នគរបាលបង្ក្រាបអ្នករកស៊ីចងការនៅខេត្តព្រៃវែងកណ្តាលស្វាយរៀងនិងរាជធានីភ្នំពេញ?

ខេត្តព្រៃវែង៖ មានការបញ្ជាផ្ទាល់ និងត្រួតពិនិត្យជាប់ពីឯកឧត្តម នាយឧត្តមសេនីយ៍ អគ្គស្នងការ ស ថេត ពីឯកឧត្តម អភិបាលខេត្ត សួន សុម៉ាលីន និងមានការដឹកនាំដំណើរការនីតិវិធីយ៉ាងយកចិត្តទុកដាក់ពីឯកឧត្តម ព្រះរាជអាជ្ញា គុជ គឹមឡុង កម្លាំងនគរបាលខេត្តព្រៃវែង បូករួមកម្លាំងនាយកដ្ឋានប្រឆាំងភេរវកម្មនៃអគ្គស្នងការដ្ឋាននគរបាលជាតិ បានស្រាវជ្រាវឈានទៅបង្ក្រាបក្រុមផ្តល់ប្រាក់កម្ចីខុសច្បាប់៥ក្រុមផ្សេងៗគ្នា ក្នុងមូលដ្ឋានស្រុកផ្សេងៗគ្នាក្នុងខេត្តព្រៃវែង ខេត្តកណ្តាល ខេត្តស្វាយរៀង និងរាជធានីភ្នំពេញផងដែរ ។នេះបើតាមសេចក្តីប្រកាសពត៍មានរបស់ស្នងការដ្ឋាននគរបាលខេត្តព្រៃវែង។ 

តាមរូបភាព និងចម្លើយសារភាព ពួកគេផ្តល់ប្រាក់កម្ចីជូនពលរដ្ឋយកការប្រាក់ចន្លោះពី ១០ ទៅ ១៥ ភាគរយក្នុងមួយខែនៃប្រាក់ដើមសរុប រួចហើយឱ្យពលរដ្ឋបង់ប្រាក់សរុបថេររៀងរាល់ថ្ងៃមកវិញ ។ ការបង់ប្រាក់រៀងរាល់ថ្ងៃត្រឡប់មកវិញនេះ ពួកគាត់បានគិតបូកប្រាក់ដើមនិងប្រាក់ការចំនួនថេរ នៃប្រាក់បានខ្ចីដំបូងបំផុត ក៏ប៉ុន្តែអាការប្រាក់ពួកគេមិនបានដកថយតាមចំនួនប្រាក់ដើមដែលពលរដ្ឋបានសងរំលួសរាល់ថ្ងៃជូនទៅក្រុមហ៊ុនវិញឡើយ ដូចនេះបើយើងគណនាឱ្យបានត្រឹមត្រូវ ការប្រាក់របស់ពួកគេមានចំនួនប្រមាណជា ៨០ ភាគរយនៃប្រាក់បានខ្ចីដំបូងក្នុងរយៈពេលត្រឹមមួយខែ ការនេះហើយគឺជាគ្រោះមហន្តរាយមួយចំពោះជីវភាពរបស់ប្រជាពលរដ្ឋខ្វះការយល់ដឹងនិងកំពុងទីទាល់ក្រគ្មានជម្រើស ។

កម្លាំងនគរបាលបានខិតខំស្រាវជ្រាវរកឬសគល់នៃអ្នកទទួលខុសត្រូវធំបំផុតនៃការផ្តល់ប្រាក់កម្ចីខុសច្បាប់នេះ ហើយនគរបាលក៏ប្តេជ្ញាលុបបំបាត់ឱ្យអស់ពីទឹកដីខេត្តព្រៃវែង ។សូមពលរដ្ឋខេត្តព្រៃវែងទាំងអស់ ឈប់ខ្ចីប្រាក់នេះបន្តទៀត បើមិនដូចច្នោះទេ ១ ឬ ២ឆ្នាំខាងមុខអ្នកដែលបានខ្ចីប្រាក់នេះនឹងលក់ដី លក់ផ្ទះគ្មានសេសសល់ឡើយ ។ទាក់ទងមុខរបរចងការនេះបើតាមស្នងការនឡគរបាលខេត្តព្រៃវែងបញ្ជាក់ថា បើមានអ្នកផ្តល់កម្ចីខុសច្បាប់បែបនេះដំណើរការក្នុងទឹកដីខេត្តព្រៃវែង ស្នើនគរបាលទាំងអស់បង្ក្រាបភ្លាមៗកុំចាំថ្ងៃស្អែក .

សូមបញ្ជាក់ថាកន្លងមកលោកសសុខារឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានប្រកាសឲ្យប្រជាពលរដ្ឋឈប់សងលុយអ្នករកស៊ីចងការតាមអនឡាញ។តែមិនបានប្រកាសថាបង្ក្រាបនោះទេ។ឡូវបែជាលេចចេញនូវការបង្ក្រាបប្រជាពលរដ្ឋរកស៊ីចងការលុយរាប់ទៅវីញ។ការពិតរបរនេះវាខុសច្បាប់ធនាការដែលតម្រូវឲ្យការប្រាក់១ឆ្នាំប្រមាណ១៨ភាគរយព្រោះវាស៊ីសាច់ហុតឈាមអ្នកមកខ្ចីមែនតែវាក៏ជាការដោះទល័ឲ្យប្រជាពលរដ្ឋផងដែរ។ជាក់ស្តែងការរកស៊ីបញ្ចាំក៏ស៊ីការប្រាក់ខ្ពស់ដែរតែរដ្ឋនៅបើកសិទ្ធឲ្យថ្វើអាជីវកម្ម។ប្រការនេះសុំអ្នកជំនាញសេដ្ឋកិច្ចជួយពន្យល់មុននិងដាក់វិធានការបង្ក្រាបដោយមិនបានជូនដំណឹងជាមុន៕