ថៃមាននាយករដ្ឋមន្ត្រីថ្មីហើយមកពីបក្សភឿថៃគាំទ្រដោយពួកយោធាដែលគេជឿថាលោកថាក់ស៊ីនជាប់គុកមិនយូ
10-August-2023 / ព័ត៌មានអន្តរជាតិ
ប្រទេសថៃ៖ សភាថៃបានបោះឆ្នោតជ្រើសរើសលោកស្រ៊ីថាថាវីស៊ិន( Srettha Thavisin )បេក្ខជនមកពីគនបក្សភឿថៃជានាយករដ្ឋមន្ត្រីថ្មីរបស់ថៃហើយ នៅរសៀលថ្ងៃអង្គារ ទី២២ ខែសីហានេះដែលនេះនឹងនាំទៅរកការបិទបញ្ចប់ភាពជាប់គាំងនយោបាយចាប់តាំងពីការបោះឆ្នោតសកលកាលពីខែឧសភាមក។ នេះបើតាម ទីភ្នាក់ងារសារព័ត៌មាន AFP។
ដើម្បីអាចជាប់ជានាយករដ្ឋមន្ត្រីបាន លោក Srettha ត្រូវការសំឡេងគាំទ្រចំនួនយ៉ាងហោច ៣៧៥សំឡេង ដែលស្មើនឹងសំឡេងលើសពាក់កណ្តាល នៃចំនួនសមាជិករដ្ឋសភា និងព្រឹទ្ធសភាថៃ សរុបបញ្ចូលគ្នា។ រដ្ឋសភាថៃមានអាសនៈសរុបចំនួន៥០០ ខណៈព្រឹទ្ធសភាមាន ២៤៩អាសនៈ។កាលពីថ្ងៃចន្ទគណបក្សភឿថៃ( Pheu Thai) បានអះអាងថា ខ្លួនធានាបានសំឡេងគាំទ្រសរុប៣១៧សំឡេងមកពីគណបក្សចំនួន១៤ នៅក្នុងរដ្ឋសភា សម្រាប់លោក Thavisin។ ដើម្បីអាចជាប់ជានាយករដ្ឋមន្ត្រីបាន លោក Thavisin ត្រូវការសំឡេងគាំទ្រចំនួនយ៉ាងហោច៣៧៥សំឡេង ដែលស្មើនឹងសំឡេងលើសពាក់កណ្តាល នៃចំនួនសមាជិករដ្ឋសភា និងព្រឹទ្ធសភាថៃ សរុបបញ្ចូលគ្នា។ ដូច្នេះមានន័យថា រូបលោកត្រូវការសំឡេងគាំទ្រ៥៨ទៀត ពីសមាជិកព្រឹទ្ធសភា។តែលទ្ធផលបោះឆ្នោតបង្ហាញថាសមាជិកព្រឹទ្ធសភា និងរដ្ឋសភាលើស ៣៧៥រូប បានបោះឆ្នោតគាំទ្រលោក Srettha។
សូមបញ្ជាក់ថាសភាថៃបានបើកកិច្ចប្រជុំសាជាថ្មី ដើម្បីធ្វើការបោះឆ្នោតជ្រើសរើសនាយករដ្ឋមន្ត្រីទី៣០ របស់ថៃ នៅរសៀលថ្ងៃអង្គារនេះ បន្ទាប់ពីការវិលត្រឡប់ចូលស្រុកថៃវិញ របស់លោក ថាក់ស៊ីនអតីតនាយករដ្ឋមន្ត្រីថៃពីឆ្នាំ២០០១ដល់២០០៦រងការធ្វើរដ្ឋប្រហារក៏ ត្រូវបានតុលាការផ្តន្ទាទោសដាក់ពន្ធនាគារ ៨ឆ្នាំ និងក្រោយរស់នៅនិរទេសខ្លួនអស់ជាង ១៥ឆ្នាំ។ការវិលត្រឡប់វិញដោយមានកូនស្រីនិងអ្នកគាំទ្រទៅទទួលហើយបន្ទាប់មកនាំទៅការពន្ធនាគារនោះគែជឿថាពិតជាមានការសម្របសម្រួលផ្ទៃក្នុងទើបអាចធ្វើបាន។ឡូវបក្សភឿថៃកាន់រដ្ឋាភិបាលមិនយូទេលោកថាស៊ីននឹងត្រូវបានលើកលែងទោសពីមហាក្សត្រតាមសំណើរនាយករដ្ឋមន្ត្រី។
គួរបញ្ជាក់ថា ការបោះឆ្នោតជ្រើសរើសនាយករដ្ឋមន្ត្រីថៃនាថ្ងៃអង្គារនេះ គឺជាការបោះឆ្នោតជុំថ្មីចុងក្រោយបំផុត បន្ទាប់ពីគណបក្ស Move Forward ដែលជាបក្សឈ្នះបានអាសនៈច្រើនជាងគេបង្អស់ ក្នុងការបោះឆ្នោតសកល បានទទួលបរាជ័យដល់ទៅ២លើក កាលពីខែកក្កដា ក្នុងការព្យាយាមឱ្យមេដឹកនាំរបស់ខ្លួន គឺលោក ភីថា លឹមចារឿនរ៉ាត់ (Pita Limjaroenrat) ក្លាយជានាយករដ្ឋមន្ត្រី ដោយសារតែការរារាំងពីសំណាក់ ក្រុមសមាជិករដ្ឋសភានៃបណ្តាគណបក្សអភិរក្សនិយម និងក្រុមសមាជិកព្រឹទ្ធសភា។ Pheu Thai គឺជាគណបក្ស ដែលឈ្នះបានអាសនៈច្រើនជាងគេលំដាប់ទី២ ក្នុងការបោះឆ្នោតសកល បន្ទាប់ពី Move Forward។
សម្រាប់លោកថាស៊ីនវិញសារព័ត៌មាន The Nation ចេញផ្សាយនៅថ្ងៃទី២២ ខែសីហា ឆ្នាំ២០២៣ បានឱ្យដឹងថា វរសេនីយ៍ Komwut Jongboonwatana ប្រធានប៉ូលីសអន្តោប្រវេសន៍ច្រក ដន មឿង បានអមដំណើរលោក ថាក់ស៊ីន ទៅកាន់តុលាការកំពូលនៅ Sanam Luang នៅម៉ោង១០:៤០ ព្រឹក បន្ទាប់ពីយន្តហោះឯកជនរបស់លោក បានចុះចតនៅអាកាសយានដ្ឋាន ដនមឿង នៅម៉ោង ៩ព្រឹក។
នៅពេលដែលលោកថាក់ស៊ីន បានបង្ហាញនៅចំពោះមុខក្រុមចៅក្រមនៃផ្នែកព្រហ្មទណ្ឌនៃអ្នកកាន់ការិយាល័យនយោបាយរបស់តុលាការកំពូល ចៅក្រមបានសួរលោក ថាក់ស៊ីនថា តើលោកជាមនុស្សដូចគ្នានឹងអ្នកដែលត្រូវបានចោទប្រកាន់ និងកាត់ទោសក្នុងសំណុំរឿងទាំងបីនេះដែរឬទេ។
បន្ទាប់ពីលោក ថាក់ស៊ីន បានបញ្ជាក់ពីអត្តសញ្ញាណរបស់លោក ចៅក្រមបានអានទោសចំនួនបីគឺ៖ទី១ ជាប់គុកបីឆ្នាំ ពីបទរំលោភសិទ្ធិអំណាច បញ្ជាឱ្យធនាគារ Exim Bank អនុម័តប្រាក់កម្ចី ៤ ពាន់លានបាត ដល់មីយ៉ាន់ម៉ា។។ទី២ ជាប់ពន្ធនាគារ រយៈពេលពីរឆ្នាំ ពីបទបញ្ជាដោយខុសច្បាប់ នូវការិយាល័យឆ្នោតរដ្ឋាភិបាល ឱ្យលក់ឆ្នោតពីរខ្ទង់ និងលេខបី។។ទី៣ ជាប់គុកយៈពេលប្រាំឆ្នាំ សម្រាប់ការបំពានសិទ្ធិអំណាច របស់គាត់ក្នុងការមានកិច្ចសន្យាសម្បទាន របស់ក្រុមហ៊ុន Shin Corp ដែលត្រូវបានកែប្រែ ដើម្បីអនុញ្ញាតឱ្យខ្បង់ពន្ធគយ សម្រាប់សេវាប្រតិបត្តិការ ទូរស័ព្ទចល័តជំនួសឱ្យថ្លៃសម្បទាន។។តុលាការបាននិយាយថា ការកាត់ទោសរយៈពេលប្រាំឆ្នាំ នឹងចាប់ផ្តើម បន្ទាប់ពីលោកថាក់ស៊ីន បានបញ្ចប់ការជាប់ពន្ធនាគារ រយៈពេលបីឆ្នាំនៅក្នុងសំណុំរឿងទីមួយ ។ ទោសអាណត្តិពីរឆ្នាំអាចធ្វើឡើង ក្នុងពេលដំណាលគ្នា៕
