វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2165 នាក់
ម្សិលមិញ 10264 នាក់
សរុប 14141347 នាក់
ភ្នំពេញ៖ថ្មីៗនេះលេចដំណឹងមកថា លោកចា រិទ្ធី អ្នកគ្រប់គ្រងកម្មវិធីកម្សាន្ត បានហៅប៊ុត សីហា ឡើងប៉ុស្តិ៍អាស៊ីអាគ្នេយ៍ ដោយមានការព្រមព្រៀងគ្នាជាក់ច្បាស់ តែពេលដល់ម៉ោងច្រៀងមិនឃើញវត្តមានប៊ូតសីហា ឡើងឆាកទេ ធ្វើឲ្យលោករៀបចំដាក់តារាចម្រៀងថ្មីជំនួសស្ទើរតែមិនទាន់។
មិនមានប្រតិកម្មពីលោកចា រិទ្ធី ចំពោះតារាជាម្ចាស់ពានជយលាភីលេខ១ ក្នុងកម្មវិធី The Voice Cambodia រដូវកាលទី១ នោះទេ គ្រាន់តែសាធារណជនក្នុងបណ្តាញសង្គមយល់ថាប្រសិនបើរឿងរ៉ាវខាងលើនេះជាការពិតមែន វាជារឿងមួយគួរឲ្យខ្មាសអៀនជាទីបំផុត។ការធ្វើបែបនេះដូចទៅនឹងប៊ុត សីហា ធ្វើដាក់ហង្សមាសប៉ុន្មានឆ្នាំមុននោះដែរ ។
គួររំលឹកថា កាលមានបញ្ហាជាមួយក្រុមហ៊ុន ហង្សមាស លោក មាស រិទ្ធី អគ្គនាយរង ទូរទស្សន៏ ហង្សមាស និងជាអត្ថាធិប្បាយព័ត៌មានដែរនោះ បានបញ្ជាក់ថាក្រុមហ៊ុន ហង្សមាស បដិសេធ មិនទទួលយក ប៊ុត សីហា មកចូលផលិតកម្មវិញឡើយ ព្រោះថា កន្លងមក ក្រុមហ៊ុន បានដឹងថា លោក ប៊ុត សីហា ម្ចាស់ពានរង្វាន់ The VoiceCambodiaរដូវកាលទី១ ប្រើប្រាស់គ្រឿងញៀនជាយូរណាស់មកហើយ ប៉ុន្តែក្រុមហ៊ុនបានទុកពេលឲ្យកែខ្លួន។លោក មាស រិទ្ធី បានថ្លែងថា ទោះបីជាមានការអនុគ្រោះ និងយោគយល់ពីផលិតកម្មហង្សមាស យ៉ាងណាក្ដី ប៊ុត សីហា ហាក់ដូចជាមិនភ្ញាក់រលឹកនៅតែបន្តប្រើប្រាស់គ្រឿងញៀន និងមិនគោរពពេលវេលានៅពេលក្រុមហ៊ុន មានការងារណាត់ម៉ោង ៨ ព្រឹកលោកបែរជាមកដល់ ម៉ោង១០ ឬមិនមកក៏មាន ដោយគ្មានការជូនដំណឹងជាមុន។
ក្រោយពីមានពតិមាននេះកើតឡើង គណីហ្វេសប៊ុកលោក ប៊ុត សីហា ផុសវាយបកថា “រឿងខ្លះបងប្អូនកុំតាមការគេញាក់ពេក។អ្នកណាមិនចង់បានលុយហើយចង់ឡើងច្រៀងខ្ញុំក៏ចេះហត់ដែរហើយអារឿងចេះចុះរឿងយល់ច្រឡំឬរឿងអីនិងបើអាចសូមកាត់បន្ថយទៅ។អ្នកក៏ជាខ្មែរដែរហើយខំខមិនជេខ្ញុំឆ្កែឆ្មានិងតើអ្នកជាអ្វីអ្នកមានចំនេះដឹងអើយបងអស់លោកត្រូវគេជេវិញអស់លោកចេះឈឺទេ?ខ្ញុំត្រូវការអ្នកគ្រាំទ្រអ្នកស្រលាញ់អ្នកយល់ចិត្ត។សូមចេះរស់នៅឲ្យមានសុជីវធម៌ផងចេះមានខួរជាខ្មែរផងកុំចេះតែខាំខ្ញុំពេក(សីហាបាទ) “។