វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4497 នាក់
ម្សិលមិញ 3528 នាក់
សរុប 14190882 នាក់
ភ្នំពេញ៖ កញ្ញា សុខគា គីមលាង មានឈ្មោះហៅក្រៅថា កូនAnt គ្រាដែលមានរូបសម្រស់ ដ៏ស្រស់ផូផង់គ្រាបាន លេចមុខក្នុងកម្មវិធីអង្គរសង្ក្រាន្តនាអំឡុងឆ្នាំ ២០១៨ទទួលបានការចាប់អារម្មណ៍ពេលមានដំនឹងថានឹងត្រៀមចូលរួមប្រកួតក្នុងកម្មវិធី Miss Grand Cambodia 2023 ព្រោះកញ្ញាអាចនឹងមានភាគរយខ្ពស់ក្នុងការដណ្តើមមកុដ។
បច្ចុប្បន្នកញ្ញា សុខគា គីមលាងមាន អាយុ ២៣ឆ្នាំ នាងមានកំពស់ ១.៧០ ។នាងបានបញ្ចប់ការសិក្សានៅសកលវិទ្យាល័យភូមិន្ទវិចិត្រសិល្បៈកញ្ញាជានាថការីរបាំប្រពៃណីខ្មែរម្នាក់ហើយកញ្ញាតែងតែឈរខ្ពស់ជាមួយប្រពៃណីនិងសិល្បៈវប្បធម៌ខ្មែរ។កញ្ញាក៏ធ្លាប់បានទៅបណ្តាប្រទេសមួយចំនួនដើម្បីផ្សព្វផ្សាយនឹងសំដែងរបាំប្រពៃណីខ្មែរហើយនាងក៏ធ្លាប់បានសម្តែងក្នុងភាពយន្តខ្នាតខ្លីរឿងព្រះភិក្ខុពនេចរ របស់ព្រះតេជគុណវជីរបញ្ញោ គូសុភាពផងដែរ។
អ្នកលេងបណ្តាញសង្គមនានាបានធ្វើការកោតសរសើរ ពីរូបស្រស់ និងធ្វើការចែករំលែកព្រោងព្រាតរហូតមានក្រុមអ្នកតាមដាន ព្រោះតែពួកគេបានមើលឃើញពីសក្កតានុពលដែលនាងមានបន្ថែមពីលើរូបសម្រស់នោះគឺនាងគឺជានាដការីរបាំស្រាប់ មានចំណេះដឹងជ្រៅជ្រះ អត្តចរិករួសរាយរាក់ទាក់ ខណៈដែលកម្ពស់ក៏ខ្ពស់ស្រឡះផងដែរ។នៅក្នុងវិស័យសិល្បៈកញ្ញាទទួលបានប្រជាប្រិយភាពខ្ពស់គួរសម ដូចជាតាមបណ្តាផ្ទាំងផ្សព្វផ្សាយសម្អាងការជាដើម ។ ប្រភពពីអ្នកដែលស្និទ្ធិនឹងនាងបានលើកឡើងថា កម្មវិធី Miss Grand Cambodia 2023នៅមិនទាន់ប្រកាសអំពីពេលពេលវេលានៃការរៀបចំប្រកួតនៅឡើយ ប៉ុន្តែ ពេលនេះកូនអាន កំពុងតែគិតគូរអំពីការចូលរួមប្រកួតឆ្នាំនេះ ព្រោះតែជាកម្មវិធីធំ ហើយនាងក៏មានភាពជឿជាក់ខ្ពស់ដែលអាចនិយាយថានាងបានត្រៀមរួចរាល់គ្រប់ផ្នែកដើម្បីប្រាកដថា នឹងមានក្តីរំពឹងខ្ពស់។ ទោះជាយ៉ាងណា នាងក៏កំពុងតែរង់ចាំមើលដែរថាតើនឹងមានបេក្ខភាពជើងខ្លាំងណាខ្លះនឹងដាក់ពាក្យចូលរួមប្រកួតព្រោះតែនាងត្រូវច្បាស់ថាអាចនឹងគ្រងមកុដ ប្រសិនបើនឹងឈានជើងឡើងឆាកប្រកួតមួយនេះ។