វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 563 នាក់
ម្សិលមិញ 6677 នាក់
សរុប 14148139 នាក់
ភ្នំពេញ៖ របងសង់អំពីថ្មរៀបឥដ្ឋិ សង់រំលោភលើផ្លូវសារធារណះមួយកន្លែងបង្កឡើងដោយលោក ឧកញ៉ា សុខ ហេង ត្រូវបានអាជ្ញាធរខណ្ឌពោធិ៍សែនជ័យ យកគ្រឿងវាយកម្ទេចចោល កាលពីព្រឹកថ្ងៃទី៣១ ខែឧសភា ឆ្នាំ២០១៨ នៅតាមផ្លូវលេខ១០៧ ភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ។
លោក សេង គន្ធអភិបាលរងខណ្ឌ័ បាន អោយដឹងថាការចុះមកវាយកម្ទេចរបងថ្មមួយកន្លែង ដែលលោកឧកញ៉ា សុខ ហេង អាងអំណាច បានសាងសង់រំលោភយកចំណីផ្លូវសាធារណៈ គឺមកពីមិនស្ដាប់តាមការណែនាំនិងការហាមឃាត់របស់អាជ្ញាធរសង្កាត់ និង ខណ្ឌដែលបានចុះរារាំងមិនឲ្យសាងសង់ក្នុងពេលកន្លងមក។
របងថ្មដែលត្រូវវាយកម្ទេចចោលនាពេលនេះមានទទឹងប្រវែង៦ម៉ែត្រនិងបណ្ដោយជាង៦៥ម៉ែត្រកម្ពស់ជាង២ម៉ែត្រ ដែលលោកឧកញ៉ា សុខ ហេង បានរឹងទទឹងសាងសង់រំលោភយកចំណីផ្លូវសាធារណៈធ្វើជាកម្មសិទ្ធិផ្ទាល់ខ្លួនទាំងគ្មានការទទួលស្គាល់និងឯកភាពពីសំណាក់អាជ្ញាធរ ខណ្ឌ សង្កាត់ និងភូមិឡើយ។ឈ្មោះ ទី ជាតំណាងដំណាងលោកឧកញ៉ា សុខ ហេង បាននិយាយថាលោកឧកញ៉ាគាត់មិនជុំទាស់ទេនៅអ្វីដែលអាជ្ញាធរខណ្ឌអនុវត្តន៍ច្បាប់នោះប៉ុន្តែលោកសុំអោយមានការអនុវត្តន៍អោយស្មើភាពគ្នា។
កំណាត់ផ្លូវខាងលើនេះតភ្ជាប់ពីមហាវិថីសហព័ន្ធរុស្ស៊ី ភូមិក្បាលដំរី២ ឆ្ពោះកាន់ភូមិត្រពាំងជ្រៃ សង្កាត់កាកាប២ មានប្រវែងជាង២គីឡូម៉ែត្រ ។ ហើយក៏ជាគម្រោងផ្លូវចាក់ក្រាលបេតុង ដែលឧបត្ថម្ភដោយ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជាផងដែរ។
នៅមានរោងដាក់កង់ម៉ូតូ១ខ្នងមានទទឹង៦ម៉ែត្រនិងបណ្ដោយជាង១០០ម៉ែត្រ ដែលរោងចក្រកាត់ដេរមួយបានសង់រំលោភយកដែរ ហើយពេលនេះអាជ្ញាធរទុកពេលឲ្យ១៥ថ្ងៃដើម្បីរុះរើបើមិនដូច្នេះទេនិងត្រូវវាយកម្ទេចចោលដូចគ្នា!។