ញុំមិនទាន់ដឹងខ្លួនទេ នៅបន្ទប់ I C U នៅឡើយ ហើយយើងខ្ញុំទាំងអស់ក៍សូមទោសផងដែមិនបានតបខមេន និងឆាតភា្លមៗ។
អ្នកម្តាយ ប្រាសាទ ដាវិន
ងាកមកមើលនៅលើបណ្តាញសង្គមឯណេះវិញទាំងសិល្បករ និងអ្នកគាំទ្រមួយចំនួនបានធ្វើការប្រកាសអំពីគណនីធនាគារដើម្បីធ្វើការបរិច្ចាគថវិកាទៅកាន់បេក្ខភាពកញ្ញាឯករូបនេះផងដែរ៕