វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2697 នាក់
ម្សិលមិញ 10264 នាក់
សរុប 14141879 នាក់
ភ្នំពេញ៖ នារីវ័យក្មេងចំនួន៣នាក់ ស្លាប់ជាបន្តបន្ទាប់ក្រោយពីបាននាំគ្នា ជួបជុំគ្នាផឹកស្រា ក្នុងបន្ទប់ជួលជាន់ទី៣ស្ថិតនៅជិតផ្សារអ៉ីនអន ស្ថិតនៅសង្កាត់ទន្លេបាសាក់ ខណ្ឌចំកាមន បង្កការភ្ញាក់ផ្អើលកាលពីវេលាម៉ោង២រសៀល ថ្ងៃទី០២ ខែកញ្ញា ឆ្នាំ២០២១ ។
តាមប្រភពព័ត៌មានដែលទទួលបានបានឲ្យដឹងថា នៅមុនពេលកើតហេតុនារីវ័យក្មេងៗ អាយុ ១៨ ទៅ២០ឆ្នាំជាង ចំនួន៣នាក់បាននាំគ្នាទិញស្រា យកមកក្រឡុកផឹកស៊ីជុំគ្នាក្នុងបន្ទប់ជួល នៅយប់ថ្ងៃទី០១ ខែកញ្ញា ឆ្នាំ២០២១។ លុះដល់ព្រឹកថ្ងៃទី០២ ខែកញ្ញា នារីម្នាក់ក្នុងចំណោមអ្នកផឹកជុំគ្នា បានធ្វើដំណើរទៅស្រុកកំណើត នៅអ្នកលឿង ខេត្តព្រៃវែង ។ទៅដល់ស្រុកកំណើតមិនបានប៉ុន្មានម៉ោងផងនោះ ចេះតែពិបាកក្នុងខ្លួន ក៏បានប្រាប់អ្នកផ្ទះថាខ្លួនបានផឹកស្រាក្រឡុក រួចបានដាច់ខ្យល់ស្លាប់តែម្ដង។
ក្រោយពេលកើតហេតុបែបនេះ សាច់ញាតិបានទាក់ទងប្រាប់មកនារី២នាក់ទៀតដែលនៅភ្នំពេញ ថានារីម្នាក់ដែលផឹកជុំគ្នារួចទៅខេត្តនោះស្លាប់ ។អ្នកទាំង២នាក់ជាមិត្តភក្រ័ ក៏បានប្រាប់ថាខ្លួនក៏ពិបាកក្នុងខ្លួនណាស់ដែរ។រហូតដល់វេលាម៉ោងជាង១១ថ្ងៃត្រង់អ្នកនៅខេត្តព្រៃបានធ្វើការទាក់ទងមកបន្តទៀតស្រាប់តែទូរស័ព្ទលែងមានអ្នកទទួល ដោយមានការសង្ស័យ សាច់ញាតិអ្នកទាំង២ក៏បានឡើងមកភ្នំពេញដល់បន្ទុបជួលក៏បើកទ្វារឃើញដេកស្លាប់ទាំង២នាក់តែម្ដង។ក្រោយពីពិនិត្យ ពីគ្រូពេទ្យ បានឱ្យដឹងថា នេះគឺជាករណីផឹកស្រាថ្នាំ លាយជាមួយគ្រឿងកំប៉ុង លើសកម្រិត (កំរិតមេតាណុលខ្ពស់ ធ្វើឱ្យគាំងបេះដូង) មួយយួរ ១២ដប។ ក្នុងនោះ នារីទាំងបីនាក់នោះ ផឹកអស់១១ដប សល់ត្រឹមមួយដប។ កម្លាំងសមត្ថកិច្ចមូលដ្ឋានខណ្ឌចំការមននិងជំនាញកោសល្យវិច្ឆ័យ ចុះ ត្រួតពិនិត្យ និងប្រគល់សពជូនសាច់ញាតិធ្វើបុណ្យតាមប្រពៃណី៕