វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2952 នាក់
ម្សិលមិញ 6501 នាក់
សរុប 13951507 នាក់
ស៊ីដនី ៖ ប្រធានាធិបតីអាមេរិក លោក ចូ បៃដិន នៅថ្ងៃពុធទី១៥កញ្ញាបានប្រកាសពីសម្ព័ន្ធភាពត្រីភាគីថ្មីមួយជាមួយអូស្ត្រាលី និងចក្រភពអង់គ្លេសដើម្បីជួយពង្រឹងសមត្ថភាពកងទ័ពជើងទឹករបស់សម្ព័ន្ធមិត្តនៅក្នុងតំបន់ឥណ្ឌូ-ប៉ាស៊ីហ្វិក ។
ទីភ្នាក់ងារព័ត៌មានបារាំង AFPបានឲ្យដឹងថា៖មេដឹកនាំនៃប្រទេសទាំង ៣ បានបង្ហាញពីសម្ព័ន្ធភាពជាមិត្តដែលហៅកាត់ថា AUKUS ដោយបានសង្កត់ធ្ងន់ពីការជួយអភិវឌ្ឈន៍ នាវាមុជទឹកទាំងនោះនឹងបំពាក់ដោយថាមពលនុយក្លេអ៊ែរតែមិនមែនផ្ទុកអាវុធនុយក្លេអ៊ែរនោះទេ។ព្រោះ អូស្ត្រាលីគឺជាប្រទេសហត្ថលេខីនៃសន្ធិសញ្ញាស្តីពីការមិនរីកសាយភាយអាវុធនុយក្លេអ៊ែរ (NPT)។
នាយករដ្ឋមន្ត្រីអូស្ត្រាលីលោកស្កតម៉ូរីសុន (Scott Morrison) និងសមភាគីអង់គ្លេសលោកបូរីសចនសុន (Boris Johnson) រួមជាមួយនឹងប្រធានាធិបតីអាមេរិកលោកចូបៃដិន (Joe Biden) មេដឹកនាំទាំង៣ ក៏បាននិយាយថា ប្រទេសទាំង ៣ កំពុងបោះជំហានជាប្រវត្តិសាស្ត្រមួយ ដើម្បីធ្វើឱ្យកិច្ចសហប្រតិបត្តិការរបស់យើងកាន់តែមានភាពស៊ីជម្រៅ។
គួរបញ្ជាក់ថា នៅក្នុងកិច្ចប្រជុំតាមអនឡាញរបស់ខ្លួន មេដឹកនាំប្រទេសទាំង៣ខាងលើ មិនបានលើកឡើងពីឈ្មោះប្រទេសចិនឡើយ តែការប្រកាសពីសម្ព័ន្ធភាពត្រីចង់ឬមិនចង់បានបង្ហាញយ៉ាងច្បាស់ពីចេតនាគ្មានអ្វីក្រៅពីទប់ស្កាត់ការកើនឡើងឥទ្ធិពលចិននៅក្នុងតំបន់នោះទេ។ព្រោះអូស្ត្រាលីដែលជាអ្នកនាំមុខឲ្យគេស្រាវជ្រាវរកប្រភពមេរោគកូវីត១៩កំពុងរងការកៀបសង្កត់ពីប្រទេសចិនទាំងយោធានិងសេដ្ឋកិច្ច។ ម្យ៉ាងវិញទៀត ការសន្យាជួយ អូស្ត្រាលីផលិតនាវាមុជទឹក ក៏បានធ្វើឱ្យបារាំងអន់ចិត្ត និងខឹងសម្បារផងដែរ ព្រោះទីក្រុងប៉ារីសកំពុងចរចាលក់នាវាមុជទឹកធម្មតាមានតម្លៃរាប់ពាន់លានដុល្លារឱ្យអូស្ត្រាលី៕