វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 148 នាក់
ម្សិលមិញ 6001 នាក់
សរុប 13872978 នាក់
កំពង់ឆ្នាំង៖ បទល្មសគ្រឿងញៀនបានធ្លាក់ចូលដល់មូលដ្ឋានភូមិឃុំហើយមិនដឹងថាតើនយោបាយភូមិឃុំមានសុវត្ថិភាពនឹងត្រូវបង្កើនល្បឿនអនុវត្តន៍បែបណានោះទេ?។ជាស្តែងកាលពីវេលាម៉ោង៣និង៣០នាទីរសៀលថ្ងៃទី២១ ខែមករា ឆ្នាំ២០២១ជនជាតិវៀតណាម ២នាក់ត្រូវបានសមត្ថកិច្ចប្រឆាំងបទល្មើសគ្រឿងញៀន ធ្វើការឃាត់ខ្លួនបាន ក្រោយពីធ្វើសកម្មភាពជួញដូរ និងរក្សាទុកគ្រឿងញៀន នៅចំណុចក្បាលកោះ ភូមិ ឆ្នុកទ្រូ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង។
ប្រភពពីស្នងការដ្ឋាននគរបាលខេត្តកំពង់ឆ្នាំង បានឲ្យដឹងថាជនជាតិវៀតណាមពីរនាក់ប្តីប្រពន្ធជួញដូរគ្រឿងញៀននោះមានឈ្មោះ ឡេ យ៉ាំងឡើយអាយុ២៧ឆ្នាំ ជាប្តី និងម្នាក់ទៀត ឈ្មោះ យ៉ ធីយាប អាយុ ២៦ឆ្នាំជាប្រពន្ធ។សមត្ថកិច្ចធ្វើការឆែកឆេរក្នុងផ្ទះរកឃើញ ថ្នាំញៀន ៩កញ្ចប់ ដាវ៣ ឧបករណ៍ប្រើប្រាស់គ្រឿងញៀនមួយចំនួន លុយចំនួ ២០លាន ៣៤ម៉ឺនរៀល ព្រមទាំងគ្រឿងអល័ង្គការ កាឡៃមួយចំនួនផងដែរ។
លោក ហ៊ុល វាសនា ស្នងការរងនគរបាលខេត្តបានឲ្យដឹងទៀតថា ក្រោយពីសមត្ថកិច្ចជំនាញបានធ្វើការស្រាវជ្រាវតាមបណ្តាញ បានរកឃើញថា ជនសង្ស័យគឺជាមុខសញ្ញាជួញដូរយ៉ាងសកម្មក្នុងភូមិសាស្ត្រឃុំឆ្នុកទ្រូ។ជនសង្ស័យ និងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការបន្តតាមនីតិវិធី៕