វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7304 នាក់
ម្សិលមិញ 8227 នាក់
សរុប 14134185 នាក់
ភ្នំពេញ ៖ទីបំផុត! ជនសង្ស័យជាឃាតករដែលបានចាក់សម្លាប់នារីម្នាក់ទាំងព្រឹកព្រលឹមនៅព្រែកហូរក្រុងតាខ្មៅត្រូវបានសមត្ថកិច្ចចាប់បានហើយ។ ជនសង្ស័យជាឃាតករមានឈ្មោះ ទូច សុជាតិ ហៅ(អាដំរី) អាយុ ៣៥ឆ្នាំ សមត្ថកិច្ចឃាត់ខ្លួនបាន ក្រោយពីធ្វើសកម្មភាពប្រមាណជាងមួយម៉ោងក្រោយមក។
នៅចំពោះមុខសមត្ថកិច្ច ជនសង្ស័យបានសារភាព ថាខ្លួនពិតជាបានយកកាំបិតចាក់នារីរងគ្រោះឈ្មោះ ផេង បញ្ញា អាយុ១៧ឆ្នាំមានឪពុលម្តាយជាកម្មករសំណង់ រស់នៅកន្លែងកើតហេតុ ក្នុងភូមិ-សង្កាត់ព្រែកហូរ ក្រុងតាខ្មៅ ខេត្តកណ្ដាល នោះពិតប្រាកដមែន ដោយសារតែខ្លួនភ័យខ្លាចជាប់គុក បន្ទាប់ពីនារីរងគ្រោះ បានប្រាប់ខ្លួនថានិងប្រាប់រឿងដែលបានចាប់រំលោភអស់រយៈពេល ៧ថ្ងៃកន្លងទៅនោះ ឱ្យឪពុកម្ដាយនាងបានដឹង។ ដូច្នេះចៀសវាងបែកការណ៍ ជនសង្ស័យក៏បានយកកាំបិត ចាក់ជាច្រើនកន្លែងទៅលើជនរងគ្រោះនៅវេលាម៉ោង ៧និង ៣០នាទីព្រឹកថ្ងៃទី៥ ខែមករា ឆ្នាំ២០២១ បណ្ដាលឲ្យស្លាប់ ក្រោយពេលក្រុមគ្រួសារជនរងគ្រោះបញ្ជូនទៅកាន់មន្ទីរពេទ្យជ័យជំនះ។
នគរបាលខេត្តកណ្តាល បានបញ្ជាក់ពីសភាពនៃរឿងហេតុនេះថា មុនពេលកើតហេតុ វេលាម៉ោងប្រហែល៦និង៣០នាទី ព្រឹក ថ្ងៃទី៥ ខែមករា ឆ្នាំ២០២១ ក្រុមគ្រួសាររបស់ជនរងគ្រោះមានឪពុកម្តាយ និងប្អូនប្រុស បាននាំគ្នាចេញទៅធ្វើការអស់ នៅសល់តែជនរងគ្រោះ និងប្អូនប្រុសម្នាក់ឈ្មោះ ផេង រិនណារ៉ុង អាយុ១០ឆ្នាំ នៅបន្ទប់ជួល។បន្ទាប់មកជនរងគ្រោះបានប្រើប្អូនប្រុសឱ្យជិះកង់ទៅទិញ បាយស្រូបយកមកហូបទាំងអស់គ្នា។ នៅពេលទិញបាយរួចហើយ ប្អូនប្រុសក៏យកបាយមកឱ្យជនរងគ្រោះវិញ ក៏ឃើញជនរងគ្រោះនៅក្នុងបន្ទប់តែពីរនាក់ជាមួយជនសង្ស័យ ពេលនោះជនរងគ្រោះបានប្រាប់ប្អូនថាកុំអាលទាន់ចូល ចំណែកជនសង្ស័យ ក៏បានប្រើប្អូនជនរងគ្រោះឱ្យទៅទិញបារីសេកចំនួន៥០០រៀល ។
ក្រោយពេលទិញបារីរួចហើយ ប្អូនប្រុសជនរងគ្រោះត្រឡប់មកវិញក៏ឃើញជនសង្ស័យឈរនៅផ្លូវចូលមុខផ្ទះជួល រួចហើយប្អូនជនរងគ្រោះក៏បានហុចបារីឱ្យ រួចក៏ចូលទៅមើលក្នុងបន្ទប់ក៏ឃើញជនរងគ្រោះ ដេកលើឥដ្ឋមានឈាមពេញលើទ្រូង ក៏បានស្រែកហៅជនសង្ស័យឱ្យមកជួយមើល ហើយជនសង្ស័យក៏បានស្រែកហៅអ្នកជិតខាងឱ្យមកជួយមើលទៀត បន្ទាប់មកជនសង្ស័យក៏បានលើកបីសពយកទៅពេទ្យតែម្តង។បច្ចុប្បន្នសមត្ថកិច្ចកំពុងធ្វើកំណត់ហេតុស្ដាប់ចម្លើយ ដើម្បីកសាងសំណុំរឿងបញ្ជូនទៅតុលាការ។