សាហាវមែន ! អាងខ្លួនជាយោធាបើកឡានស្ទាក់ចាក់ប្រហារ ពលរដ្ឋ៣នាក់នៅស្រុកទ្រាំង ខេត្តតាកែវរកឃើញនៅតាខ្មៅ
03-April-2024 / សន្តិសុខសង្គម
ខេត្តតាកែវ៖ ជនដៃដល់ម្នាក់ដែលជាសតមត្តកិច្ចយោធាផងបាន ធ្វើសកម្មភាពបើកឡានស្ទាក់ចាក់ ប្រហារ ពលរដ្ឋ៣នាក់ ម្នាក់ធ្លាយពោះវៀន។ទោះជាយ៉ាងណា តាមរយៈសកម្មភាពនៃបទល្មើសជាក់ស្តែង ឈានដល់សមត្ថកិច្ចឃាត់ខ្លួន បានហើយនៅល្ងាចថ្ងៃទី៩ ខែមេសា ឆ្នាំ២០២៣ នៅក្នុងទីបញ្ជាការដ្ឋានយោធា ក្នុងក្រុងតាខ្មៅបន្ទាប់ពីកម្លាំងនគរបាលខេត្តតាកែវស្នើសុំ ជនបង្កយកមកសាកសួរតាមនីតិវិធី ។
កម្លាំងនគរបាលជំនាញខេត្តតាកែវបានបើកការស៊ើបអង្កេតដឹងថាជនដៃដល់ធ្វើសកម្មភាពចាក់ពលរដ្ឋមិនខ្លាចសំណាញ់ច្បាប់ប្រព្រឹត្តកាលពីយប់ថ្ងៃទី៨ ខែមេសា ឆ្នាំ២០២៣ នៅចំណុចផ្លូវលំស្ងាត់មួយកន្លែងស្ថិតក្នុងភូមិឈើទាលបាក់ ឃុំធ្លក ស្រុកទ្រាំង ខេត្តតាកែវ។ ក្រោយពីធ្វើសកម្មភាពជនដៃដល់បានរត់ចោលឡានកាមរី ពណ៌ស ផលិតឆ្នាំ២០០៧ ពាក់ស្លាកលេខ ភ្នំពេញ 2AV -7891 មួយគ្រឿងក៏រកឃើញបណ្ណសម្គាល់ខ្លួនជាកងកម្លាំងប្រដាប់អាវុធ។ជនសង្ស័យដែលឃាត់ខ្លួនបាននៅក្នុងបន្ទាយម្នាក់នោះឈ្មោះ សំ វុទ្ធី មានឋាននន្តរស័ក្តិវរសេនីយ៍ទោ។
នគរបាលខេត្តតាកែវបានបញ្ជាក់ថាជនសង្ស័យរូបនេះខាងប្រធានអង្គភាពរបស់គេមិនទាន់ប្រគល់ឱ្យនៅឡើយទេរង់ចាំអង្គភាពគេសាកសួរនិងបំពេញឯកសាររួចរាល់សិនទើបប្រគល់ខ្លួនជនប្រព្រឹត្តបទល្មើសឱ្យនគរបាលជំនាញចាត់ការតាមនីតិវិធីច្បាប់។ពលរដ្ឋខេត្តតាកែវសង្ឃឹមថាប្រធានអង្គភាពរបស់ជនដៃឆៅអាងខ្លួនជាកងកម្លាំង ស្ទាក់ចាក់ប្រហារ ពលរដ្ឋបណ្តាលឱ្យរងរបួសយ៉ាងធ្ងន់ធ្ងរចំនួន៣នាក់មិនឱ្យរួចផុតពីសំណាញ់ច្បាប់បានឡើយនិងប្រគល់ជនល្មើសឱ្យនគរបាលខេត្តតាកែវចាត់ការតាមច្បាប់កុំឱ្យខូចឈ្មោះអង្គភាពកងកម្លាំងប្រដាប់អាវុធ។
ប្រភពពីជនរងរងគ្រោះឲ្យដឹងថាកាលពីយប់ថ្ងៃកើតហេតុខាងលើជនរងគ្រោះខាងលើបានចេញពីហូបការអ្នកស្រុកនៅក្នុងឃុំកើតហេតុនោះខណៈពេលដើរជិតដល់រថយន្តខ្លួនស្រាប់តែមានភ្ញៀវដែលចេញពីហូបការដែរនោះបើកឡានហាយឡេនឌ័រពណ៌ក្រហមទៅមុខថយក្រោយបត់មិនរួចទំនងជាស្រវឹងស្រាខ្លាំងទើបគ្នីគ្នាខាងជនរងគ្រោះម្នាក់ថា (តាមមើលគាត់ទើបរៀនបើកឡាន)។ ! ជាហេតុធ្វើឱ្យអ្នកបើកឡានរូបនោះច្រឡោតខឹងនិងបានស្រែកគំរាមថា(ពួកអ្ហែងចង់ស៊ីគ្រាប់សំណរមែន?ពួកអ្ហែងអត់ដឹងថាអញជានរណាទេអី?)គំរាមរួចតៃកុងឡានចិត្តឆើតដៃឆៅរូបនោះក៏បានតេទូរស័ព្ទហៅបក្សពួករបស់គេមក។
ភ្លាមនោះដោយខ្លាចមានរឿងភាគីរងគ្រោះមានគ្នា៥នាក់បានបបួលគ្នាបើកឡានចេញ។ខណៈពេលបើកមកដល់ចំណុចផ្លូវស្ងាត់ក៏ស្រាប់តែមានរថយន្ត១គ្រឿងបើកវ៉ាមកបត់ឈប់មុខឡានខ្លួននិងមានរថយន្ត១គ្រឿងទៀតឈប់បិតគូទពីក្រោយជាហេតុធ្វើអោយរថយន្តភាគីរងគ្រោះទៅមុខ និងថយក្រោយមិនរួច ទើបភាគីរងគ្រោះចំនួន២នាក់បើកទ្វារចេញមកសួរក៏ត្រូវជនដៃដល់យកដំបងដែករលាស់មកវាយក្បាលជនរងគ្រោះបែកក្បាលហូរឈាម។ភ្លាមនោះអ្នកជិះក្នុងរថយន្តជនរងគ្រោះចេញមកមើលក៏បានប្រតាយប្រតប់គ្នាក៏ត្រូវជនដៃឆៅរូបនោះយកកាំបិតចុចមកចាក់ប្រហារបណ្តាលអោយជនរងគ្រោះម្នាក់រងរបួសសុះខ្លួននិងធ្លាយពោះវៀនចេញក្រៅ រីឯ២នាក់ទៀតរងរបួសធ្ងន់។ភ្លាមនោះក៏មានសាច់ញាតិជនរងគ្រោះនិងនគរបាលមូលដ្ឋានមកដល់ទើបជនដៃដល់រត់ចោលឡាន១គ្រឿងនៅកន្លែងកើតហេតុ។សមត្ថកិច្ចក៏បានយករថយន្តនោះទៅរក្សាទុកនៅអធិការដ្ឋាននគរបាលស្រុកទ្រាំង។ រីឯជនរងគ្រោះត្រូវបានសាច់ញាតិដឹកទៅសង្គ្រោះនៅមន្ទីរពេទ្យនេសាទីរួមខេត្តតាកែវ៕
