វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 972 នាក់
ម្សិលមិញ 10264 នាក់
សរុប 14140154 នាក់
ភ្នំពេញ៖ ក្នុងកិច្ចប្រជុំវិសាមញ្ញលើកទីមួយរបស់ក្រុមប្រឹក្សារាជធានីភ្នំពេញ ក្រោមវត្តមានរបស់ លោកប៉ា សុជាតិវង្ស ប្រធានក្រុមប្រឹក្សារាជធានីភ្នំពេញនិងលោក ឃួង ស្រេង អភិបាលរាជធានីភ្នំពេញ នាព្រឹកថ្ងៃទី២៥ខែវិច្ឆិកា ឆ្នាំ២០២០ នេះបានផ្ដោតសំខាន់ទៅលើការដោះស្រាយបញ្ហាទឹកលិចលង់នៅក្នុងរាជធានីភ្នំពេញ ដើម្បីធ្វើយ៉ាងណាដោះស្រាយបញ្ហានេះឲ្យបានល្អប្រសើរសម្រាប់ឆ្នាំក្រោយៗទៀត។
លោក ឃួង ស្រេង អភិបាលរាជធានីភ្នំពេញ បានលើកឡើងថា រដ្ឋបាលរាជធានីភ្នំពេញ បាននិងកំពុង មានវិធានការទៅលើការដោះស្រាយនូវបញ្ហាការ
លិចលង់ដោយទឹកជំនន់នៅក្នុងរាជធានីភ្នំពេញ ក្នុងនោះ យើងបាននិងកំពុងទប់ទំនប់សណ្តស្ទឹងព្រែកត្នោតឲ្យបានខ្ពស់ ហើយការងារនេះយើងបានសុំគោលការទៅរាជរដ្ឋាភិបាល ដើម្បីពន្លឿនការងារ នេះឲ្យបានលឿន កាត់បន្ថយបាននូវហានិភ័យរបស់បងប្អូនប្រជាពលរដ្ឋ ព្រោះថាការលិចលង់ដោយទឹកជំនន់នេះ មានហានិភ័យខ្ពស់ណាស់សម្រាប់បងប្អូនប្រជាពលរដ្ឋ។
លោកប៉ា សុជាតិវង្ស ក្នុងឱកាសនោះក៏បានមានប្រសាសន៍ថា បញ្ហាលិចលង់នេះគឺជារឿងធំមួយដែលយើងត្រូវរួមគ្នាធ្វើការដោះស្រាយធ្វើយ៉ាងណាឱ្យបានប្រសើរ ជៀសវាងនូវការលិចលង់ដោយទឹកជំនន់ ។លោក ស ក៏បានការកោតសរសើរផងដែរ ចំពោះ អភិបាល ខណ្ឌ កងកម្លាំងប្រដាប់អាវុធមន្ទីរអង្គភាពជំនាញពាក់ព័ន្ធនឹងមន្ត្រីចំណុះឲ្យរដ្ឋបាលរាជធានីភ្នំពេញទាំងអស់ដែលបានខិតខំជួយសង្គ្រោះប្រជាពលរដ្ឋដែលរងគ្រោះដោយទឹកជំនន់កន្លងមកបានទាន់ពេលវេលា ។
លោកបានសម្តែងការកោតសរសើរដល់ការដឹកនាំនិងការខិតខំប្រឹងប្រែងខិតខំជំនៈការលំបាកក្នុងការប្រមូលដឹកសំរាមចេញពីទីក្រុង ក្នុងរយៈពេលដែលកម្មករក្រុមហ៊ុនស៊ីនទ្រីធ្វើកូដកម្ម ព្រមទាំងបានធ្វើចលនាឲ្យកម្មករក្រុមហ៊ុនស៊ីនទ្រីចូលធ្វើការឡើងវិញ ។លោកប៉ា សុជាតិវង្ស ក៏បានអគុណដល់ រដ្ឋបាលរាជធានីភ្នំពេញ ដែលបានយកចិត្តទុកដាក់ចុះជំរុញនិងប្រជុំដកបទពិសោធន៍ការងារសមាគមមនុស្សចាស់តាមស្មារតីនៃកិច្ចប្រជុំសាមញ្ញក្រុមប្រឹក្សារាជធានីភ្នំពេញខណ្ឌអាណត្តិទី៣លើកទី ១៤នៅថ្ងៃទី៩ខែកក្កដាឆ្នាំ២០២០។