វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4768 នាក់
ម្សិលមិញ 4292 នាក់
សរុប 14114467 នាក់
បន្ទាយមានជ័យ៖បុរស២នាក់ ត្រូវបានជនមិនស្គាល់មុខលួចចូលកាប់ប្រហារទាំងកណ្ដាលអាធ្រាត្រដល់បន្ទប់ជួល បណ្តាលឲ្យម្នាក់ស្លាប់យ៉ាងអាណោចអាធ័ម និងម្នាក់ទៀតរងរបួសធ្ងន់ហើយជនដៃដល់ បានរត់គេចខ្លួនបាត់កាលពីវេលាម៉ោង៣រំលងអធ្រាត្រឈានចូលថ្ងៃអាទិត្យទី២១ ខែមីនា ឆ្នាំ២០២១ នៅចំណុចផ្ទះជួល ស្ថិតក្នុងភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ។
លោកឧត្តមសេនីយ៍ត្រី នូ ជីវ័ន្ត ស្នងការរងនគរបាលខេត្តបន្ទាយមានជ័យ បានឲ្យដឹងថា ជនរងគ្រោះស្លាប់នៅនឹងកន្លែងកើតហេតុមានឈ្មោះ ឈីវ ហាក់ ភេទប្រុស អាយុ៣៨ឆ្នាំ មុខរបរជាងដែក ស្នាក់នៅធ្វើការក្នុងស្រុកស្វាយចេក និងមានស្រុកកំណើតក្នុងភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង ព្រមទាំងមានប្រពន្ធឈ្មោះ យុង ណី អាយ៣០ឆ្នាំ ។ ឯជនរងគ្រោះម្នាក់ទៀត រងរបួសធ្ងន់ធ្ងរដោយសន្លប់មិនទាន់ដឹងខ្លួនទេ នៅមិនទាន់ស្គាល់អត្តសញ្ញាណនៅឡើយទេ។
កម្លាំងនគរបាលជំនាញសហការការជាមួយកម្លាំងកងរាជអាវុធហត្ថខេត្ត និងមន្ត្រីសុខាភិបាល ចុះពិនិត្យកន្លែងកើតហេតុជាក់ស្តែងឃើញថា ជនរងគ្រោះត្រូវជនដៃដល់កាប់ចំកញ្ចឹង.កខាងក្រោយប្រហែងជាង១តឹក ទើបបណ្តាលឲ្យរងរបួសធ្ងន់របស់ដល់បាត់បង់ជីវិតក្បែរម៉ូតូ និងម្នាក់ទៀតកាប់ចំក្បាល បណ្តាលឲ្យរងរបួសធ្ងន់សន្លប់មិនទាន់ដឹងខ្លួននោះឡើយ បច្ចុប្បន្នកំពុងសង្គ្រោះបន្ទាន់នៅមន្ទីរពេទ្យមិត្តភាពកម្ពុជា-ជប៉ុនមង្គលបូរី។
លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក៏បានឲ្យដឹងនៅថ្ងៃនេះដែរថា ករណីកាប់សម្លាប់គ្នាបណ្តាលឲ្យមានអ្នកស្លាប់ និងម្នាក់ទៀតរបួសធ្ងន់នេះ នៅមិនទាន់ដឹងមូលហេតុច្បាស់លាស់នៅឡើយទេ។ ប៉ុន្តែអាចដឹងព័ត៌មានខ្លះៗ ព្រោះសង្ស័យជនរងគ្រោះមានគ្នា២ទៅ៣នាក់ជិះម៉ូតូម៉ាកហុងដាឌ្រីម ពាក់ស្លាកលេខបន្ទាយមានជ័យ 1T.4518 ចូលក្នុងផ្ទះជួល ក៏ស្រាប់តែត្រូវបានជនដៃដល់ លួចធ្វើសកម្មភាពកាប់ប្រហារតែម្តង។ បច្ចុប្បន្នកម្លាំងជំនាញចុះពិនិត្យកន្លែងកើតហេតុ គឺម្ចាស់ផ្ទះជួលបានគេចខ្លួនបាត់ ចំណែកអ្នកស្នាក់នៅប្រមាណជាង១០បន្ទប់នោះក៏នាំគេចខ្លួនបាត់អស់ទៀត។ ចំណែកសាកសព កម្លាំងជំនាញកំពុងពិនិត្យ និងទំនាក់ទំនងទៅគ្រួសារសាច់ញាតិ ដើម្បីទទួលយកសពទៅធ្វើបុណ្យតាមប្រពៃណី។