វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5639 នាក់
ម្សិលមិញ 5304 នាក់
សរុប 14145165 នាក់
ខេត្តកំពង់ធំ៖ កញ្ញា កែ ចាន់កេសីនៅ ទទួលបានជោគជ័យដោយជាប់ចំណាត់ថ្នាក់1st Runner-up ពីកម្មវិធី Mrs. International 2023 Ambassador លើទឹកដីនៃប្រទេសម៉ាឡេស៊ី ។ ក្រៅពីជោគជ័យខាងលើអ្វីដែលអាចធ្វើឲ្យគ្រប់គ្នាស្រក់ទឹកភ្នែកបានគឺនាងបានមកដល់កម្ពុជាភ្លាម នាងបានធ្វើដំណើរទៅកាន់ទឹកដីកំណើតភ្លែតដើម្បីជួប សំពះបំពាក់មកុដឈាងជូនម្តាយផងដែរ។
តារាម៉ូដែលរាងខ្ពស់ស្រឡះសម្បុរខ្មៅស្រអែម កែ ចាន់កេសី ជាប់ចំណាត់ថ្នាក់1st Runner-up ពីកម្មវិធី Mrs. International 2023 Ambassador ដែលប្រារព្ធឡើងនៅទីក្រុង Kuala Lumpur ប្រទេសម៉ាឡេស៊ីដែលជាកម្មវិធីប្រកួតប្រជែងសម្រស់លំដាប់អន្តរជាតិលើកទី១។កញ្ញា កេសីដែលមានប្រវត្តិជានារីដាំដំឡូងមីបានទៅ ចូលរួមប្រកួតប្រជែងបន្ទាប់ពីនាងទទួលបានជយលាភីលេខ២ ក្នុងការប្រកួតកម្មវិធី «កំពូលតារាបង្ហាញកម្ពុជា» រដូវកាលទី១ «Cambodia Next Top Model season1» កាលពីជិត ១០ ឆ្នាំមុន។ ពេលបានមកដល់ទឹកដីកំណើតភ្លាម នាងបានធ្វើដំណើរទៅកាន់ទឹកដីនៃខេត្តកំពង់ធំ ដោយបានទាំងបង្ហាញស្ថានភាពរស់នៅរបស់គ្រួសារនាង គឺការធ្វើដំណើរទៅទាំងយប់ជួបម្តាយក្នុងផ្ទះកម្សត់ ដើម្បីជួបម្តាយ ដោយបានទាំងយកមកុដ និងឈៀងពាក់ជូនម្តាយ និងបានសំពះគោរពអ្នកមានគុណ។ ក្នុងផ្ទះស័ង្កសី ផ្ទាល់ដីដែលមិនមានសម្ភារៈមានតម្លៃអ្វីក្រៅពីទូរទស្សន៍មួយគ្រឿងនោះឡើយ។
នាងបានបង្ហាញសភាពពិតនៃផ្ទះ និងជិវិតរបស់នៅរបស់ក្រុមគ្រួសារបន្ថែមពីអ្វីដែលនាងធ្លាប់ទម្លាយរឿងរ៉ាវលំបានជាច្រើនមុននពេលដែលគេស្គាល់នាងច្រើន។ ភ្ជាប់ដោយវីដេអូនាងបានភ្ជាប់ដោយសំណេរថា៖ មានតែ ពាក្យមួយមាត់ថា អរគុណ ៗៗនឹងពាក្យថា សុំ កមាទោស រាល់កំហុស នេះគឺ ជាក្តីស្រមៃមួយដែលកូនធ្លាប់ស្រមៃ ឥលូវ ម៉ែបានឃើញហើយ តែស្តាយពុក មិននៅ តែសង្ឃឹមពុកបានឃើញដែរចុះ។ សំរាប់អ្នកដែល មិនធ្លាប់ស្រមៃ គឺអារម្មណ៍ខុសគ្នា”។ សារនេះគឺកាន់តែធ្វើឲ្យអ្នកដែលបានឃើញមានអារម្មណ៍ក្តុកក្តួលអួលដើម ក ព្រោះតែនាងអាចបំពេញក្តីស្រមៃរបស់ខ្លួនឯងបានក្រោមការតស៊ូជាច្រើនឆ្នាំ។
ទោះជាយ៉ាងណានាងមិនមានជីវភាពល្អដូចទៅនឹងកេរឈ្មោះដែលនាងទទួលបានដូចពេលនេះនៅឡើយ។
សូមជម្រាបផងដែរថា កែ ចាន់កេសី ជាគ្រូបង្រៀនជំនាញបង្ហាញម៉ូដ សម្បុរខ្មៅស្រអែម ត្រូវបានទស្សនិកជន ស្គាល់ថា ជាបេក្ខនារីទទួលបានជ័យលាភីលេខ២ ក្នុងការប្រកួតកម្មវិធី «កំពូលតារាបង្ហាញកម្ពុជា» រដូវកាលទី១ ដែលមុននេះនាងទទួលរងការនូវការមាក់ងាយមួយចំនួនអំពីសម្បុរ ។កន្លងទៅ កេសី រស់បានមកដល់សព្វថ្ងៃ ក៏ដោយសារតែក្ដីអាណិតអាសូរ ពីសំណាក់អ្នកសិល្បៈ អ្នកជួយជ្រោមជ្រែងជីវិតនាង ឲ្យចេះតែដើរទៅមុខជានិច្ច៕