វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2652 នាក់
ម្សិលមិញ 10264 នាក់
សរុប 14141834 នាក់
ភ្នំពេញ៖ កាលពីរាត្រីថ្ងៃទី២៤ ខែធ្នូ ឆ្នាំ ២០២២កម្មវិធីប្រឡងចម្រៀងកុមារលំដាប់ពិភពលោក The Voice Kids Cambodia រដូវកាលទី ៣ ដែលបានឆ្លងកាត់ការប្រកួតប្រជែងសមត្ថភាពអស់ជាច្រើសប្តាហ៍មក បានឈានមកដល់វគ្គផ្តាច់ព្រ័ត្រហើយ ហើយក៏បានស្វែងរកឃើញនូវម្ចាស់ពានរង្វាន់នៃកម្មវិធីប្រចាំរដូវកាលទី ៣ នេះផងដែរ ។
នៅក្នុងរាត្រីដ៏អស្ចារ្យមួយនេះ គឺនៅសល់តែបេក្ខភាពជើងខ្លាំង ៦ រូបតែប៉ុណ្ណោះ ដែលតម្រូវឲ្យមានការប្រកួតប្រជែងបង្ហាញសមត្ថភាពនៅលើឆាកដ៏ធំមួយនេះរៀងៗខ្លួន ដើម្បីឆក់យកប្រជាប្រិយភាពពីសំណាក់មហាជន ក៏ដូចជាទស្សនិកជនជាច្រើនឲ្យធ្វើការបោះឆ្នោតជូន ។បេក្ខជនផ្តាច់ព្រត័៦នាក់រួមមានក្រុមលិកហ្សូណូមានបេក្ខជនសារុំបញ្ញាសក្ត័និងបេក្ខនារីហាងមួយគាង។ក្រុមនីស្សាមានបេក្ខនារីម៉ូញសៀវិនថិចនិងរ៉នណាវី។ក្រុមឱកសុគន្ធកញ្ញាមានបេក្ខជនគុំចាន់តារានិងបេក្ខនារីពៅស្រីនិត ក្រោយបេក្ខភាពជើងខ្លាំងទាំង ៦ រូបនេះ បានបង្ហាញសមត្ថភាពរៀងៗខ្លួននៅលើឆាករួចមក នៅក្នុងពេលវេលាដ៏ពិសេស នៃការប្រកាសលទ្ធផលចុងក្រោយដើម្បីស្វែងរកម្ចាស់ពានរង្វាន់ក្នុងរដូវកាលថ្មីមួយនេះ គឺបានទៅលើបេក្ខភាព កុមារ សារុំ បញ្ញាស័ក្ត ដែលជាបេក្ខភាពទទួលបានសំឡេងពីការគាំទ្រយ៉ាងជាងគេ ទាំងសតម្ថភាព និងទឹកដម ហើយក៏ជាកូនក្រុមរបស់គ្រូបង្វឹក ហ្ស៊ូណូ ផងដែរ ។
ការរកឃើញម្ចាស់ពានរង្វាន់កម្មវិធី The Voice Kids Cambodia រដូវកាលទី ៣ មួយនេះ មហាជនជាច្រើន ក៏ដូចជាអ្នកគាំទ្រនិយមតាមដានកម្មវិធីមួយនេះ បានបង្ហាញអារម្មណ៍រំភើបចិត្តយ៉ាងខ្លាំង និងបានផ្ញើរសារអបអរសាទរ និងបង្ហាញការស្រលាញ់ចំពោះបេក្ខភាពរូបនេះ ដែលឃើញថាស័ក្តិសមបំផុតសម្រាប់ជាម្ចាស់ពានក្នុងរដូវកាលមួយនេះ ។ ជាពិសេសគណៈកម្មការលោក ហ្ស៊ូណូ ឯណោះវិញ ដែលជាគ្រូបង្វឹក ក៏បានបង្ហោះសារជូនពរទៅកាន់ម្ចាស់ពានរង្វាន់រូបនេះ យ៉ាងមានន័យថា៖ “អបអរសាទរក្មួយ សារុំ បញ្ញាសក្ត័ ជាប់ជ័យលាភី The Voice Kids Cambodia រដូវកាលទី៣ ពូសូមជូនពរក្មួយសម្រេចបាននូវក្តីប្រាថ្នារបស់ក្មួយជាបន្តបន្ទាប់ទៀត” ៕