
វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1091 នាក់
ម្សិលមិញ 10504 នាក់
សរុប 21205340 នាក់
ប្រទសហ្វីលីពីន៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាត្រូវបានរៀបចំឲ្យអង្គុយជាមួយលោកប្រធានាធិបតីអាមេរិក នៅកិច្ចប្រជុំកំពូលពិសេសអាស៊ាន-សហរដ្ឋអាមេរិក និងអាហារពេលល្ងាចផ្លូវការ ដែលរៀបចំឡើងដោយឯកឧត្តម Ferdinand R. Marcos Jr. ប្រធានាធិបតី នៃសាធារណរដ្ឋហ្វីលីពីន ដើម្បីជាកិត្តិយសជូនចំពោះ ឯកឧត្តម Donald J. Trump ប្រធានាធិបតីនៃសហរដ្ឋអាមេរិក នៅសាធារណរដ្ឋហ្វីលីពីន យប់ថ្ងៃទី១៧ ខែវិច្ឆិកា ឆ្នាំ២០២៦។
ចំនុចគួកត់សម្គាល់ក្នុងអំឡុងពេលថ្លែងសុន្ទរកថា នៅឯកិច្ចប្រជុំកំពូលអាស៊ាន-សហរដ្ឋអាមេរិក ប្រធានាធិបតីសហរដ្ឋអាមេរិក លោក ដូណាល់ ត្រាំ បានរំលឹកឡើងវិញអំពីកិច្ចព្រមព្រៀងសន្តិភាពទីក្រុងកូឡាឡាំពួរ ដែលបានចុះហត្ថលេខានៅប្រទេសម៉ាឡេស៊ីកាលពីឆ្នាំមុន។ ដោយលើកឡើងពីបទឈប់បាញ់ជាប្រវត្តិសាស្ត្ររវាងកម្ពុជា និងថៃ លោកប្រធានាធិបតី ត្រាំ បានសម្តែងក្តីសង្ឃឹមថា កិច្ចព្រមព្រៀងនេះនឹងបន្តរក្សាបាននូវសុពលភាព និងការអនុវត្តប្រកបដោយនិរន្តរភាព។ លោកក៏បានកត់សម្គាល់ផងដែរថា កម្ពុជាបានសម្តែងការដឹងគុណចំពោះតួនាទីរបស់លោកក្នុងការសម្របសម្រួល និងនាំឱ្យមានកិច្ចព្រមព្រៀងនេះ។
សូមបញ្ជាក់ថា៖ប្រមុខរដ្ឋនិងប្រមុខរដ្ឋាភិបាលនៃអង្គការអន្តរជាតិហ្វ្រង់កូហ្វូនីក្នុងកិច្ចប្រជុំលោកទី២០នៅភ្នំពេញបាន គូសបញ្ជាក់ថា រាល់វិវាទព្រំដែនត្រូវតែដោះស្រាយដោយមធ្យោបាយសន្តិវិធីតែមួយមុខប៉ុណ្ណោះ ស្របតាមច្បាប់អន្តរជាតិ ហើយមិនអាចមានការផ្លាស់ប្តូរខ្សែបន្ទាត់ព្រំដែនណាមួយតាមរយៈការប្រើប្រាស់កម្លាំង ឬតាមរយៈការបង្កើតស្ថានភាពជាក់ស្តែងនៅលើដី (faits accomplis) នោះឡើយ។
ប្រមុខរដ្ឋនិងប្រមុខរដ្ឋាភិបាលនៃអង្គការអន្តរជាតិហ្វ្រង់កូហ្វូនី ទទួលដឹងឮ អំពីកិច្ចខិតខំប្រឹងប្រែងអនុវត្តរួមគ្នាដើម្បីបន្ធូរបន្ថយភាពតានតឹងនៅតាមព្រំដែន; ក្នុងន័យនេះ ប្រមុខរដ្ឋនិងប្រមុខរដ្ឋាភិបាលនៃអង្គការអន្តរជាតិហ្វ្រង់កូហ្វូនីបានអំពាវនាវ ឱ្យមានការអនុវត្តនូវអ្វីដែលបានព្រមព្រៀងគ្នានៅក្នុងសេចក្តីថ្លែងការណ៍រួម ចុះថ្ងៃទី២៧ ខែធ្នូ ឆ្នាំ២០២៥ ពាក់ព័ន្ធជាអាទិ៍ ការចាប់ផ្តើមឡើងវិញឱ្យបានឆាប់រហ័សបំផុតនូវការងារវាស់វែងនិងបោះបង្គោលព្រំដែនរបស់គណៈកម្មការចម្រុះខណ្ឌសីមាព្រំដែនគោក(JBC); យើងគូសបញ្ជាក់ថា ការងារទាំងនេះត្រូវអនុវត្តស្របតាមកិច្ចព្រមព្រៀងទាំងអស់ដែលមានស្រាប់;
ប្រមុខរដ្ឋនិងប្រមុខរដ្ឋាភិបាលនៃអង្គការអន្តរជាតិហ្វ្រង់កូហ្វូនី បានអំពាវនាវដោយទទូច ឱ្យភាគីទាំងសងខាងគោរពបទឈប់បាញ់ឱ្យបានពេញលេញ និងជៀសវាងរាល់សកម្មភាពដែលអាចបង្កឱ្យមានភាពតានតឹងឡើងវិញ ឬធ្វើឱ្យប៉ះពាល់ដល់ការងារខណ្ឌសីមានិងបោះបង្គោលព្រំដែន។ ប្រមុខរដ្ឋនិងប្រមុខរដ្ឋាភិបាលនៃអង្គការអន្តរជាតិហ្វ្រង់កូហ្វូនី ស្វាគមន៍ រាល់គំនិតផ្តួចផ្តើមរបស់តំបន់ ក្នុងគោលដៅកាត់បន្ថយភាពតានតឹង និងស្តារទំនុកចិត្តឡើងវិញ។ ប្រមុខរដ្ឋនិងប្រមុខរដ្ឋាភិបាលនៃអង្គការអន្តរជាតិហ្វ្រង់កូហ្វូនីក៏បានលើកទឹកចិត្ត ឱ្យបន្តកិច្ចសន្ទនានិងប្រើប្រាស់មធ្យោបាយដោះស្រាយវិវាទដោយសន្តិវិធីស្របតាមច្បាប់អន្តរជាតិ ជាអាទិ៍នីតិវិធីការផ្សះផ្សាដោយបង្ខំក្រោមអនុសញ្ញាអង្គការសហប្រជាជាតិស្តីពីនីតិសមុទ្រ ឆ្នាំ១៩៨២ សម្រាប់ការដោះស្រាយវិវាទដែនសមុទ្រ;។
សូមបញ្ជាក់ថាប្រទេសថៃមិនសប្បាយចិត្តចំពោះកម្ពុជាដែលលើកយកយកបញ្ហាជម្លោះព្រុំដែននៅក្នុងវេទិការអន្តរជាតិទេ។តាំងពីនាយករដ្ឋមន្ត្រីក្រួងការបរទេសថៃបានរីះគន់កម្ពុជាដោយនិយាយថាយន្តការទ្វេភាគីជាដំណោះស្រាយក្នុងពេលដែលយោធាថៃប្រកាសជាចំហរថាទីតាំង(កម្ពុជា)ដែលថៃកាន់កាប់ជាទឹកដីរបស់ថៃ។