វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 720 នាក់
ម្សិលមិញ 5378 នាក់
សរុប 14080013 នាក់
ភ្នំពេញ៖ឧត្តមសេនីយ៍ នុត សវនា អគ្គនាយករង នៃអគ្គនាយកដ្ឋានពន្ធនាគារ ក្រសួងមហាផ្ទៃ ប្រតិកម្មទៅនឹងការប្រើប្រាស់ឈុតអាវរបស់លោក គីម សាន ប្អូនប្រុសតារាសម្តែង ដេនី ក្វាន់!។ សម្លៀកបំពាក់ច្នៃឡូយឆាយនេះលោកគឹមសានស្លៀកនៅក្នុងពិធីខួបកំណើតកាលពីពេលថ្មីៗនេះ ។
ឧត្តមសេនីយ៍ឯកនុតសវនាដែលជាកូនប្រុសលោកនុតសាអានរដ្ឋលេខាធិការក្រសួងមហាផ្ទៃ បានសរសេរតាមហ្វេសប៊ុកបង្ហាញពីការទើសរបស់លោកតាមហ្វេសប៊ុកថា៖ “ការប្រើប្រាស់ សញ្ញាសក្តិ និងឯកសណ្ឋាន របស់ស្ថាប័នសាធារណៈ សុទ្ធតែត្រូវបានកំណត់ដោយព្រះរាជក្រឹត្យ (លើកលែងតែសន្តិសុខខណ្ឌ ដែលជាកម្រិត មូលដ្ឋាន)។
ជាក់ស្តែង បើខ្ញុំមិនច្រលំទេ សញ្ញាសក្តិ និងស្លាកសញ្ញា ដែលនាយប្រុញកំពុងឡង់សេនេះជាប្រភេទត្រូវបានដាក់ឲ្យប្រើជាមួយអាវស ខោស ដោយមន្ត្រីជាន់ខ្ពស់ ថ្នាក់វរមន្ត្រី ឬឧត្តមមន្ត្រី របស់ស្ថាប័នទំនាក់ទំនងរដ្ឋសភា ព្រិទ្ធសភា និងអធិការកិច្ច សម្រាប់ចូលរួមក្នុងព្រះរាជពិធីរបស់ព្រះករុណាជាអង្គម្ចាស់ជីវិតតម្កល់លើត្បូង ព្រះមហាក្សត្រនៃព្រះរាជាណាចក្រកម្ពុជា។
បើពាក់ថតកុន ឬថតសារអប់រំ យើងគួរប្រើឯកសណ្ឋានឲ្យបានត្រឹមត្រូវតាមច្បាប់កំណត់ តែបើយករបស់ផ្លូវការមកច្នៃតាមការរវើរវាយពេលពុលសារជាតិអ័រម៉ូន ឬបូថក់ វាអាចបង្កគ្រោះថ្នាក់ដល់ខ្លួន។ អញ្ចឹងហើយបានជាគេតែងតែទូន្មានថា “ពេលស្រវឹង សូមកុំបើកបរ”។
ករណីយ៍ផ្កាយបីទើសភ្នែកនេះគេមិនដឹងថាតើមានច្បាប់ឬលិខិតបទដ្ឋានណាហាមរៀងស្លៀកពាក់ចឹងនោះទេព្រោះកន្លងមកហាមតែសម្លៀកបំពាក់សមត្តកិច្ចប្រដាប់អាវុធតើ?!៕