លោក​ស៊ុន​ឆៃ​ទាត់ចោល​សម្តី​លោកស្រី​មូ​សុខ​ហួរ​និង​ថា​លោក​កឹម​សុខា​នៅតែ​ជា​ប្រធាន​គណបក្ស​សង្គ្រោះ​ជាតិ​បើ​តុលាការ​មិនទាន់​កាត់ទោស​!

siv-channa27

​រាជធានី​ភ្នំពេញ ៖ លោក ស៊ុន ឆ័យ អភិបាល​ក្រុម​សមាជិកសភា គណបក្ស​សង្គ្រោះ​ជាតិ នៅក្នុង​ស​ន្និសិទ​កាសែត កាលពី​ព្រឹក​ថ្ងៃទី​១២​សីហា​បានប្រកាស​ទាត់ចោល​នូវ​ពាក្យសម្តី​របស់លោក​ស្រី មូរ សុខ​ហួរ អនុប្រធាន គណបក្ស​សង្គ្រោះ​ជាតិ កាលពី​ម្សិលមិញ ដែលថា CNRP នឹងមិន​ចូលរួម​ការបោះឆ្នោត​ឆ្នាំ​២០១៨ ខាងមុខ​ដោយ​ចាត់ទុកថា​ជា​ម្តី​ឯកជន​

មិនមែនជា​ការសម្រេចចិត្ត​របស់​គណ​អចិ​ន្ត្រៃ​គណបក្ស ។​លោក​សុន​ឆៃ​៖​យើង​មិនអាច​ទទួលយក​សម្តី ជា​ឯកជន​ណាមួយ​ដែល​មិនមែនជា​ការសម្រេច​រប​ស់ គណៈកម្មាធិការ​អចិន្ត្រៃយ៍ មិនមែនជា​ការសម្រេច​របស់​គណៈកម្មាធិការ មិនមែន​ជាការ សម្រេច​របស់​សមាជ​គ​ណ​បក្ស​ថា​ជាស​ម្តី​ឬក៏​ទង្វើ​របស់​គណបក្ស​សង្គ្រោះ​ជាតិ​បានទេ ។​

​លោក​ស៊ុន​ឆៃ​ក៏បាន​បញ្ជាក់​ផងដែរ​ថា​៖ ការបញ្ចេញ​យោបល់ និង​គំនិត​របស់ លោក កឹម សុខា​ក៏ មិនមែនជា​ការសម្រេច​របស់​គណ​កម្ម​ធិ​ការ​នាយក​គណបក្ស​សង្គ្រោះ​ជាតិ​ទេ​។​
​ដោយ​ចាត់ទុកថា​ការចាប់ខ្លួន​លោក​កឹម​សុខា​ក៏ដូចជា​ការប្រជុំ​របស់​រដ្ឋសភា​កាលពី​ថ្ងៃទី​១១​កញ្ញា​ដើម្បី​ឲ្យ​តុលាការ​ចាត់ការ​លើ​លោក​កឹម​សុខា​ជា​សកម្មភាព​ខុសច្បាប់​បើ​យោងតាម​មាត្រា​៨១​នៃ​ក្រមនីតិវិធី​ព្រហ្មទណ្ឌ​និង​មាត្រា​៨០​នៃ​រដ្ឋធម្មនុញ្ញ​ព្រមទាំង​ប្រកា​៤១​នៃ​បទបញ្ជារ​ផ្ទៃក្នុង​រដ្ឋសភា។

លោក​ស៊ុន​ឆៃ​បានប្រកាស​ថាបើ​លោក កឹម សុខា មិនទាន់​ត្រូវបាន​កាត់ទោស គាត់​នៅតែ​គ្មាន​កំហុស និង​នៅតែ​ជា​ប្រធាន​គណបក្ស​សង្គ្រោះ​ជាតិ ដូចនេះ គណបក្ស​ត្រូវតែ​តវ៉ា​និង​ការពារ​គាត់​ក្នុងនាម​ជា​ប្រធាន​បក្ស​បើ​យោងតាម​មាត្រា​៣៨​នៃ​រដ្ឋធម្មនុញ្ញ​។​ដោយ​សង្ឃឹមថា​សភាពការណ៍​នឹង​វិល​ទៅរក​ភាពល្អប្រសើ​វិញ​លោក ស៊ុន ឆៃ បានប្រកាសថា​៖ គណបក្ស​សង្គ្រោះ​ជាតិ នឹងចូលរួម​បោះឆ្នោតជាតិ នៅ​ឆ្នាំ​២០១៨ ខាងមុខនេះ​។​

​លោក សុន ឆ័យ បានបញ្ជាក់​ក្នុង​សន្និសីទ​នោះ​ថា គណបក្ស​សង្គ្រោះ​ជាតិ មាន​ទិសដៅ​តែ មួយ​ទេ គឺ​ឆ្ពោះទៅរក​ការបោះឆ្នោត នៅ​ឆ្នាំ​២០១៨ ហើយ​នេះ​ជា​បំណងប្រាថ្នា​របស់​គណបក្ស សង្គ្រោះ​ជាតិ ហើយ​គណៈកម្មាធិការ​អចិន្ត្រៃយ៍ បានសម្រេច​ថា យើង​នៅតែ​បន្តការងារ​របស់​យើង​ជាធម្មតា ។​

siv-channa27cnrp-son-chhai