ចេញហើយៗករណីយ៍ឧត្តមសេនីយ៍ឯកវ៉ាវិចិត្រប្រមូលបក្សពួកផឹកស៊ីក្នុងអង្គភាពក្រសួងមហាផ្ទៃប្រកាស តាមរកមុខម្ចាស់ហ្វេសបុកដែលហ៊ានរាយការណ៍!?
04-September-2023 / ព័ត៌មានជាតិ
ភ្នំពេញ៖ ក្រសួងមហាផ្ទៃ កំពុងស្វែងរកអត្តសញ្ណាណហ្វេសបុកក្លែងក្លាយមួយ ដោយចោទថាបានបង្ហោះសារបង្ខូចកិត្តិយសអង្គភាពចំណុះរបស់ខ្លួនដោយមិនធ្វើការស្រាវជ្រាវការប្តឹងក្នុងបំណងកែលម្អនោះឡើយ។ នេះបើតាមសេចក្តីប្រកាសរបស់ អ្នកនាំពាក្យក្រសួងមហាផ្ទៃ ប្រាប់ដល់បណ្តាញព័ត៌មាន ។
ថ្មីៗនេះមានការភ្ញាក់ផ្អើលបន្ទាប់ពីគណនី Facebook មួយឈ្មោះ San Bora បានបង្ហោះខ្លឹមសារចូលហ្វេប៊ុកសម្តេចនាយករដ្ឋមន្ត្រីដោយបកអាក្រាតចោទប្រកាឧត្តមសេនីយ៍ឯកវ៉ាវិចិត្រប្រធានភស្តុភានិងហិញ្ញវត្ថុក្រសួងមហាផ្ទៃដែលគេស្គាល់ថាជាប្អូនប្រុសលោកនាយឧត្តមសេនីយ៍សេងយូអាន់អគ្គនាយកអគ្គនាយកដ្ឋានភស្តុភាហិរញ្ញវត្ថុក្រសួងមហាផ្ទៃ អង្គភាពចំណុះក្រសួងមហាផ្ទៃដែលទើបឡើងថ្មីដោយដកប្រធាននាយករដ្ឋានចាស់គ្រវាត់ចោល ថាបានប្រព្រឹត្តអំពើប៉ះពាល់ដល់កិត្តិយស និងសេចក្តីថ្លៃថ្នូរ ព្រមទាំង កិត្យានុភាពរបស់កងកម្លាំងនគរបាលជាតិ។
គួរបញ្ជាក់ថា ហ្វេសបុក San Bora បានបង្ហោះសាររាយការណ៍អធិប្បាយចូលហ្វេសប៊ុកសម្តេចតេជោនាយករដ្ឋមន្ត្រីកាលពីថ្ងៃទី២១ ខែកញ្ញា ឆ្នាំ២០២១មានខ្លឹមសារដូចខាងក្រោម៖«ខ្ញុំសូមរាយការជូនសម្តេចជ្រាប មានវិធានការចំពោះអំពើពាលាអាវាសែរបស់ផ្កាយ៣ ប្រធានអង្គភាពមួយ នៅក្រសួងមហាផ្ទៃ ដែលបបួលមន្ត្រីបើកបរឡានដឹកធំៗ ផឹកស៊ីក្នុងអង្គភាពស្រវឹងរៀងរាល់ថ្ងៃ គឺចាប់ពីប្រធានអង្គភាពនេះ មកកាន់ដំណែង ខែមេសា ឆ្នាំ២០២០ មកភ្លាម បានចំណាយលុយរដ្ឋសង់បន្ទប់ផ្ទាល់ខ្លួនស្អាតជាងបន្ទប់រដ្ឋមន្ត្រីទៀតអស់ជិត១០ម៉ឺនដុល្លារ។ មិនតែប៉ុណ្ណោះសង់បន្ទប់សម្រាប់ជាកន្លែងផឹកស៊ីនៅក៥នេះ ដោយទុកជាបន្ទប់ធ្វើការបំភាន់ភ្នែកមន្ត្រី តាមពិតរៀបចំទុកផឹកស៊ី ចាក់ចម្រៀងឡូឡា ដូចក្នុងក្លឹប ហើយប្រមូលមន្ត្រីបើកឡានធំមកធ្វើម្ហូបឲ្យខ្លួន និងបានសម្លាប់សុខខ (ឆ្កែ) ដែលពួកខ្ញុំចិញ្ចឹមជាច្រើនក្បាលធ្វើសាច់ក្លែមទៀត។
ក្រៅពីពូកែប្រព្រឹត្តអំពើពាលា កិបគេងលុយរដ្ឋនេះ នៅមានការប្រមាថមន្ត្រីចាស់ៗថាគ្មាន សមត្ថភាព គ្មានធនធាន គឺចាប់តាំងពីបុគ្គលនេះកាន់តំណែង បានជាង៣ខែ ភាពរង្គោះរង្គើរបាត់បង់ សាមគ្គីភាពផ្ទៃក្នុង មិនដែលគិតពីការអភិវឌ្ឍអង្គភាពគិតតែបក្ខពួកផឹកស៊ី រាល់ពេលថ្ងៃត្រង់បបួលប្រធានការិយាល័យ មួយចំនួនមកផឹកស៊ីរហូតស្រវឹងក្នុងអង្គភាពទៀត អំពើពាលានេះ សួរមន្ត្រី នៅភស្តុភារព្រែកប្រា នរណាក៏ដឹងដែរពិសេសកម្លាំងមន្ត្រីបើកឡាននៅការិយាល័យក៥ ហើយគូកនមកផឹកជាមួយភាគច្រើនជាអ្នកមកពីក្រៅ ព្រោះមន្ត្រីក្នុងនាយកដ្ឋានមិនពេញចិត្តនឹងទង្វើបែបពាលានេះទេ។
ចាក់វ៉ាក់សាំង ហើយក៏ផឹកមិនខ្វល់ ពីការណែនាំរបស់ពេទ្យ។ដើម្បីជាភស្តុតាង គណនីយ៍ហ្វេសប៊ុកsanboraក៏បានឲ្យលេខទូរសព្ទ័និងឈ្មោះមន្ត្រីដើម្បីស្រាវជ្រាវផងដែរ។ក្នុងករណីយ៍នេះលោកឧត្តមសេនីយ៍ឆាយគឹមខឿនអ្នកនាំពាក្យអគ្គស្នងការនគរបាលជាតិក៏បានផ្ញើលិខិតសុំឲ្យលោកឧត្តមសេនីយ៍សេងយូអាន់អគ្គនាយកភស្តុភាហិរញ្ញវត្ថុក្រសួងមហាផ្ទៃបំភ្លឺផងដែរ។ឡូវចេញលទ្ធផលហើយគឺ(ចោរ...........ម្ចាស់ជាប់គុក)ក្រសួងតាមរកមុខអាណារាយការណ៍ហ្នឹង?។
ករណីនេះ អ្នកនាំពាក្យក្រសួងមហាផ្ទៃ សូមធ្វើការបំភ្លឺជូនសាធារណជន និងបណ្តាញសារព័ត៌មានឱ្យបានជ្រាបដូចតទៅ៖
ទី១៖ គណនីហ្វេសប៊ុកឈ្មោះ San Bora គឺជាគណនីក្លែងក្លាយ (Fake Account) បង្កើតឡើង ដើម្បីប្រើប្រាស់ក្នុងគោលបំណងបង្ហោះ ផ្សព្វផ្សាយខ្លឹមសារចោទប្រកាន់ និងវាយប្រហារមកលើ អង្គភាពរបស់ក្រសួងមហាផ្ទៃ តែប៉ុណ្ណោះ។ បន្ទាប់ពីបង្ហោះ និងផ្សព្វផ្សាយខ្លឹមសារវាយប្រហារ របស់ខ្លួនរួចមក ម្ចាស់គណនីនេះបានបិទ និងឈប់ប្រើប្រាស់គណនីភ្លាមៗតែម្ដង។
ទី២៖ អង្គភាពចំណុះក្រសួងមហាផ្ទៃ ដែលត្រូវបានគណនីហ្វេសប៊ុកក្លែងក្លាយឈ្មោះ San Bora (Fake Account) បង្ហោះ និងផ្សព្វផ្សាយខ្លឹមសារចោទប្រកាន់ថាបានជួបជុំផឹកស៊ីផ្ទុយនឹងវិធានការរបស់រាជរដ្ឋាភិបាល គឺជាអង្គភាពដែលទទួលបន្ទុកការពារស្បៀង និងដឹកជញ្ជូន សម្ភារបរិក្ខា ស្បៀងអាហារ និងបរិក្ខាសុខាភិបាល ផ្គត់ផ្គង់ជូនទៅអង្គភាពនានានៅតាមបណ្តារាជធានី-ខេត្ត និងជាកម្លាំងត្រៀមសម្រាប់ជួយបម្រើដល់សកម្មភាពប្រយុទ្ធប្រឆាំងនឹងជំងឺកូវីដ១៩ ផងដែរ ហើយកម្លាំងនគរបាលទាំងអស់នៃអង្គភាពនេះ តម្រូវឱ្យផ្លាស់ប្ដូរវេនប្រចាំការ និងរង់ចាំបញ្ជា ២៤លើ២៤ម៉ោង ក្នុងមួយសប្តាហ៍ នៅក្នុងអង្គភាពសម្រាប់ត្រៀមបំពេញ បេសកកម្មតាមការចាំបាច់។
អ្នកនាំពាក្យក្រសួងមហាផ្ទៃ ស្នើបណ្តាញសារព័ត៌មានបណ្តាញសង្គម និងសាធារណជនទាំងអស់ សូមកុំធ្វើការវិភាគ និងវិនិច្ឆ័យលើព័ត៌មានដែលពុំមានប្រភពច្បាស់លាស់ គ្មានមូលដ្ឋាន មានចរិតលក្ខណៈ លំអៀង និងមាននិន្នាការវាយប្រហារមកលើស្ថាប័ន-អង្គភាព របស់រាជរដ្ឋាភិបាល។ ការផ្សព្វផ្សាយ និងចែកចាយព័ត៌មានដែលមានប្រភពមិនច្បាស់លាស់ព័ត៌មានមិនពិត គឺជាភាពអយុត្តិធម៌បំផុតចំពោះតួអង្គដែលជាកម្មវត្ថុត្រូវបានគេវាយប្រហារ និងអាចនាំឱ្យមានទោសទណ្ឌដល់ខ្លួនផងដែរ។
ក្រសួងមហាផ្ទៃ សូមស្វាគមន៍ចំពោះការចុះផ្សាយ និងចែកចាយព័ត៌មានដែលមានប្រភព និងមូលដ្ឋានច្បាស់លាស់ មានចរិតលក្ខណៈជាការរិះគន់ក្នុងន័យស្ថាបនា និងសូមថ្កោលទោសចំពោះការផ្សព្វផ្សាយព័ត៌មានមិនពិត តាមបណ្តាញសង្គម និងបណ្តាញសារព័ត៌មាន ដែលធ្វើឱ្យប៉ះពាល់ដល់ស្ថិរភាព និងយុត្តិធម៌នៅក្នុងសង្គម។ចំពោះករណីនេះ «ក្រសួងមហាផ្ទៃនឹងបន្តស៊ើបអង្កេតគណនីហ្វេសប៊ុកក្លែងក្លាយឈ្មោះ San Bora (Fake Account) ឱ្យបានហ្មត់ចត់បំផុត ដើម្បីស្វែងរកអត្តសញ្ញាណពិតប្រាកដរបស់អ្នកប្រើប្រាស់ និងបក្ខពួក មកសាកសួរ និងអនុវត្តវិធានការតាមផ្លូវច្បាប់ជាធរមាន»៕
