ក្រុមស្ទាវវាយឡានសមត្តកិច្ចរកឃើញ៩នាក់ស្នងការអំពាវនាវឲ្យបន្តចេញមកទៀត!

ភ្នំពេញ៖ក្រុមស្ទាវជើងខ្លាំងព្រួយវាយរថយន្តដែលជួបគ្រោះថ្នាក់ចរាចរកាលពីយបើថ្ងៃទី១៦មេសាដោយមិនដឹងមូលហេតុត្រូវបានសមត្តកិច្ចប្រមូលបាន៦នាក់ហើយ!។តាមប្រភពសមត្តកិច្ចបានឲ្យដឹងថាក្មេងទំនើងចំនួន៦នោះមានដូចជា១-ម៉ាន់ ទ្បុងថាដា វ័យ១៧ឆ្នាំ, ២- ឯក សុខមាន វ័យ១៧ឆ្នាំ, ៣ -សុខ ជា វ័យ១៨ឆ្នាំ, ៤- ឆុន រ៉ាយុទ្ធ វ័យ១៧ឆ្នាំ, ៥- នី សាគី វ័យ២០ឆ្នាំ និង៦-នី រ៉ាវី វ័យ២០ ដែលសមត្ថកិច្ចឃាត់ខ្លួនករណីហិង្សាដោយចេតនាមានស្ថានទម្ងន់ទោស ក្មេងទំនេីង (វាយ និងគប់កំទេចរថយន្ត នៅចំណុច ហាងម៉ាស្សាម៉ាយូរ៉ា ផ្លូវលេខ ៤៧ ភូមិ១៥ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីម៉ោងប្រហែល៧ និង៣៧យប់ ថ្ងៃទី១៦ ខែមេសា ឆ្នាំ ២០២៦។វត្ថុតាងចាប់យកតរួមមានទី១-ដុំថ្មចំនួន០៤ដុំ, ២-ផ្លាកលេខរថយន្តចំនួន០១បន្ទះ។ 

ក្មេងទំនើងទាំង៦នាក់នេះ សមត្ថកិច្ចជំនាញកំពុងសាកសួរ និងអនុវត្តតាមនីតិវិធី ព្រមទាំងកំពុងបន្តស្វែងរកបក្ខពួកមួយចំនួនបន្ថែមទៀត។លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី១៨ ខែមេសា ឆ្នាំ២០២៦នេះ បានឲ្យដឹងថា យុវជនដែលគប់ និងវាយឡានអ្នកដទៃនៅតំបន់វត្តភ្នំ កាលពីប៉ុន្មានថ្ងៃមុន ត្រូវបានចាប់ខ្លួន៩នាក់ហើយ ក្នុងចំណោមមនុស្សផ្សេងទៀតដែលកំពុងស្រាវជ្រាវចាប់ខ្លួន។

, យុវជនទាំង៩នាក់ដែលត្រូវបានចាប់ខ្លួននេះ មានម្នាក់ជាអ្នកកាច់យកផ្លាកលេខរថយន្ដ។ លោកក៏បានអំពាវនាវ ដល់យុវជនដែលកំពុងរត់គេចខ្លួនជាចុងក្រោយ សូមចូលខ្លួនមកអធិការខណ្ឌដូនពេញ ដើម្បីដោះស្រាយជាពិសេសយុវជនអ្នកបង្កហេតុស្រែកបំផុសមុនគេ កំពុងរត់គេចខ្លួន។