វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2731 នាក់
ម្សិលមិញ 10264 នាក់
សរុប 14141913 នាក់
បាត់ដំបង៖នៅវេលាម៉ោងជាង ៨យប់ថ្ងៃទី៣០ ខែសីហា ឆ្នាំ២០២០នេះ អគ្គិភ័យដែលឆាបឆេះផ្សារធំក្រុងបាត់ដំបងត្រូវបានពន្លត់ឱ្យរលត់ទាំងស្រុងហើយ ។ លោក ងួន រតនៈអភិបាលខេត្តបាត់ដំបង បាន ដឹកនាំកម្លាំងប្រតិបត្តិការពន្លត់អគ្គិភ័យឆាបឆេះផ្សារធំ ហៅផ្សារណាត់ខេត្តបាត់ដំបងបានឧយដឹងថាអគ្គិភ័យបានឆាបឆេះនៅវេលាម៉ោងប្រមាណ ៦ល្ងាចថ្ងៃទី៣០ ខែសីហា ឆ្នាំ២០២០។
អគ្គិភ័យផ្តើមចេញពីការទុស្សេចរន្តអគ្គិសនីនៅតាមតូបលក់ដូរក្នុងផ្សារ ប៉ុន្តែក្រោយប្រតិបត្តិការញាប់ដៃញាប់ជើងរយៈពេលជាងពីរម៉ោងអគ្គិភ័យត្រូវបានពន្លត់រលត់ទៅវិញទាំងស្រុង ។ទោះជាយ៉ាងណាមានតូបប្រមាណជា ៥០តូប បានរងការឆាបឆេះ ។
អាជ្ញាធរមិនទាន់អាចបូកសរុប ទំហំនៃការខូចខាតបណ្តាលពីអគ្គិភ័យនេះនៅឡើយ ខណៈប្រតិបត្តិការពន្លត់នេះ បានប្រើប្រាស់ទឹកអស់ប្រមាណជា ៣០រថយន្ត។សូមបញ្ជាក់ថាផ្សារណាត់ខេត្តបាត់ដំបងជាផ្សារមានអាយុកាលប្អូនផ្សារធំថ្មីភ្នំពេញ៩ឆ្នាំប៉ុនណោះ។