វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4693 នាក់
ម្សិលមិញ 5378 នាក់
សរុប 14083986 នាក់
ភ្នំពេញ៖ លោកឧកញ៉ា ឡេង ណាវ៉ាត្រា បានសម្រេចតាមហ្វេប៊ុកអោយអ្នកគ្រប់គ្រងផលិតកម្ម Galaxy Navatra លុបវីដេអូ Are You Ok ក្រោយចេញឃ្លីបបានមួយដង្ហើមចង្រិត បន្ទាប់ពីបញ្ចេញវីដេអូ trailers បទ“are you ok?” លើបណ្ដាញសង្គមTik Tok ភ្លាម បទចម្រៀងមួយនេះ ទទួលបានការគាំទ្រលើសលប់ពាសពេញពិភពលោក ជិត២០លានដងទៅហើយលើ channel Tik Tok ផលិតកម្ម Galaxy Navatra ក្នុងរយៈពេលតែជាង១ម៉ោង។
មុននឹងចេញបទនេះលក្រុមហ៊ុន Galaxy Navatra បានឲ្យដឹងថាបានសម្រេចចិត្តទិញសិទ្ធិម្ចាស់សំលេងនៃពាក្យ “are you ok?” នេះ ក្នុងតម្លៃមិននឹកស្មានដល់រហូតដល់១២០០០ ដុល្លារ ដែលអាចឲ្យម្ចាស់សំលេងនោះ មានលទ្ធភាពយកប្រាក់នោះទៅប្រកបរបររកស៊ី ឬអាចសង់ផ្ទះបានសមល្មមនឹងរស់នៅបាន។
ទោះជាយ៉ាងណាទម្ទឺមនិងមានការគាំទ្រ ក៏មានការបញ្ចេញមតិ របស់អ្នកលេងបណ្ដាញសង្គមជាច្រើនផង ។តារាចម្រៀងមនោសញ្ចេតនា និងជាអ្នកនិពន្ធបទចម្រៀងលោក ម៉ៃ វឌ្ឍនាបានរិះគន់ ក៏ព្រោះតែបទចម្រៀងនេះបានបង្ហាញពីឈុតឆាកនៃការកាន់កាំភ្លើងក្នុងថ្នាក់រៀន ដែលលោកចាត់ទុកថាជាការប៉ះពាល់ធ្ងន់ធ្ងរដល់វិស័យអប់រំ។តាមរយៈហ្វេប៊ុកលោក ម៉ៃ វឌ្ឍនាចោទសួរកថា «ជប៉ុន ចិន ឬខ្មែរ ? សិស្សសាលាណាប្រើកាំភ្លើង? បើជាខ្មែរ សកម្មភាពនេះហាក់ប្រមាថដល់ប្រព័ន្ធអប់រំធ្ងន់ធ្ងរណាស់ទាន! សូមមេត្តាចាយប្រាក់ឱ្យបានសមប្រកបផង !»។
ក៏មានការបញ្ចេញយោបល់ជាច្រើន រួមទាំងការចែករំលែកពេញបណ្តាញសង្គម ដែលមុននេះអ្នកនិពន្ធបទចម្រៀងបែបមនោសញ្ចេតនារូបនេះក៏បានបញ្ចេញសារមួយចំនួនដោយលោកបានលើកឡើងថា “ហេតុតែក្រុមហ៊ុនគេល្អ គេគោរពសិទ្ធិអ្នកនិពន្ធបានល្អណាស់ គ្រាន់តែពាក្យ”Are You OK?” ប្លាប់ៗWith Me In… គេទិញសិទ្ធិតម្លៃ១២០០០ដុល្លារ សូមសរសើរលោកៗៗៗ លោកម្ចាស់។
មុននេះដែរលោកយឹម តាស្រង់ អ្នកនិពន្ធ និងគ្រប់គ្រងទូទៅរបស់ផលិតកម្មហ្គាឡាក់ស៊ីណាវ៉ាត្រាក៏បានបញ្ចេញសារមួយចំនួនតបទៅកាន់អ្នករិះគន់ជុំវិញរឿងផលិតកម្មបានទិញសិទ្ធិលើការផលិតបទចម្រៀងខាងលើ ដោយក្នុងនោះលោកបានរំលេចអំពីប្រវត្តិផលិតកម្មដែលធ្លាប់បានចំណាយប្រាក់សន្ធឹកសន្ធាប់ទិញសិទ្ធិផលិតបទចម្រៀងស្នាដៃមរតកដើមមួយចំនួនយកមកផលិតផងដែរ ប៉ុន្តែបែរជារងការរិះគន់ទៅវិញ ខណៈដែលមានការផលិតស្នាដៃមរតកដើមដោយមិនបានគោរពសិទ្ធិនោះបានផ្សព្វផ្សាយពេញបណ្តាញសង្គមយូធូបទៅវិញ។
សូមបញ្ជាក់ថាGalaxy Navatra ទើបតែបញ្ចប់ការថតMV “are you ok?” ដោយការថតនោះ តាមប្រភពច្បាស់ការបានឲ្យដឹងថា អ្នកផលិតបានសម្រុកថតមួយយប់ទល់ភ្លឺ ជាមួយនឹងកាមេរ៉ាទំនើបៗទើបកម្មង់ពីក្រៅប្រទេស ដោយប្រើពេលតែ១ថ្ងៃប៉ុណ្ណោះ។ ប្រភពដដែលបានបន្តឲ្យដឹងទៀតបទថា “are you ok?” ខាងលើ ច្រៀងដោយ តារាចម្រៀង តន់ ច័ន្ទសីម៉ា ក្រោមការនិពន្ធដោយថៅកែផលិតកម្មនេះតែម្ដង គឺអ្នកឧកញ៉ា ឡេង ណាវ៉ាត្រា ។ អ្នកលេងTik Tok លើពិភពលោក ដំបូងឡើយ គិតថា បទTik Tok បទ“are you ok?” គឺជាបទ ចម្រៀងរបស់ កូរ៉េ ឬ ឥណ្ឌូនេស៊ី ឬ ថៃ ប៉ុន្តែបន្ទាប់ពីផលិតកម្មGalaxy Navatra ប្រលែង វីដេអូ trailers បទ“are you ok?” ភ្លាម ទើបពួកគេ ដឹងថា ជាបទចម្រៀងរបស់កម្ពុជា។