វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7625 នាក់
ម្សិលមិញ 8227 នាក់
សរុប 14134506 នាក់
បាត់ដំបង៖ រថយន្តដឹកឥដ្ឋមួយគ្រឿងបើកចុះពីចំណោតភ្នំ ហ្វាំងមិនស៊ីក្រឡាប់ជាច្រើនត្រឡប់បណ្តាលឲ្យរបួសធ្ងន់ និងស្រាល៥នាក់ នៅថ្ងៃទី៤ ខែឧសភា ឆ្នាំ២០២១ ត្រង់កំណាត់ផ្លូវជាតិលេខ៥៩ ក្នុងភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង ។
លោក ផាន់ ស្រស់ នាយប៉ុស្តិ៍រដ្ឋបាលអូររំដួល បានអោយដឹងកាសែតដឹងថា រថយន្តម៉ាកហ៊ីយ៉ាន់ដាយពណ៌ស ពាក់ស្លាកលេខ ញ ០៤៤៧ ភព៣ បានធ្វើដំណើរក្នុងល្បឿនលឿន ដល់ចំណុចផ្លូវកោង និងចុះចំណោតភ្នំ នៃភ្នំព្រឹកក៏ច្រឡោតជ្រុលទៅមុខលឿនអ្នកបើកបរបានជាន់ហ្វ្រាំងដែរតែមិនជាប់ ក៏ក្រឡាប់ជាច្រើនត្រឡប់បណ្តាលមនុស្សចំនួន៤នាក់រងរបួសធ្ងន់ និងម្នាក់ទៀតរងរបួសស្រាល ។
សមត្តកិច្ចឱ្យដឹងថា អ្នកបើកបររថយន្តហ៊ីយ៉ាន់ដាយនោះមានឈ្មោះ សួ ម៉ៃ ភេទប្រុស អាយុ២៨ឆ្នាំ រងរបួសស្រាល ចំណែកអ្នករួមដំណើរចំនួន៤នាក់ផ្សេងទៀតមានឈ្មោះ រ៉ាត ភេទប្រុស អាយុប្រហែល៤០ឆ្នាំ របួសធ្ងន់ ឈ្មោះ ឡា ភេទប្រុស អាយុ១៧ឆ្នាំ របួសធ្ងន់ ឈ្មោះ បឿត សាវង្ស ភេទស្រី អាយុ៣០ឆ្នាំ របួសធ្ងន់ និងឈ្មោះ ព្រាម ត្រប់ ភេទប្រុស អាយុ៣៣ឆ្នាំ របួសស្រាល ជនរងគ្រោះទាំងអស់គ្នា រស់នៅភូមិកោ ឃុំត្របាត ស្រុកក្រឡាញ់ ខេត្តសៀមរាប ។សមត្ថកិច្ចមូលដ្ឋានបានចុះជួយនាំជនរងគ្រោះទាំងប្រាំនាក់ ដឹកយកទៅព្យាបាលរបួស នៅឯមន្ទីរពេទ្យបង្អែកស្រុកសំពៅលូន ខេត្តបាត់ដំបង