ហ្វុនស៊ិនប៉ិចបញ្ជូនអគ្គលេខាធិការគណបក្សចូលរួមវេទីការរដ្ឋាភិបាលហ៊ុនសែនជាមួយគណបក្សនយោបាយចាញ់ឆ្នោត!
26-February-2023 / ផ្សេងៗ
ភ្នំពេញ៖ផ្ទុយពីមេដឹកនាំគណបក្សប្រជាធិបតេយ្យមូលដ្ឋានដែលប្រកាសមិនចូលរួមវេទិការគណបក្សនយោបាយនិងមិនទទួលយកតំណែងដែលរាជរដ្ឋាភិបាលសម្តេចហ៊ុនសែនអាណត្តិទី៦ប្រគល់ឲ្យនោះមេដឹកនាំគនបក្សហ្វុនស៊ិនប៉ិចបានប្រកាសចូលរួម។
លោកសាមអ៊ីនអនុប្រធានគបក្សប្រជាធិបតេយ្យមូលដ្ឋានបានបានប្រាប់កាសែតពីជំហរនេះដោយមូលហេតុថារាជរដ្ឋាភិបាលថ្មីមិនទាន់ប្រកាសចេញនិងមិនដឹងថាជំហរកិច្ចប្រជុំចង់បានអ្វីផងព្រោះមិនបានជជែកគ្នាមុន។
លោកណុប សុធារិទ្ធ អ្នកនាំពាក្យគណបក្សហ្វ៊ុនស៊ិនប៉ិច បានឱ្យកាសេតដឹងនៅព្រឹកថ្ងៃទី១៩ ខែសីហាឆ្នាំ២០១៨ នេះថាតាមការចាត់តាំង ព្រះអង្គម្ចាស់ នរោត្តម ចក្រាវុឌ្ឍ ប្រធានស្តីទីគណបក្សហ្វ៊ុនស៊ិនប៉ិចលោក ពេជ្រ សុជេថ្ថា អគ្គលេខាធិការប្រតិបត្តិគណបក្សហ្វ៊ុនស៊ិនប៉ិច នឹងបង្ហាញខ្លួនជាលើកដំបូង នៅក្នុងវេទិកាពិគ្រោះយោបល់(រវាងគណបក្សចាញ់ឆ្នោត)ជាមួយរាជរដ្ឋាភិបាល(គណបក្សប្រជាជន) នាថ្ងៃទី២១ ខែសីហា ឆ្នាំ២០១៨ខាងមុខនេះ នៅវិមានសន្តិភាព។
សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ្វ៊ុនស៊ិនប៉ិច បានតែងតាំងព្រះរាជបុត្រាច្បងរបស់ព្រះអង្គ គឺព្រះអង្គម្ចាស់ នរោត្តម ចក្រាវុឌ្ឍ ជាព្រះប្រធានស្តីទីគណបក្សហ្វ៊ុនស៊ិនប៉ិច និងលោក ពេជ្រ សូជេដ្ឋា ជាអគ្គលេខាធិការប្រតិបត្តិ។ កាលពីថ្ងៃទី៨ ខែសីហា ឆ្នាំ២០១៨ដែលក្នុងថ្ងៃនោះដែលសម្តេចក្រុមព្រះនរោត្តមរណរិទ្ធបានដកចោលដូចស្ពៃនូវអនុប្រធានគនបក្សហ្វុនស៊ិនប៉ិចចំនួន៣នាក់ពីអនុប្រធានគណបក្សដោយយកទៅដាក់នៅតំណែងខ្យល់គឺសមាជិកក្រុមពឹទ្ធាចារ្យគណបក្សហ្វុនស៊ិនប៉ិចវិញ។
តែនៅថ្ងៃទី១៨សីហាអតីតអនុប្រធានគណបក្សហ្វុនស៊ិនប៉ិចចំនួន៣រូបគឺលោកយូហុកគ្រីលោកញ៉េបប៊ុនជិនលោកប៉ោប៊ុនស្រឹបានបដិសេធមិនទទួលយកតំណែងខ្យល់នោះតេគឹសុំនៅជាមាជិកបក្សធម្មតាវិញ។ដូចគ្នាដែរលោកយឹមសាវីដែលទើបតែងតាំងដោយមិនចាំបាច់សមាជគណបក្សក៏បានបដិសេធមិនទទួលយកទួនាទីជាអនុប្រធានគណបក្សហ្វ៊ុនស៊ិនប៉ិចដែរ។
សូមបញ្ជាក់ថា៖បើយោងតាមសេចក្ដីសម្រេចបានបញ្ជាក់ថា ព្រះប្រធានស្ដីទីគណបក្ស និងអគ្គលេខាធិការប្រតិបត្តិគណបក្សហ្វ៊ុនស៊ិនប៉ិច មានភារកិច្ច និងសិទ្ធិដូចតទៅៈ ព្រះប្រធានស្ដីទីគណបក្សដឹកនាំ ចាត់ចែង សម្រេចរាល់ការងារគណបក្សហ្វ៊ុនស៊ិនប៉ិច ឲ្យមានប្រសិទ្ធភាពខ្ពស់ នៅពេលអវត្តមានព្រះប្រធានគណបក្សក្នុងពេលសម្រាកព្យាបាលជំងឺ។
អគ្គលេខាធិការប្រតិបត្តិដឹកនាំ ចាត់ចែង មានភារកិច្ចដឹកនាំ ចាត់ចែង សម្រេចរាល់ការងាររបស់អគ្គលេខាធិការដ្ឋានគណបក្សហ្វ៊ុនស៊ិចប៉ិច ឲ្យមានប្រសិទ្ធភាពខ្ពស់។ ព្រះប្រធានស្ដីទីគណបក្សមានសិទ្ធសម្រេចកែសម្រួល ផ្លាស់ប្ដូរ តែងតាំងសមាសភាពនានាតាមការចាំបាច់ និងមានសិទ្ធិអនុវត្តន៍រាល់ការងារផ្សេងៗ ដូចមានចែងក្នុងលក្ខន្តិកៈគណបក្សហ្វ៊ុនស៊ិនប៉ិច។
ព្រះអង្គម្ចាស់ នរោត្តម ចក្រាវុឌ្ឍ គឺជាព្រះរាជបុត្រាច្បងរបស់សម្តេចក្រុមព្រះ នរោត្តម រណឫទ្ធិ និងព្រះអង្គម្ចាស់ក្សត្រិយ៍ ម៉ារី រណឫទ្ធិ។
ព្រះអង្គម្ចាស់ នរោត្តម ចក្រាវុឌ្ឍ មានព្រះជន្មជាង ៤០ឆ្នាំ។មកដល់ពេលនេះមិនទាន់ដឹងថាមានគណបក្សប៉ុន្មានទៀតគ្នុងចំណោមគណបក្សដែលនៅសល់ចំនួន១៨ទៀតប្រកាសចូលរួមក្នុងវេទិការនោះនៅឡើយ។តែយ៉ាងណាគេជឿថាគនបក្សយុវជនកម្ពុជារបស់លោកពេជ្រស្រស់គណបក្សខ្មែរអភិវឌ្ឍន៍សេដ្ឋកិច្ចរបស់លោកហួនរាជចំរើនច្បាស់ជាមានវត្តមានជាមិនខាន៕
