វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 219 នាក់
ម្សិលមិញ 6501 នាក់
សរុប 13948774 នាក់
កំពង់ស្ពឺ៖ មនុស្ស១២នាក់ ក្នុងនោះមាន ស្រីម្នាក់បានបាត់បងជីវិតទាន់ហន់ និង ៤នាក់ ទៀតរងរបួសដោយសារតែរថយន្ត ៣គ្រឿងបុកគ្នា បណ្តាលឲ្យផ្ទុះឆេះនៅលើកំណាត់ ផ្លូវជាតិលេខ៤ ក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ នាល្ងាចថ្ងៃទី៨ ខែមិថុនា ឆ្នាំ២០១៩នេះ។
តាមប្រភពពីអ្នកឃើញហេតុការណ៍ឲ្យដឹងថា៖ជាដំបូងគឺមានHIGHLANDER បើកពីកើតទៅលិច (ភ្នំពេញ-ព្រះសីហនុ) បានវ៉ាជែងខ្សែរថយន្តផ្សេងស្រាប់ តែជ្រុលទៅបុករថយន្តទេសចរណ៍ ២៤កៅអីមួយគ្រឿងដែលមកពីមុខ រួចក៏ជ្រុលទៅបុករថយន្តកូរ៉េដឹកទំនិញមួយគ្រឿងទៀត បណ្តាលឲ្យផ្ទុះឆេះតែម្តង។
ជាលទ្ធផលនៃការធ្វេសប្រហែសនេះបើតាមប្រភពព័ត៌មានពីសមត្ថកិច្ចបានអោយដឹងថា៖ ជនរងគ្រោះ ៦នាក់ ដែលជិះនៅក្នុងរថយន្ត HIGHLANDER បានស្លាប់ទាំងអស់ និង៤នាក់ទៀត នៅក្នុងរថយន្តទេសចរណ៍២៤ កៅអី ខណៈ៤នាក់ទៀតរងរបួស។កម្លាំងសមត្ថកិច្ចបានជួយអន្តរាគមន៍នៅកន្លែងកើតហេតុ ដោយទាញសពជនរងគ្រោះចេញពីរថយន្ត និងនាំអ្នករបួសទៅកាន់មន្ទីរពេទ្យ.។
ដោយឡែកនៅវេលាម៉ោង ០៤:៣០នាទី ល្ងាចថ្ងៃទី០៨ ខែមិថុនា ឆ្នាំ២០១៩នេះដែរក៏មានករណីគ្រោះថ្នាក់ចរាចរណ៍ នៅតាមបណ្តោយផ្លូវជាតិលេខ៤ នៅចំណុចចំណោទលោកយាយម៉ៅ ស្ថិតក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺដោយសារថយន្តធុនធំ ០២គ្រឿង បុកគ្នាពេញទំហឹង ។
សមត្ថកិច្ចកំពុងជួយសំរួលចរាចរណ៍ ហើយតែពុំទាន់ដឹង មានអ្នករងរបួសប៉ុន្មាននាក់ទេ៕