វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2018 នាក់
ម្សិលមិញ 10264 នាក់
សរុប 14141200 នាក់
ភ្នំពេញ៖ លោក ឃួង ស្រេង អភិបាលរាជធានីភ្នំពេញបានជំរុញឲ្យអាជ្ញាធរ និងសមត្ថកិច្ចតាមបណ្ដាខណ្ឌ ទាំង១៤នៅក្នុងរាជធានីភ្នំពេញ បន្តការតាមដាននិងត្រួតពិនិត្យទៅលើក្លឹបកំសាន្តនិងខារ៉ាអូខេដែល លួច លាក់បន្ដបើកអាជីវកម្ម ដើម្បីបង្ការទប់ស្កាត់នូវការរីក រាលដាលនៃជំងឺកូវីដ–១៩ ខណៈជំងឺនេះបាននិងកំពុងរីករាលដាលនៅឡើយ បើទោះបីប្រទេសកម្ពុជាមិនមានអ្នកស្លាប់ដោយឈ្មោះកូវីដ–១៩នេះ ក៏ដោយ។
លោកឃួង ស្រេង មានប្រសាសន៍លើកឡើងថា យើងអាចភ្លេចជំងឺកូវីដ–១៩ តែជំងឺកូវីដ–១៩ មិនភ្លេចយើងទេ ។ដូច្នេះទេ ក្នុងនាមអាជ្ញាធរខណ្ឌ សង្កាត់ត្រូវបន្តការផ្សព្វផ្សាយឲ្យបងប្អូនប្រជាពលរដ្ឋចូលរួមបង្ការនិងទប់ស្កាត់នូវជំងឺ–១៩នេះនិងបន្តតាមដាននៅក្នុងមូលដ្ឋានរបស់ខ្លួន ពាក់ព័ន្ធនឹងការលួចបើកក្លឹបកម្សាន្តនិងខារ៉ាអូឃេដែលអាចធ្វើឲ្យរីករាលដាលនៃជម្ងឺកូវីដ–១៩នេះ ។
លោកបន្តថា៖ បច្ចុប្បន្ននេះ covid-19 បាននិងកំពុងរីករាលដាលនៅក្នុងបណ្ដាលប្រទេសនិងដែនដីចំនួនជាង២១០ទូទាំងពិភពលោក ហើយបញ្ហានេះត្រូវបានអង្គភាព អង្គការសុខភាពពិភពលោក WHO ប្រកាសថា ជាជម្ងឺរាតត្បាតសកល និងជាកង្វល់ថ្មីរបស់មនុស្សជាតិ គ្រប់ជាតិសាសន៍ ដែលចាំបាច់ត្រូវរួមគ្នាទប់ស្កាត់វិធានការបង្ការទប់ស្កាត់និងផ្តល់ការសង្គ្រោះឲ្យបានទាន់ពេលវេលា ។