វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 518 នាក់
ម្សិលមិញ 10264 នាក់
សរុប 14139700 នាក់
ភ្នំពេញ ៖ ប្តីប្រពន្ធមួយគូពេលកំពុងជិះម៉ូតូវិលត្រឡប់មកពីលេងផ្ទះបងប្អូនវិញត្រូវក្រុមចោរស្ទាក់់ប្លន់បានហើយក្រុមជនសង្ស័យបានគេចខ្លួនបាត់ដោយសុវត្តិភាព កាលពីវេលាម៉ោង១១និង១៥នាទីយប់ ថ្ងៃទី២៧ ខែវិច្ឆិកា ឆ្នាំ២០២២ នៅតាមផ្លូវ៣០ម៉ែត្រ ខាងត្បូងផ្សារទួលពង្រ ក្នុងភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
មុនកើតហេតុ ជនរងគ្រោះ២នាក់ប្តីប្រពន្ធបានជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខ កណ្តាល 1M-9509 ឌុបគ្នាវិលមកពីលេងផ្ទះបងប្អូននៅក្បែរវត្តអង្គតាម៉ិញ ភូមិគោកចំបក់ សង្កាត់ចោមចៅទី១ ឆ្ពោះទៅផ្ទះនៅផ្សារចំការដូង សង្កាត់ដង្កោ ខណ្ឌដង្កោ ដោយធ្វើដំណើរតាមផ្លូវ៣០ម៉ែត្រពីជើងទៅត្បូង។ ប៉ុន្តែពេលជិះហួសផ្សារទួលពង្របានបន្តិច ស្រាប់តែលេចមុខជនសង្ស័យជិះម៉ូតូហុងដាឌ្រីម មានគ្នា២នាក់មកធ្វើសកម្មភាពលូកដកយកសោម៉ូតូតែមិនរលត់ ជនរងគ្រោះបន្តជិះទៅមុខបានបន្តិច ក្រុមជនសង្ស័យមកកៀរម្តងទៀត ជនរងគ្រោះលើកជើងធាក់ទៅលើជនសង្ស័យ ស្រាប់តែមានជនសង្ស័យជិះម៉ូតូមួយគ្រឿងផ្សេងទៀត ប្រដាប់ដោយកាំភ្លើងខ្លី កាំបិត មកភ្ជង់គំរាមឆក់យកកាបូបបានសម្រេច រួចគេចខ្លួនបាត់ដោយសុវត្តិភាព។
សម្ភារក្នុងកាបូបមានលុយ ខ្សែកមាសនិងខ្សៃដៃ ទម្ងន់១,៥តម្លឹង ទូរស័ព្ទដៃ២គ្រឿង សរុបអស់ជាង៦០០០ដុល្លារ។ក្រោយកើតហេតុ ជនរងគ្រោះ២នាក់ប្តីប្រពន្ធបានទៅដាក់ពាក្យបណ្តឹងនៅប៉ុស្តិ៍នគរបាល ដើម្បីឱ្យសមត្ថកិច្ចជួយស្រាវជ្រាវ តាមរកចាប់ខ្លួនក្រុមជនសង្ស័យដែលតែងតែធ្វើសកម្មភាព លួច ឆក់ ប្លន់ ក្នុងមូលដ្ឋានយកមកផ្តន្ទាទោសតាមច្បាប់។ប្រជាពលរដ្ឋដែលឃើញហេតុការណ៍និយាយថាហេតុអ្វីចោរដឹងថាគាត់មកពីផ្ទះបងប្អូនមានលុុយនិងទ្រព្យសម្បត្តិរហូតដល់៦ពាន់ដុល្លារចឹង?៕