បង្ក្រាបគ្រឿងញៀនប៉ូលិសភ្លាត់ស្នៀតត្រូវអ្នកជួញដណ្តើមកាំក្លើងបាញ់របួសបន្ទាប់ពីបង្ក្រាបបានជាង១៨០គីឡូក្រាមបាន៣ថ្ងៃ
03-April-2024 / សន្តិសុខសង្គម
ភ្នំពេញ:កម្លាំងសមត្ថកិច្ចប្រឆាំងគ្រឿងញៀន អគ្គស្នងការនគរបាលជាតិភ្លាត់ស្នៀតពេល ចុះបង្ក្រាបបទល្មើសគ្រភងញៀន ត្រូវបានជនសង្ស័យដណ្តើមបានកាំភ្លើងបាញ់រះ ៥គ្រាប់ផ្ទួនៗ ផ្អើលរត់ជាន់ជើងគ្នាបណ្តាលឲ្យមនុស្ស ២នាក់រងរបួសធ្ងន់កាលពីវេលាម៉ោង ៩និង៥០នាទីព្រឹក ថ្ងៃទី០៤ ខែមករា ឆ្នាំ២០២២ នៅចំណុចផ្លូវលំ តំបន់សម្បុកគ្រឿងញៀនគោកបញ្ជាន់ ក្នុងភូមិថ្មគោល១ សង្កាត់ចោមចៅទី២ ខណ្ឌពោធិសែនជ័យ រាជធានីភ្នំពេញ។
ប្រភពព័ត៌មានពីប្រជាពលរដ្ឋបានអោយ ដឹងថា មនុស្សចំនួន ២នាក់ ដែលត្រូវគ្រាប់កាំភ្លើងមានឈ្មោះ ទេព សាវឿន ភេទស្រី អាយុ ៦៧ឆ្នាំ ស្នាក់នៅកន្លែងកើតហេតុ របួសត្រូវស្មាស្តាំ និងម្នាក់ទៀតឈ្មោះ វ៉ា ចាន់សេរីរ័ត្ន ភេទស្រី អាយុ ១៨ឆ្នាំ មុខរបរ សិស្ស ស្នាក់នៅកន្លែងកើតហេតុខាងលើ។
ប្រភពប្រជាពលរដ្ឋថា នៅក្នុងតំបន់គោកបញ្ជាន់ ក្នុងខណ្ឌពោធិសែនជ័យជាប់ចំណាត់ថ្នាក់ ល្បីខាង ជួញដូរ, ប្រេីប្រាស់គ្រឿងញៀន មិនចាញ់តំបន់បឹងឈូកនៅមុខមន្ទីរពេទ្យលោកសង្ឃកន្លងមកទេ។
កម្លាំងសមត្ថកិច្ចបង្ក្រាបគ្រឿងញៀន អគ្គស្នងការនគរបាលជាតិ ចុះមកធ្វេីការបង្ក្រាបនេះ គឺមួយក្រុមមានគ្នាប្រមាណ ៥ទៅ៦នាក់ ចុះទៅបង្ក្រាបគ្រឿងញៀននៅចំណុចខាងលើ ហេីយភ្លាត់ស្នៀត ត្រូវបានជនសង្ស័យគ្រឿងញៀនម្នាក់ឈ្មោះ ជីវ៉ា ភេទប្រុស អាយុ ៣៥ឆ្នាំ បានវាយតដៃរួចដណ្តើមកាំភ្លើងពីដៃសមត្ថកិច្ចយកមកបាញ់សំដៅលើសមត្ថកិច្ច មួយគ្រាប់ ត្រូវដៃរបួសម្នាក់ ផ្អើលឆោឡោ រួចមកជនសង្ស័យក៏រត់គេចខ្លួន។ កម្លាំងសមត្ថកិច្ចបាននាំគ្នាដេញតាមចាប់ ក៏ត្រូវបានជនសង្ស័យបាញ់រះចំនួន ៤គ្រាប់ទៀត បណ្តាលឲ្យត្រូវចំទ្វារដែកធ្លាយត្រូវស្ត្រីម្នាក់ដែលកំពុងនៅក្នុងផ្ទះ និងត្រូវចំនារីម្នាក់កំពុងអង្គុយនៅមុខផ្ទះ បណ្តាលឲ្យរងរបួសធ្ងន់ រីឯជនសង្ស័យត្រូវបានកម្លាំងសមត្ថកិច្ចចាប់ខ្លួនបាន រួចនាំគ្នាដណ្តើមយកកាំភ្លើងមកវិញ។
ក្រោយពេលចាប់ខ្លួនជនសង្ស័យ ដណ្តើមយកកាំភ្លើងបានវិញហើយ កម្លាំងសមត្ថកិច្ចបាននាំឡើងរថយន្ត គ្នាបើកយកចេញទៅអស់ដោយបន្សល់ទុកតែប្រជាពលរដ្ឋចំនួន ២នាក់រងរបួសធ្ងន់ ត្រូវបានក្រុមគ្រួសារដឹកយកទៅពេទ្យដោយគ្មានអ្នកណាទទួលខុសត្រូវ?។ហេតុអី?
សូមបញ្ជាក់ដែរ កាលពីថ្ងៃទី៣០ ខែធ្នូ ឆ្នាំ២០២១ វេលាម៉ោង ១៩និង៤៥នាទី កម្លាំងជំនាញនៃការិយាល័យប្រឆាំងគ្រឿងញៀនរាធានីភ្នំពេញក៏បាន ចុះបង្ក្រាបជាក់ស្តែងករណី “ជួញដូរ ដោយខុសច្បាប់នូវសារធាតុញៀន” ចំនួន០៣គោលដៅ ឃាត់ខ្លួនមនុស្សចំនួនម្នាក់ ជនជាតិវៀតណាម។ ក្នុងប្រតិបត្តិការនេះ ដកហូតគ្រឿងញៀនសរុបបានចំនួន១៨១គីឡូ ៣៧០ក្រាម ។
តាមរបាយការណ៍នគរបាលចេញថ្ងៃទី៤មករាបញ្ជាក់ថា គោលដៅទី១ នៅចំណុចខុនដូ ជាន់ទី៣ ផ្លូវ១០៥ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ បានឃាត់មនុស្ស ម្នាក់ឈ្មោះ Luu Tung Huy ភេទប្រុសអាយុ២៥ឆ្នាំ ជនជាតិវៀតណាម ចាប់យកវត្ថុតាងបានសារធាតុផ្សំចំនួន ៥១Kg និងរថយន្តចំនួន០១គ្រឿង។
គោលដៅទី២ នៅចំណុចខុនដូ រិស៊ីដែន១០៥ ជាន់ទី៣ បន្ទប់ R ៣០១ផ្លូវ១០៥ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ បានឃាត់មនុស្សម្នាក់ជនជាតិវៀតណាម និងគោលដៅទី៣ នៅចំណុចផ្ទះ២៨២ ផ្លូវ៤១ សង្កាត់បឹងទំពុនទី១ ខណ្ឌមានជ័យ ។ ដកហូតវត្ថុតាង: ១-គ្រឿងញៀនជាង១៣០Kg ។ជនសង្ស័យ និងវត្ថុតាងជាគ្រឿងញៀន ត្រូវបានសមត្ថកិច្ចជំនាញ បញ្ជូនទៅសាលាដំបូងរាជធានីភ្នំពេញ ដើម្បីអនុវត្តបន្តតាមនីតិវិធីច្បាប់ ។
