» សម្តេចធិបតី ហ៊ុន ម៉ាណែត៖ រដ្ឋសម្រេចផ្តល់ថវិកាដើម្បីធ្វើទំនើបកម្មវិស័យសុខាភិបាលជាអាទិភាពសម្រាប់សង្រ្គោះជីវិតមនុស្ស » មេអាមេរិកចិនរុស្ស៊ី ញញឹមចាប់ដៃគ្នាយ៉ាងស្និទ្ធស្នាល តែទទួលបានផលតិចតួច ដល់ពិភពលោក? » បន្ទាប់ពីកម្មកររោងចក្រ ខេមបូ យូនីសូល (Cambo Unisoll)ជិត២០០០នាក់ ធ្វើបាតុកម្ម២ថ្ងៃការចរចាបានសះជា » ប្រធានគណៈចលនាសាសនិកឥស្លាមខេត្តកំពង់ឆ្នាំងនាំយកអំណៅយជូនស្រីខ្មែរឥស្លាមក្រីក្រម្នាក់ ដែលបានសម្រាលកូនភ្លោះប្រុសពីរ » អង្គការឃ្លាំមើលសិទ្ធិមនុស្ស Human Rights Watchជម្រុញកម្ពុជាឲ្យស៊ើបអង្កេតរឿងឃាតកម្មលោកលឹមគឹមយ៉ា! » ព្រះរាជក្រឹត្យថ្មីមន្ត្រីពន្ធនាគារទាំងអស់ចូលនីវត្តន៍នៅអាយុ៦០ឆ្នាំដូចមន្ត្រីរាជការស៊ីវិលដែរ » លោក ម៉ាក្រុន ឲ្យដឹងថា«ព្រះវិស្ណុផ្ទំ»នៃប្រសាទមេបុណ្យតាំង នៅសារមន្ទីរ Guimet បានទាក់ទាញមនុស្សរាប់ម៉ឺននាក់ ឱ្យស្គាល់អរិយធម៌កម្ពុជា » ឡានសាមុយ មន្ទីរសុខាភិបាល ខេត្តមណ្ឌលគិរី ជួបគ្រោះថ្នាក់ចរាចរណ៍នៅចំណុចផ្លូវចូល ព្រលានយន្តហោះ ក្នុងស្រុកអូរាំងស្លាប់៣ » ក្នុងនាមជាម្ចាស់ផ្ទះកិច្ចប្រជុំអង្គការអន្តរជាតិហ្វ្រង់កូហ្វូនី(OIF)លើកទី២០កម្ពុជាបញ្ជៀសបានជោគជ័យបញ្ហាទំនាស់គ្នារឿងតួនាទីអគ្គលេខាធិការ! » អាជ្ញាធរខណ្ឌពោធិសែនជ័យចុះបិទគ្លីនិក«ផេង សុវណ្ណារ័ត្ន»បន្ទាប់ពីមានកុមារីម្នាក់ស្លាប់ » ប្រធានាធិបតីអាមេរិកលើកចំពោះមុខមេដឹកនាំអាស៊ានពីតម្រូវការអនុវត្តន៍បទឈប់បាញ់រវាងថៃកម្ពុជា » បើកការជម្រឿនមន្ទ្រីនគរបាលរដ្ឋមន្ត្រីក្រសួងមហាផ្ទៃ បង្ហើបពីការរកឃើញនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ! » កម្ពុជា មានការសោកស្តាយ និងព្រួយបារម្ភចំពោះផលប៉ះពាល់ថ្មីៗដោយសំណល់ជាតិផ្ទុះ ដែលយោធាថៃបានបន្សល់ទុក នៅក្នុងខេត្តចំនួន ៧ តាមបណ្តោយព្រំដែន » អភិបាលក្រុង METZ ប្រទេសបារាំង ចុះពិនិត្យមើលស្ថានភាព នៃការរស់នៅរបស់បងប្អូនភៀសសឹកទាំង៦ភូមិ នៅភូមិរង់ចាំខេត្តបន្ទាយមានជ័យ » ឧត្តមសេនីយ៍ទោ សេង ធារិន មេបង្ក្រាបអរគុណ និងសរសើរកូនចៅពីការបង្ក្រាបបទល្មើសនេសាទលើផ្ទៃបឹងទន្លេសាប

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2156 នាក់

ម្សិលមិញ 14622 នាក់

សរុប 21238705 នាក់

គណបក្ស​របស់​នាយក​រដ្ឋមន្ត្រី​ថៃ​ថ្មី នឹង​ជម្រុះ​គណបក្ស​គាំទ្រ​ដោយ​យោធា​មួយ ចេញពី​រដ្ឋាភិបាលចម្រុះ


​ប្រទេស​ថៃ​៖ គណបក្ស​ភឿ​ថៃ​( Pheu Thai) នឹង​ដក​គណបក្ស​ផា​ឡាង​ប្រ​ឆា​រ៉ា​ត​( Palang Pracharat) គាំទ្រ​ដោយ​យោធា​ថៃ ចេញពី​ក្រុមចម្រុះ​របស់ខ្លួន នៅពេល​បង្កើត​រដ្ឋាភិបាល​ថ្មី​ដែល ជា​សញ្ញា​មួយ​បង្ហាញ​ពី ភាព​ប្រេះឆា នៅក្នុង​ក្រុមចម្រុះ​រវាង​គណបក្ស​ដែល​ធ្លាប់ជា​គូប្រជែង​ដ៏​នឹង​គ្នា​ទាំង​២​។ នេះ​បើតាម​ការចេញផ្សាយ​ដោយ​ទីភ្នាក់ងារសារព័ត៌មាន Reuters​។​a thai paytong 

​ការសម្រេចចិត្ត​បែបនេះ​កើតមានឡើង បន្ទាប់ពី​ក្រុម​អ្នកតំណាងរាស្ត្រ​មកពី​គណបក្ស​ភឿ​ថៃ​( Pheu Thai) បាន​បញ្ចេញ​ប្រតិកម្ម​ខឹងសម្បារ​ទៅនឹង​មេដឹកនាំ​គណបក្ស Palang Pracharat គឺ​លោក​ប្រា​វីត​វង់​ស៊ូ​វ៉ាន​( Prawit Wongsuwan) ដែលជា​ឧ​ត្ត​ម​សេនីយ៍​ម្នាក់​ធ្លាប់​ចូលរួម​ក្នុង​រដ្ឋប្រហារ​រដ្ឋាភិបាល​ដឹកនាំ​ដោយ​គណបក្ស Pheu Thai មិនបាន​បង្ហាញ ការគាំទ្រ​ក្នុង ការបោះឆ្នោត​របស់​រដ្ឋ​សភា​ថៃ ដើម្បី​ជ្រើសរើស​តាំង​អ្នកស្រី​ប៉ៃ​តង​តាន​ស៊ីណាវ៉ាត្រា​( Paetongtarn Shinawatra) ជា​នាយករដ្ឋមន្ត្រី​ថ្មី​របស់​ថៃ​។​

​ថ្លែងប្រាប់ Reuters កាលពី​ថ្ងៃ​អង្គារ ទី​២៧ ខែសីហា លោក​សូ​រ៉ា​វង់​ធៀង​ថង​( Sorawong Thienthong) ជា​អគ្គលេខាធិការ​របស់​គ​ណ​បក្ស​ភឿ​ថៃ​( Pheu Thai )​បាន​គូសបញ្ជាក់​ដូច្នេះ​ថា «​គណបក្ស Palang Pracharat នឹងមិន​ចូលរួម​ក្នុង​ការបង្កើត​រដ្ឋាភិបាល​នោះទេ​»​។ ការសម្រេចចិត្ត​របស់​គណបក្ស Pheu Thai នឹង​ធ្វើឱ្យ​ក្រុមចម្រុះ​ទាំង​១១​គណបក្ស បាត់បង់​អាសនៈ​ខ្លះ​នៅក្នុង​សភា​ជាទី ដែល​គណបក្ស Palang Pracharat មាន​អាសនៈ​នៅក្នុង​ដៃ​ចំនួន​៤០​។ ប៉ុន្តែ លោក Sorawong ជឿជាក់ថា​ក្រុមចម្រុះ​របស់ Pheu Thai នឹង​នៅតែ​អាច​រក្សាបាន​នូវ​អាសនៈ​លើស ៣០០​អាសនៈ ក្នុងចំណោម​អាសនៈ​រដ្ឋសភា​ស​សរុប ៥០០​។​

​ជា​ប្រតិកម្ម​តបត អ្នកនាំពាក្យ​គណបក្ស Palang Pracharat បាន​និយាយថា​គណបក្ស Pheu Thai មិនបាន​ជូនដំណឹង​ជាមុន​អំពី​ការសម្រេចចិត្ត​ខាងលើ​នោះទេ ដែល​នេះ​ជា​ទង្វើ​បំពាន​លើ​កិច្ចព្រមព្រៀង​រវាង​គណ​បក្ស​ទាំង​២​។ «​គ្រប់​តំណាងរាស្ត្រ​របស់​គណបក្ស Palang Pracharat លើកលែងតែ​មេដឹកនាំ​របស់​យើង (Prawit) បាន​បោះឆ្នោត ជ្រើសតាំង​នាយករដ្ឋមន្ត្រី​...​ហើយ​នេះ​ការធ្វើ​តាម​ពាក្យសន្យា​របស់​ពួកគេ​»​។ នេះ​ជាការ​បញ្ជាក់បន្ថែម​រប​ស់​អ្នកនាំពាក្យ​គណបក្ស Palang Pracharat ឈ្មោះ Piya Tavichai​។​

​សូមជម្រាបថា គណបក្ស Palang Pracharath Party (PPP) របស់លោក​ឧ​ត្ត​ម​សេនីយ៍​ប្រា​វី​ៅ​ត​វង់​ស៊ូ​វ៉ាន​( Prawit Wongsuwan) អតីត​ឧបនាយករដ្ឋមន្ត្រី​និង​ជា​រដ្ឋមន្ត្រី​ក្រសួងមហាផ្ទៃ​ថៃ បាន​រង​នូវ​ភាព​រង្គោះរង្គើរ​យ៉ាងខ្លាំង បន្ទាប់ពី​អគ្គលេខាធិការ​គណបក្ស​ប្រកាស​លាលែង និង​ក្រោយពេល​២​ថ្ងៃ​ប៉ុណ្ណោះ​ដែល​លោក Prawit ប្រើ​ហិង្សា​លើ​អ្នកសារព័ត៌មាន​ជា​ស្ត្រី​នៅ​ថ្ងៃ​បោះឆ្នោត​ជ្រើសរើស​នាយករដ្ឋមន្ត្រី​ថ្មី​។​

​លោ​កថា​ម៉ា​ណាត​ពី​ម​ប៉ាវ​( Thammanat Peompao )​បានប្រកាស​លាលែង​ពី​តួនាទី​ជា​អគ្គលេខាធិការ​គណបក្ស PPP និង​ត្រូវបាន​គេ​រាយការណ៍​ថា ប្រុង​ទៅ​ចូលរួម​ជាមួយ​គណបក្ស​ថ្មី គឺ​គណបក្ស Kla Tham (Kla Dhamma) ដឹកនាំ​ដោយ​លោកស្រី​ណា​រូ​ម៉ន​ពិន​យូ​ស៊ី​វ៉ាត​( Narumon Pinyosinwat) ដែល​ទើប​ចាក​ចេញពី​គណបក្ស Palang Pracharath នោះដែរ​។​​ការប្រកាស​របស់លោក Thammanat ធ្វើឡើង​បន្ទាប់ពី​មាន​ពាក្យ​ច​ចាម​រ៉ា​ម​ជុំវិញ​ទំនាស់​ជាមួយ ឧ​ត្ត​ម​សេនីយ៍ Prawit ជុំវិញ​ការ​តែង​តែង​ក្នុងគណៈ​រដ្ឋមន្ត្រី​ថ្មី​។ ក្នុងពេល​ជាមួយគ្នានេះ មាន​សេចក្តីរាយការណ៍​ថា សមាជិក​១៨​រូប​ផ្សេងទៀត​នឹង​លាឈប់​ដូចគ្នា​ទៅតាម​លោក Thammanat ទៅ​ចូលរួម​ជាមួយ​គណបក្ស​ថ្មី​។​

​គួរ​បញ្ជាក់ថា អ្នកស្រី Paetongtarn ដែលជា​នាយករដ្ឋមន្ត្រី​ជំនា​ន់ទី​៣ នៃ​ត្រកូល Shinawatra កំពុងស្ថិត​នៅក្នុង​នីតិវិធី​បង្កើត​រដ្ឋាភិបាល​ថ្មី និង​ត្រូវបាន​គេ​រំពឹងថា​នឹង​បញ្ចេញ សមាសភាព​គណៈរដ្ឋមន្ត្រី និង​គោលនយោបាយ​របស់​រដ្ឋា​ភិ​បាល​របស់​អ្នកស្រី នៅ​ពាក់កណ្ដាល​ខែកញ្ញា​ខាងមុខ​។​​ទោះបីយ៉ាងណា​ក៏មាន​សេចក្តីរាយការណ៍​ថា មានការ​ផ្តិតមេដៃ​ទាមទារ​ឲ្យ​គណៈកម្មាធិការ​រៀបចំ​កា​របោះ​ឆ្នោត​ដាក់ពាក្យ​បណ្តឹង​ទៅ​តុលាការ​ធម្មនុញ្ញ​ដើម្បី​សម្រេច​រំលាយ​គណបក្ស​ភឿ​ថៃ ដែល​ថ្នាក់ដឹកនាំ​បក្ស​នេះ​គឺ​អ្នកស្រី ផែ​ថង​ថា​ន ស៊ីណាវ៉ាត្រា (Paetongtarn Shinawatra) ទើប​ជាប់ឆ្នោត​ក្នុង​រដ្ឋសភា​សម្រាប់​ដឹកនាំ​រដ្ឋាភិបាល​ថ្មី​ដែល​មិនទាន់បាន​បង្កើត​គណៈរ​ដ្ឋ​មន្ត្រី​ថ្មី​នៅឡើយ​។​

​ការ​ផ្តិតមេដៃ​នេះ​មិនត្រូវ​បានបង្ហាញ​អ្នក​នៅ​ពីក្រោយ​រឿងនេះ​សម្រាប់​ការដឹកនាំ​ធ្វើ​នៅឡើយ​ទេ ប៉ុន្តែ​មានការ​វិភាគ​ខ្លះ​ថា ដោយសារ​តែមាន​ការមិន​ពេញចិត្ត​ចំពោះ​លោក​ថាក់ស៊ីន ស៊ីណាវ៉ាត្រា ដែលជា​ឪពុក​របស់​នាយករដ្ឋមន្ត្រី​ថ្មី ព្រមទាំង​បង្ហាញ​មុខមាត់​ជា​សាធារណៈ ក្រោយ​កូនស្រី​របស់ខ្លួន​ដែល​ជាប់ឆ្នោត​ក្នុង​រដ្ឋសភា​សម្រាប់​ដឹកនាំ​ក្បាលម៉ាស៊ីន​រដ្ឋាភិបាល​ថ្មី​។​

​តាម​សេចក្តីរាយការណ៍​របស់​សារព័ត៌មាន​ថៃ The Nation ញត្តិ​នេះ​ត្រូវបាន​គេ​រាយការណ៍​ថា បាន​ជំរុញ​ឱ្យ​គណៈកម្មការ​រៀបចំ​ការ​បោះឆ្នោត (EC) របស់​ប្រទេស​ថៃ​ប្តឹងទៅ​តុលាការ​ធម្មនុញ្ញ​ដើម្បី​ស្វែងរក​ការរំលាយ​គណបក្ស​ភឿ​ថៃ​។ ដើមបណ្តឹង​បាន​ចោទប្រកាន់ថា​មេដឹកនាំ​គណបក្ស​ចម្រុះ​បានអនុញ្ញាត​ឱ្យ​ខ្លួន​គ្រប់គ្រង​ដោយ​លោក​ថាក់ស៊ីន ដែល​មិនមែនជា​សមាជិក​បក្ស ឬ​ក្រុម​បក្ស​ចម្រុះ​នោះទេ​។​a thai paytong1 
​