វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9306 នាក់
ម្សិលមិញ 8227 នាក់
សរុប 14136187 នាក់
ខេត្តស្ទឹងត្រែង៖សិស្សស្រីរៀននៅអនុវិទ្យាល័យទួលមាសអូររៃ ចំនួន៣នាក់ បានដួលសន្លប់ជាបន្តបន្ទាប់ដោយមិនដឹងមូលហេតុតែ ត្រូវបានលោកគ្រូ អ្នកគ្រូសិស្សានុសិស្សនាំគ្នាធ្វើចលនាជួយសង្គ្រោះ រួចបញ្ជូនទៅកាន់ក្រុមគ្រួសារយកទៅព្យាបាលកាលពីវេលាម៉ោង៨និង៣០នាទីព្រឹក ថ្ងៃទី១២ ខែកញ្ញា ឆ្នាំ២០២២ នៅចំណុចសាលាអនុវិទ្យាល័យទួលមាសអូររៃ ស្ថិតក្នុងភូមិអូររៃ ឃុំអូររៃស្រុកថាឡាបរិវ៉ាត់ ខេត្តស្ទឹងត្រែង។
ករណីយ៍សិស្សដួលសន្លប់នេះលោក វ៉ាន់ នីម នាយកវិទ្យាល័យទួលមាសអូររៃ បានឲ្យដឹងថានៅឆ្នាំ២០២២នេះចាប់ពីដើមឆ្នាំរហូតមកទល់ពេលនេះមានកើតករណីសិស្សដួលសន្លប់ចំនួនពីរលើកមកហើយ លើកទី១ មានចំនួន៧នាក់ ហើយនៅថ្ងៃទី១២នេះ មានចំនួននបីនាក់។ នៅមុនកើតហេតុនោះ សិស្សស្រីទាំងបីនាក់ថាមានសភាពដូចជា ឈឺក្បាលវិលមុខបន្ទាប់មកក៏បាត់មាត់បាត់កសន្លប់នៅលើតុ ត្រូវបានគ្រូ និងសិស្សក្នុងថ្នាក់ជួយធ្វើចលនា រួចមកពួកគាត់ក៏រាងដឹងខ្លួនតែនិយាយរវើរវាយខុសពីធម្មតា ហើយក៏បានបញ្ជូនយកទៅឲ្យក្រុមគ្រួសារយកទៅព្យាបាល។
លោក ឈូក ឌី មេឃុំអូររៃ ក៏បានឲ្យដឹងដែរថា ករណីសិស្សស្រីទាំងបីនាក់នេះកើតឡើងក្នុងចំណោមសិស្សស្រី៧នាក់ដែលធ្លាប់កើតពីលើកមុន មានអាការៈដូចគ្នា ហើយត្រូវបានខ្លះគេសន្និដ្ឋានថា ជាអបិយជំនឿ មានខ្មោចអារុកអារក្សអ្នកតាចូល។ លោកមេឃុំបន្តថា ក្រោយពីមានហេតុការណ៍នេះ លោកនាយកសាលាមេភូមិមេឃុំ និងអាណាព្យាបាលរួមទាំងប្រជាពលរដ្ឋបាននិមន្តព្រះសង្ឃចំនួន៧វត្តមកធ្វើការសូត្រប្រោសព្រំក្នុងអនុវិទ្យាល័យនេះ ដើម្បីសុំសេចក្តីសុខសេចក្តីចម្រើនដល់សិស្សានុសិស្សក្នុងសាលានេះផងដែរ។តែបើតាមខាងមន្ទីរអប់រំ និងមន្ត្រីសុខាភិបាលពេលបានបានចុះទៅពិនិត្យដល់សាលារកពីមូលហេតុតាមវិទ្យសាស្ត្របានសន្និដ្ឋានថា ដោយសារសិស្សស្រីទាំងនោះខ្វះជាតិស្ករខ្វះឈាម អាហារូបត្ថម្ភមិនបានគ្រប់គ្រាន់ ទើបមានអាការៈបែបនេះ។
សូមបញ្ជាក់ថា កាលពីថ្ងៃទី៩ ខែកញ្ញា កន្លងមកនេះ ក៏មានសិស្សសាលាអនុវិទ្យាល័យសេសានចំនួន១០នាក់ដៃរដែលកើតអាការៈបែបនេះ ។ ហើយនៅថ្ងៃទី១២ ខែកញ្ញានេះសិស្សនុវិទ្យាល័យទួលមាសអូររៃ៣នាក់ ក៏កើតអាការៈបែបនេះផងដែរ។ ក្រោយពីរសិស្សទាំងនោះត្រូវបានព្យាបាល និងបន់ស្រន់តាមរបៀបអបិយជំនឿផងនោះ បានជាសះស្បើយអស់ហើយ៕ប្រភពលោក ងិនលីម