វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4225 នាក់
ម្សិលមិញ 10264 នាក់
សរុប 14143407 នាក់
ខេត្តឧត្តរមានជ័យ ៖ ប្រជាពលរដ្ឋរស់នៅខេត្តឧត្តរមានជ័យ បានរាយ ការណ៍និងបញ្ជូនរូបភាពតាមតេឡេក្រាមមកកាន់ការិយាល័យនិពន្ធ គេហទំព័រ មាតុភូមិ ឲ្យដឹងថាៈ បច្ចុប្បន្ននេះ មានទីតាំងបនល្បែងបើកសង្វៀនបញ្ជល់មាន់ និងបាញ់ អាប៉ោង ថិតនៅចំណុចក្នុងចំការស្វាយចន្ទី ចូលតាមផ្លូវលំ ( អង់តែន ០១១) ភូមិត្រពាំង ប្រាសាទ ឃុំត្រពាំង ប្រាសាទ ស្រុកត្រពាំង ប្រាសាទ ខេត្តឧត្តរមាន ជ័យ ក្នុងមួយថ្ងៃៗមានអ្នកលេងល្បែងជាច្រើនរាប់សិបនាក់ មកប្រមូលផ្តុំគ្នាយ៉ាងពពាក់ពពូន លេងចាប់តាំងពីព្រឹកដល់ល្ងាច ជារៀងរាល់ ថ្ងៃឡើងដុះស្លែ ។
ប្រភព បានបន្តថា: ការបញ្ជល់ មាន់មួយគូៗ គេចាក់ភ្នាល់ដាក់លុយ រាប់សិបម៉ឺនរៀល ដល់រាប់លានរៀល និងមានអ្នកចាក់លុយខាងក្រៅយ៉ាងប្រសេកប្រសាចថែម ទៀត ស្រែកហ៊ោរ កញ្ជ្រៀវកងរំពង ។ តាម ការបញ្ជាក់ពី អ្នកធ្លាប់ ចូលទៅលេងល្បែង ស៊ីសងនៅទីនោះបានប្រាប់ថា ម្ចាស់ទីតាំង មានឈ្មោះ ឡេង ហើយ បានអួតប្រាប់ពួកអ្នក លេងល្បែងថា ទីតាំងរបស់គ្មានសមត្ថកិច្ច ថ្នាក់ណាហ៊ានចុះមក ចាប់បង្ក្រាបទេ ព្រោះ គាត់(ឡេង) បានបង់ លុយ $$$ ដល់មន្ត្រី សមត្ថកិច្ចគ្រប់លំដាប់ ថ្នាក់អស់ហើយក្នុង ខេត្ត ឧត្តរមានជ័យនេះ ។
ដោយសារតែ គ្មានការ ចុះបង្ក្រាបទីតាំងបន ល្បែងខាងលើនេះ ទើប ពេលនេះ ប្រជាពលរដ្ឋ រាយការណ៍េជូនអ្នកកា សែតអោយជួយផ្សព្វផ្សាយ ដើម្បីអោយ ដឹងដល់ថ្នាក់ដឹកនាំ ខាងលើ ពិសេសដឹងដល់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដើម្បីលោក មានវិធាន ការបង្ក្រាប ។ ប្រភព ព័ត៌មានបានបន្តថាទាំងអធិការដ្ឋាននគរបាលស្រុក ទាំងមូលដ្ឋានកងរាជអាវុធហត្ថស្រុកត្រពាំងប្រាសាទ បានរក្សាភាពស្ងៀមស្ងាត់ទុកឲ្យបុគ្គលឈ្មោះ ឡេង ធ្វើអ្វីៗតាមអំពើ ចិត្ត ។
មកទល់ នឹងពេលនេះ គេពុំដឹងថាលោកឧត្តមសេនីយ៍ទោ ហួត សុធី ស្នងការនគរបាលខេត្ត និងឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមាន ជ័យ បានសើមមាត់ សើមក ពីសំណែន របស់ឈ្មោះ ឡេង មេ បនល្បែងដុះស្លែ នេះដែរឬក៏អត់ទេ ? ទើប ស្ងៀមស្ងាត់ ត្រជាក់ ល្ហឹម ពុំមានចំណាត់ការបង្ក្រាបបនល្បែងស៊ីសងខុសច្បាប់ នៅក្នុងចំណុចទីតាំងខាងលើនេះ ដើម្បីពង្រឹងសន្តិសុខសង្គមឲ្យស្របទៅតាមគោល នយោបាយ ភូមិ ឃុំ មានសុវត្ថិភាពទាំង៩ ចំណុច ៕ ដោយ: សុផល។ Tel : 086 911 920