វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 438 នាក់
ម្សិលមិញ 3717 នាក់
សរុប 14148771 នាក់
ភ្នំពេញ ៖ កាលពីថ្ងៃទី២៤ ខែមករា ឆ្នាំ២០២៤ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចចេញ ដីកាឃុំ ខ្លួនតារាចម្រៀងនាង រតនៈ ពិសី ដាក់ពន្ធនាគារព្រៃស (ម២) ជាបណ្តោះអាសន្ន ក្រោមការចោទប្រកាន់ពីបទ.មិនបំពេញកាតព្វកិច្ចចំពោះឧបករណ៍អាចជួញដូរបាន(មូលប្បទានបត្រ័) ។
កាលពីរសៀលថ្ងៃទី២១ ខែមករា ឆ្នាំ២០២៤តារាចម្រៀងនិងសម្តែង កែវ ពិសី ហៅ រតនៈ ពិសីត្រូវបាន កម្លាំង ការិយាល័យព្រហ្មទណ្ឌកម្រិតធ្ងន់ នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បញ្ជូនខ្លួន ទៅកាន់សាលាដំបូងរាជធានីភ្នំពេញ ដើម្បីប្រគល់ជូនតំណាងអយ្យការសាកសួរ ក្រោយចាប់ខ្លួន ពីបទរំលោភលើទំនុកចិត្ត និងមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ។ការឃាត់ និងបញ្ជូនខ្លួនតារាសម្តែង កែវ ពិសី គឺសមត្តកិច្ចធ្វើឡើងតាមពាក្យបណ្ដឹងរបស់ឈ្មោះ ផាន់ សូរិយា ភេទស្រី អាយុ៣១ឆ្នាំ ដែលបានប្តឹងចោទប្រកាន់ឈ្មោះ កែវ ពិសី ពីបទរំលោភលើទំនុកចិត្ត និងមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ប្រព្រឹត្តនៅចំណុចរាជធានីភ្នំពេញ កាលកំឡុងថ្ងៃទី១៣ ខែមេសា ឆ្នាំ២០២៣ ។
សមត្ថកិច្ចបញ្ជាក់ថា ជនសង្ស័យមានឈ្មោះ កែវ ពិសី ភេទស្រី អាយុ២៧ ឆ្នាំ មុខរបរ ជាម្ចាស់ក្រុមហ៊ុន ELI KP TRADING CO LTD មានអាសយដ្ឋានផ្ទះលេខ១៩ ផ្លូវលេខ៥ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ។ តារាចម្រៀងរូបនេះសមត្ថកិច្ចធ្លាប់បានកោះហៅឲ្យចូលបំភ្លឺ ជុំវិញករណីចេញសែកគ្មានសាច់ ប្រាក់(សែកស្អុយ)តាមពាក្យបណ្ដឹងរបស់ជនរងគ្រោះ ដែលបានដាក់ចូលទៅនាយកដ្ឋាននគរបាលព្រហ្មទណ្ឌ កាលពីថ្ងៃទី២០ ខែកញ្ញា និងថ្ងៃទី៣០ ខែតុលា ឆ្នាំ២០២៣ កន្លងទៅ ។ពាក់ព័ន្ធករណីចេញមូលប្បទានប័តគ្មានសាច់ប្រាក់(សែកស្អុយ)នោះ ត្រូវបានតារាចម្រៀងរូបស្រស់ រតនៈ ពិសី បំភ្លឺនៅសមត្តកិច្ចថា រូបនាងក៏ចាញ់បោកគេដូចគ្នា ហើយអ្នកដែលជំពាក់ប្រាក់នាងរាប់ម៉ឺនដុល្លារកំពុងរត់គេចខ្លួន ពោលគឺទុកឲ្យរូបនាងរ៉ាប់រងសងតែម្នាក់ឯង ។ស្ថិតក្នុងដំណាក់ការស៊ើបសួរនៅសាលដំបូងរាជធានីភ្នំពេញ គេបានឃើញជនរងគ្រោះជាបន្តបន្ទាប់បានទៅដាក់ពាក្យបណ្តឹង នាង រតនៈ ពិសី ករណីមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ដូចគ្នា សរុបទឹកប្រាប់រាប់ម៉ឺនដុល្លារអាមេរិក ៕